Hurmatli delegatsiyalar rahbarlari!

Avvalambor, Rossiya Federatsiyasi Prezidenti hurmatli Vladimir Vladimirovich Putinga mehmondoʻstlik va bugungi uchrashuvimizni aʼlo darajada tashkil etgani uchun bildirilgan minnatdorlik soʻzlariga qoʻshilaman.

Belarus tomonining, Belarus Respublikasi Prezidenti Aleksandr Grigoryevich Lukashenkoning Yevroosiyo iqtisodiy ittifoqiga samarali raisligini alohida qayd etmoqchiman. Bu davrda koʻp tomonlama amaliy hamkorlik yangi surʼat kasb etdi.

Global bozorlarning tobora parchalanib borayotgani, logistika zanjirlarining murakkablashayotgani va investitsiya resurslarini taqsimlashda ustuvor yoʻnalishlarning oʻzgarayotgani sharoitida biz uchun strategik va tabiiy sheriklarimiz boʻlgan Yevroosiyo iqtisodiy ittifoqi mamlakatlari bilan pragmatik va oʻzaro manfaatli hamkorlikni chuqurlashtirish prinsipial ahamiyat kasb etmoqda.

Hurmatli yig‘ilish ishtirokchilari!

Kuzatuvchi davlat maqomidagi hamkorlikning soʻnggi toʻrt yilida Oʻzbekistonning YOII mamlakatlari bilan tashqi savdo aylanmasi qariyb ikki barobar oshdi.

Iqtisodiy aloqalar tarkibida yuqori qoʻshilgan qiymatli mahsulotlar ulushi ortib borayotgani, kooperatsiya loyihalari kengayib borayotgani barqaror surʼat koʻrsatayotgani ayniqsa muhimdir.

Bu hamkorlarimiz ishlab chiqarish zanjirlarini mustahkamlashdan chinakam manfaatdorligini aks ettiradi.

Oʻzbekiston Yevroosiyoning asosiy formatlarida faol ishtirok etmoqda.

Yevroosiyo iqtisodiy komissiyasi bilan savdo, sanoat, moliya, agrar sanoat va transport sohalarida 40 ga yaqin aniq tadbirlarni oʻz ichiga olgan uch yillik reja amalga oshirilmoqda.

Qoʻshma Ishchi guruh formatidagi ishlar davom etmoqda: uning beshinchi yigʻilishini kelgusi yilda Toshkent shahrida oʻtkazishni rejalashtirmoqdamiz.

Shuningdek, YOIIning elektron savdoni rivojlantirish, yuk tashishni raqamlashtirish va iqlim oʻzgarishiga qarshi kurashish boʻyicha tarmoq dasturlarida ishtirok etmoqdamiz.

Oʻzbekiston va YOII bojxona chegaralari orqali olib oʻtiladigan tovarlar va transport vositalari toʻgʻrisida axborot almashish toʻgʻrisida bitim tuzish boʻyicha muzokaralarni boshlash haqidagi qaror qabul qilinganini olqishlaymiz.

Ishonchimiz komilki, transchegaraviy maʼlumotlar almashinuvi bojxona nazorati samaradorligini oshirish, kechikishlarni kamaytirish va transport tizimlarimizning Yevroosiyo yoʻlaklariga integratsiyalashga xizmat qiladi.

Oʻzbekistonning Yevroosiyo taraqqiyot bankiga qoʻshilishi hamkorlikni mustahkamlashda muhim bosqich boʻldi. Bank bilan birgalikda infratuzilma, energetika, metallurgiya, kimyo va boshqa tarmoqlarda istiqbolli loyihalar portfeli shakllantirildi.

Hurmatli hamkasblar!

YOII bilan hamkorlikni kengaytirish borasidagi ustuvor yoʻnalishlarimizni qisqacha aytib oʻtmoqchiman.

Birinchi. Savdo toʻsiqlarini bosqichma-bosqich bartaraf etish asosiy vazifa boʻlib qolmoqda.

Texnik jihatdan tartibga solish, sanitariya va fitosanitariya meʼyorlari borasidagi yondashuvlarni yaqinlashtirish maqsadida MDH va YOII institutlari oʻrtasidagi muvofiqlashtirishni faollashtirish zarur deb hisoblaymiz.

Ortiqcha tartib-taomillarni bartaraf etish va talablarni birxillashtirish boʻyicha “yoʻl xaritasi”ni ishlab chiqish maqsadga muvofiq.

Texnik jihatdan tartibga solish, sertifikatlash va bojxona maʼmuriyatchiligidagi tafovutlar bilan bogʻliq masalalarni tezkor hal etish maqsadida tarif va notarif toʻsiqlar boʻyicha “Oʻzbekiston – YOII” qoʻshma muvofiqlashtiruvchi guruhini tuzishni taklif etamiz.

Ikkinchi. Sanoat kooperatsiyasini rivojlantirishga alohida eʼtibor qaratmoqdamiz.

Mashinasozlik, energetika, agrosanoat majmui, kimyo va boshqa tarmoqlardagi loyihalar roʻyxatini birgalikda shakllantirish zarur.

Oʻzbekistonning YTTBga qoʻshilishi munosabati bilan sheriklikning strategik yoʻnalishlarini birgalikda belgilab olish hamda ustuvor infratuzilmaviy va “yashil” loyihalarni, kichik va oʻrta biznesni qoʻllab-quvvatlashni qamrab olgan “yoʻl xaritasi”ni ishlab chiqish maqsadga muvofiqdir.

Ishonchimiz komilki, Bank nafaqat moliyalashtirish manbai, balki integratsiya loyihalariga investitsiyalarni jalb qilish katalizatoriga aylanishi mumkin.

Uchinchi. Raqamli texnologiyalar sohasidagi hamkorlikni kuchaytirish niyatidamiz.

Raqamli platformalarni, jumladan, elektron tijorat va raqamli markirovkalashni oʻzaro bogʻlash boʻyicha YOIK bilan “yoʻl xaritasi”ni tayyorlashni taklif etamiz.

Bojxona maʼmuriyatchiligini raqamlashtirish va yuk tashishning “choksiz” modeliga oʻtishni ham ustuvor vazifa sifatida koʻryapmiz.

Toʻrtinchi. Biz YOIIning biotibbiyot, yangi materiallar, agrotexnologiyalar, energetika va robototexnika kabi yoʻnalishlarni qamrab oluvchi texnologik platformalariga qoʻshilishdan manfaatdormiz.

Beshinchi. Turizm sohasida integratsiyalashgan axborot resursini shakllantirishga ham qoʻshilishga tayyormiz.

Bunday yondashuv mamlakatlarimiz turistik mahsulotlarining oʻzaro bogʻliqligini taʼminlash imkonini beradi.

Hurmatli doʻstlar!

Oʻzbekiston YOII bilan amaliy hamkorlikni yanada kengaytirish tarafdoridir.

Fursatdan foydalanib, Qozogʻiston Respublikasi Prezidenti hurmatli Qasim-Jomart Kemelevich Toqayevga Birlashmaga raislik Qozogʻistonga oʻtishi munosabati bilan muvaffaqiyatlar tilayman.

Barchangizni va birodar xalqlarimizni kirib kelayotgan Yangi yil bilan yana bir bor samimiy tabriklab, tinchlik-osoyishtalik, farovonlik va ravnaq tilayman.

Eʼtiboringiz uchun rahmat.

Manba: https://president.uz/oz/lists/view/8822

Saudiya aviakompaniyasi Flyadeal O‘zbekistonga reyslarni yo‘lga qo‘yadi Kompaniya tomonidan Jidda—Toshkent—Jidda, Madina—Toshkent—Madina va Jidda—Namangan—Jidda yo‘nalishlarida aviakatnovlar tashkil etiladi. Bu reyslar o‘zbek va saudiya hukumatlari o‘rtasidagi kelishuvga asosan amalga oshiriladi.

O‘zbekistondagi "Ozaviation" agenti Flyadeal aviakompaniyasini ushbu reyslar uchun ro‘yxatdan o‘tkazish va ro‘yxatnoma berishda ishtirok etgan. Ushbu reyslarda Airbus A320 samolyotlari foydalaniladi.

Bu harakatlar, Saudiya Arabistoni va O‘zbekiston o‘rtasidagi havo aloqalarini kuchaytirishga va yo‘lovchilar uchun qulaylik yaratishga xizmat qiladi.

✅Ertaga Samarqandda start oladigan 14-UNESCO Yoshlar Forumi oldidan, bugun forum ishtirokchilari qadimiy Registon maydonida madaniy sayohat amalga oshirmoqda.

✅Bu sayohat — nafaqat tarix bilan tanishuv, balki dunyoning 100 ga yaqin davlatlaridan kelgan yoshlar o‘rtasida do‘stlik, ochiq muloqot va hamjihatlik ruhini mustahkamlashga xizmat qilmoqda.

✅2025-yil 26–28-oktabr kunlari o‘tadigan Forum “Iqlim harakati va uning ijtimoiy ta’siri” mavzusiga bag‘ishlanib, global o‘zgarishlar jarayonida yoshlarning faol mavqeini kuchaytirishni maqsad qiladi.

✅Samarqand bugun — yoshlar birlashadigan, g‘oyalar va kelajak uchun ilhom uyg‘onadigan makondi

Farg‘ona tumanining turizm salohiyatidan samarali foydalanish, tog‘li hududlarning zaxira imkoniyatlarini ishga tushirish, aholini xizmat ko‘rsatish va tadbirkorlik faoliyatiga keng jalb qilish, tumanning investitsiyaviy jozibadorligini oshirish, master reja asosida xizmat ko‘rsatish majmualarini tashkil qilish, xalqaro kurort zonasini rivojlantirish hamda yangi ish o‘rinlarini yaratish maqsadida O‘zbekiston Respublikasi Prezidentining 2026-yil 12-yanvar kuni “Farg‘ona” turistik-rekreatsion zonasini tashkil etish chora-tadbirlari to‘g‘risida”gi qarori qabul qilindi.

Qarorga muvofiq, “Farg‘ona” turistik-rekreatsion zonasi (turistik zona) umumiy 2396 gektar maydonda faoliyat ko‘rsatish muddatini keyinchalik uzaytirish imkoniyati bilan 30 yilga tashkil qilinadi.

Farg‘ona tumanida “Vodil” malina agroturizm klasterini turistik obyektga aylantirish uchun zarur infratuzilma yaratiladi va salohiyatli tadbirkorlarni jalb etgan holda malina bog‘lari (plantatsiyalari) hududida yengil konstruksiyali xizmat ko‘rsatish obyektlari tashkil qilinadi.

2026–2027-yillarda Yozyovon tumani Markaziy Farg‘ona suv ombori atrofidagi yer maydonlarida turizm xizmatlarini tashkil qilish orqali ish o‘rinlari yaratiladi.

Shuningdek, Farg‘ona tumani “Sanoat” va “Hosilot” MFY hududlarida xorijiy mamlakatlarning ijobiy tajribasi asosida malina plantatsiyalarini tashkil qilish, muzlatkichlar va chuqur qayta ishlash sexlarini qurish orqali agroturizm xizmatlari yo‘lga qo‘yiladi.

Mazkur tashabbuslar hududda turizm va agrosanoat kooperatsiyasini kuchaytirish, tadbirkorlikni qo‘llab-quvvatlash hamda mahalliy aholi bandligini oshirishga xizmat qilishi kutilmoqda.

“Konigil-2” turizm maskani va Siyob arig‘i bo‘ylab barpo etilgan yangi ko‘ngilochar va dam olish maskanining ochilish marosimiga taklif etamiz. 
🎉🎉🎉Tantanali ruhda bo‘lib o‘tuvchi tadbir davomida siz Siyob arig‘i bo‘ylab tashkil etiladigan xalq saylida ishtirok etishingiz, milliy xalq o‘yinlari, folklor san’ati tomoshalari va konsert dasturlaridan zavq olib, milliy va dunyo oshxonasi namunalaridan bahramand bo‘lishingiz mumkin. Shu bilan birgalikda, tadbir doirasida hunarmandchilik va milliy taomlar yo‘nalishlaridagi master-klasslarda ham qatnashishingiz mumkin. 

✔️Tadbirda ishtirok etish mutlaqo BEPUL!!!
📍Tadbirlar bo‘lib o‘tadigan hududga kirish M-39 magistral yo‘li  (https://maps.google.com/maps?q=39.660808,67.043946&ll=39.660808,67.043946&z=16)bo‘yida.

Oʻtgan qisqa davr mobaynida Konigil qishlog‘ini kengaytirish ishlari amalga oshirilib, uzunligi 2,5 kilometr bo‘lgan veloyo‘laklar va 3,5 kilometr piyodalar yo‘lagi hamda mehmon uylari va hunarmandchilik markazlari, milliy oshxonalar va boshqa turizm obyektlari foydalanishga topshirildi.
Samarqand shahridan oqib o‘tgan Obi Rahmat, Siyob ariqlarning atrofini tozalash, obodonlashtirish va ko‘kalamzorlashtirish ishlari amalga oshirildi. 
Maʼlumot uchun, Samarqand shahri hamda Samarqand tumani hududidan oqib o’tuvchi “Siyobcha" kanali Samarqand tumanining Konigil, Qo’shtamg’ali, Jo’nisoy, Qoziaroq, O’zbekkenti va Yangiravot hamda Samarqand shahrining Galaosiyo, Xo’ja Doniyor, Obi Raxmat, Bog’imaydon, G’iyosiddin jamshid, Motrid, Yoshlik, Humo, Baxtli xayot, Matonat va Xalqobod mahallalaridan o’tgan.
 Loyiha qamrab olingan hudud 22 gektar maydonni egallaydi, umumiy qiymati esa 45 mlrd. so’mni tashkil qiladi. Bugungi kunga kelib kanalning jami 11 km qismi obodonlashtirilgan boʻlib, shundan Samarqand tumani hududida 3.5 km, Samarqand shahri hududida 7.5 km maydonni o’z ichiga oladi.

Turizm sohasida yangi standart qabul qilindi

O‘zbekiston Standartlar institutining 2025-yil 23-oktabrdagi 127/XSt-son buyrug‘i bilan O‘zMSt ISO 21620:2025 “Turizm va unga bog‘liq xizmatlar. Madaniy meros mehmonxonalari. Jihozlash va xizmat ko‘rsatishga doir talablar” xalqaro standarti tasdiqlandi va davlat ro‘yxatiga olindi. 

https://tourquality.uz/upload/iblock/81f/bp7xaa9cokpsealflt3esqaqsgvasz3w.pdf
https://tourquality.uz/uz/press-center/news/prinyat-novyy-standart-v-sfere-turizma

Safarning ilk kunida Xanchjouda “O‘zbekiston turizmi Xitoyda” xalqaro forumida Namanganning turistik imkoniyatlari, madaniy-tarixiy merosi, ziyorat va ekoturizm yo‘nalishlari bo‘yicha keng qamrovli taqdimot o‘tkazilib, viloyat hokimi o‘rinbosari Botir Nuritdinov hudud turizm salohiyati, infratuzilmasi va xorijiy sayyohlar uchun yaratilgan imkoniyatlar haqida ma’lumot berdi.

Xitoyning Xanchjou Sayyohlik agentliklari assotsiatsiyasi Bosh kotibi Chen Jinrong hamda Botir Nuritdinovlar turizmda hamkorlik bo‘yicha memorandumi imzolashdi. Ushbu hujjat ikki tomonlama aloqalarni mustahkamlash, qo‘shma turistik loyihalarni amalga oshirish hamda Xitoydan Namangan viloyatiga turistlar oqimini oshirishga xizmat qilishi kutilmoqda.

Tadbirda Xitoyning 100 dan ortiq yetakchi turistik kompaniyalari, turoperatorlar hamda soha mutaxassislari ishtirok etmoqda.

O‘zbekiston Respublikasi Prezidenti Shavkat Mirziyoyev 30-oktabr kuni Samarqand shahrida BMTning Ta’lim, fan va madaniyat masalalari bo‘yicha tashkiloti (UNESCO) Bosh konferensiyasi 43-sessiyasining ochilish marosimida ishtirok etdi.

Davlatimiz rahbari anjuman ishtirokchilarini madaniyatlar va sivilizatsiyalar chorrahasida joylashgan mehmondo‘st O‘zbekiston zaminida samimiy qutladi. Serbiya Prezidenti Aleksandr Vuchich, Slovakiya Prezidenti Peter Pellegrini, UNESCO Bosh direktori Odri Azule, xorijiy mamlakatlar hukumatlari rahbarlari, xalqaro va mintaqaviy tashkilotlar vakillariga, barcha delegatsiyalarga konferensiyada ishtirok etayotgani uchun chuqur minnatdorlik bildirdi.

Prezidentimiz so‘zining avvalida bu galgi sessiya so‘nggi 40 yilda birinchi marta UNESCOning Parij shahridagi bosh qarorgohidan tashqarida o‘tkazilayotganini ta’kidladi.

– Bunday nufuzli forumning mamlakatimizda o‘tkazilayotganini Tashkilotga a’zo davlatlarning Yangi O‘zbekistonda amalga oshirilayotgan keng ko‘lamli, jadal islohotlarga bo‘lgan yuksak ishonchining yorqin ifodasi deb qabul qilamiz, – dedi davlatimiz rahbari.

O‘zbekiston yetakchisi tashkilot o‘zining 80 yillik faoliyati davomida ta’lim, fan, madaniyat va axborot sohalarida global hamkorlikni, ishonch va hamjihatlikni mustahkamlashga ko‘maklashadigan nufuzli xalqaro institutga aylanganini qayd etdi.

Shu ma’noda, xalqlarning milliy o‘ziga xosligi, ularning madaniy merosini saqlab qolish, turli dinlar o‘rtasida yaqin muloqotni mustahkamlashda UNESCOning roli ortib borayotgani ta’kidlandi.

– Anjumanimiz insoniyatning tarix solnomasiga gumanistik g‘oyalar, nodir bilimlar, sivilizatsiyalararo muloqot markazi sifatida kirgan Samarqand shahrida o‘tkazilayotganida chuqur ramziy ma’no bor, – dedi mamlakatimiz yetakchisi.

Davlatimiz rahbari ilm-fan, adabiyot va madaniyat beshigi bo‘lgan Samarqandning buyuk merosini yodga oldi. Xususan, Kopernik va Kepler kashfiyotlariga asos bo‘lgan mashhur yulduzlar jadvali yaratilgan Mirzo Ulug‘bek rasadxonasini eslatib o‘tdi. Prezidentimiz mehmonlarni Buyuk ipak yo‘li durdonasi, tinchlik va xalqlar do‘stligi diyori bo‘lgan Samarqand ruhidan bahramand bo‘lishga chorladi.

Geosiyosiy keskinlik va harbiy nizolar noyob yodgorliklar va madaniy merosga ziyon yetkazayotgani, bilim va raqamli texnologiyalardan foydalanishdagi tafovut global tengsizlikni kuchaytirayotgani qayd etildi.

O‘zbekiston rahbari bunday murakkab sharoitda UNESСOning asosiy vazifalarini bajarish uchun birdamlikni mustahkamlash alohida ahamiyat kasb etishini ta’kidladi. O‘zbekiston tashkilotning ezgu maqsadlariga sodiqligini, konstruktiv hamkorlik uchun ochiq maydon sifatida Sharq va G‘arb, Shimol va Janub o‘rtasida ko‘prik bo‘lib xizmat qilishga tayyorligini yana bir bor tasdiqladi.

Bugungi kunda mamlakatimiz UNESCO bilan 2027-yilgacha mo‘ljallangan besh yillik hamkorlik dasturini amalga oshirmoqda. Uning doirasida buyuk mutafakkir va arboblar – Abu Rayhon Beruniy, Ahmad Farg‘oniy, Amir Temur, Ali Qushchi, Kamoliddin Behzod yubileylariga bag‘ishlangan tadbirlar o‘tkazildi, shuningdek, Xorazm Ma’mun akademiyasi kabi ilmiy muassasalar va adabiy yodgorliklar, jumladan, “Alpomish” dostonining tarixiy sanalari keng nishonlandi.

Butunjahon merosi shaharlari – Xiva, Buxoro, Shahrisabz va Samarqandga Zarafshon-Qoraqum yo‘lagi bo‘yidagi yodgorliklar qo‘shildi. G‘arbiy Tyan-shan va Turon cho‘llarining tabiiy hududlari mintaqaning o‘ziga xos bioxilma-xilligini aks ettiradi.

Prezidentimiz O‘zbekistonning yigirmaga yaqin nomoddiy merosi – “Shashmaqom”, Katta ashula, “Lazgi” raqsi, askiya san’ati, miniatyura, Navro‘z bayrami, atlas va adras to‘qish an’analari UNESCO e’tirofiga sazovor bo‘lganini eslatdi. Tashkilot shafeligida "Sharq taronalari", maqom san’ati, baxshichilik, hunarmandchilik va etnosport festivallari o‘tkazib kelinmoqda.

O‘zbekiston tashabbusi bilan ilgari surilgan “Xiva jarayoni: Markaziy Osiyoda xalqaro hamkorlikni rivojlantirish” rezolyutsiyasi, “Kichik yoshdagi bolalarga g‘amxo‘rlik qilish va ta’lim berish bo‘yicha Toshkent deklaratsiyasi” hamda “Axborotdan erkin foydalanish xalqaro kuni munosabati bilan Toshkent deklaratsiyasi” kabi hujjatlarga alohida e’tibor qaratildi.

Mamlakatimizda UNESCOning kafedralari va hamkor maktablari faoliyat yuritmoqda, Toshkent va Farg‘ona shaharlari Ta’lim shaharlari global tarmog‘iga kiritilgan. Shuningdek, yuzlab madaniy meros obyektlari zamonaviy texnologiyalar va xalqaro standartlar asosida restavratsiya qilindi.

Prezidentimiz Samarqand konferensiyasi doirasida qo‘shimcha tadbirlar – Buxoroda zamonaviy san’at biyennalesi, Toshkentda Maktabgacha ta’limni rivojlantirish mintaqaviy markazi ochilishi, Abu Rayhon Beruniy nomidagi UNESCO – O‘zbekiston xalqaro mukofotini topshirish marosimi, muzeylar sohasida sun’iy intellektni qo‘llash masalalari bo‘yicha konferensiya o‘tkazilayotganini ma’lum qildi. Shuningdek, O‘zbekiston oliy ta’lim sohasidagi kvalifikatsiyalarni tan olishga oid Global konvensiyaga qo‘shiladi.

Davlatimiz rahbari UNESCO faoliyatining asosiy yo‘nalishlarini rivojlantirishga qaratilgan tashabbuslarni ilgari surdi.

Inklyuziv ta’limni rivojlantirish va sun’iy intellekt texnologiyalaridan foydalanish ustuvor yo‘nalish ekani ta’kidlandi. Prezidentimiz UNESCOning alohida ehtiyojli bolalar uchun inklyuziv ta’limni rivojlantirish platformasini yaratish va Jahon professional ta’lim sammitini o‘tkazishni taklif qildi. O‘zbekiston UNESCO shafeligida “Sun’iy intellekt – maktab” pilot loyihasini amalga oshirish va Sun’iy intellekt etikasi bo‘yicha xalqaro ekspertlar forumini tashkil etishga tayyor.

O‘zbekiston yetakchisi nomoddiy madaniy merosni asrab-avaylash zarurligini ta’kidladi. Xalq og‘zaki ijodi, qo‘lyozmalar, arxivlar va qimmatli tarixiy hujjatlar, madaniy ma’lumotlar kabi noyob meros obyektlarini muhofaza qilish va ulardan foydalanish imkoniyatini ta’minlash maqsadida ta’sis etilgan UNESCOning “Jahon xotirasi” dasturini rivojlantirishdan manfaatdorlik bildirildi.

19-noyabr sanasini Xalqaro hujjatli meros kuni deb e’lon qilish, shuningdek, UNESCO tuzilmasida Raqamli meros xalqaro institutini tashkil etish tashabbusi ilgari surildi.

Davlatimiz rahbari 2027-yilda Buxoroda UNESCOning ijodiy shaharlar tarmog‘i doirasida Hunarmandchilik va xalq amaliy san’ati bo‘yicha xalqaro kongress o‘tkazishni taklif etdi.

Prezidentimiz gender tenglikni ilgari surish va xotin-qizlarning yetakchilik qobiliyatini rivojlantirish maqsadida UNESCOning Xotin-qizlar yetakchiligi akademiyasini tashkil etish hamda Samarqandda dunyoning barcha qit’alaridan taniqli tadqiqotchilar, san’at namoyandalari, pedagoglar va novatorlar ishtirokida Ta’lim, madaniyat va ilm-fan sohalaridagi xotin-qizlarning global forumini o‘tkazish tashabbusini ilgari surdi.

Iqlim inqiroziga qarshi birgalikda samarali kurashish ham dolzarb masala sifatida qayd etildi.

Davlatimiz rahbari iqlim o‘zgarishi madaniy merosga salbiy ta’sir ko‘rsatayotganini ta’kidlab, “UNESCOning ekologik poytaxti” global tashabbusini ta’sis etish, shuningdek, UNESCO Ijroiya kengashining globallashuv va iqlim o‘zgarishi sharoitida madaniy merosni asrash to‘g‘risidagi rezolyutsiyasini ishlab chiqishni taklif etdi. O‘zbekiston Xiva shahrida shu mavzuda xalqaro simpozium o‘tkazishga tayyorligini bildirdi.

Virtual makonda noto‘g‘ri ma’lumotlar tarqalishiga qarshi kurashish, jamoatchilik fikrini himoya qilish va kamsitishlarga qarshi kurashish ham ustuvor yo‘nalishlar qatorida. Prezidentimiz Bolalar madaniy kontenti xalqaro festivalini o‘tkazish va UNESCOning mediasavodxonlikni rivojlantirish bo‘yicha kompleks strategiyasini ishlab chiqishni taklif etdi.

Davlatimiz rahbari dinlararo hamjihatlikni mustahkamlash, radikalizm va islomofobiyaga qarshi kurashish, islom madaniyati va ma’rifatini butun dunyoda tarannum etish kerakligini ta’kidladi: “Bag‘rikenglik, o‘zaro tushunish va totuvlik kabi umuminsoniy g‘oyalarni keng targ‘ib etish har qachongidan ham muhim”.

O‘zbekistondagi noyob loyihalar – Islom sivilizatsiyasi markazi, Imom Buxoriy, Imom Moturidiy, Imom Termiziy va Bahouddin Naqshband ilmiy-tadqiqot markazlari salohiyatidan faol foydalanish taklif etildi.

O‘zbekiston Prezidenti forum hamkorlikning yangi yo‘nalishlarini belgilash, o‘zaro ishonch va global sheriklikni mustahkamlash, barqaror taraqqiyotni ilgari surishda muhim qadam bo‘lishiga ishonch bildirdi.

– UNESCOning boqiy an’ana va qadriyatlaridan kuch olayotgan “Samarqand ruhi” umumiy taraqqiyot sari yanada birlashishga undaydi, – dedi Shavkat Mirziyoyev.

So‘zining yakunida davlatimiz rahbari anjuman ishtirokchilariga muvaffaqiyat va samarali faoliyat tilab, tadbirning tinchlik, do‘stlik va o‘zaro anglashuv timsoli bo‘lgan Samarqand shahrida o‘tayotgani ramziy ma’noga ega ekanini ta’kidladi.

Bu O‘zbekistonning yuksak xalqaro nufuzi va sivilizatsiyalar muloqotini rivojlantirish, o‘zaro anglashuvni mustahkamlash hamda insoniyat madaniy merosini asrab-avaylashga qo‘shayotgan hissasini tasdiqlaydi.

Ochilish marosimi yakunida O‘zbekiston va xorij san’at ustalari tomonidan tayyorlangan konsert dasturi namoyish etildi. Unda simfonik orkestr, xor jamoasi va milliy ansambl ijrosida o‘zbek mumtoz kuy-qo‘shiqlari va jahon musiqasining sara asarlari zamonaviy talqinda yangradi.

2024 yil 22 oktabr kuni Farg‘ona viloyati Turizm boshqarmasida O‘zbekistonning Yaponiyadagi Favqulodda va Muxtor Elchisi Muxsinxo‘ja Abduraxmonov ko‘magida Farg‘ona viloyatiga Yaponiya davlatidan tashrif buyurgan Konuma Toshio boshchiligidagi delegatsiya vakillarining Farg‘ona viloyat hokimining o‘rinbosari X.Axmedov bilan bilan uchrashuvi bo‘lib o‘tdi.

Uchrashuv davomida Yaponiya davlatidan  to‘g‘ri Farg‘ona viloyatiga ziyorat qilish uchun tashrif buyurayotgan sayyohlar uchun yaratilgan shart-sharoitlar bilan yaqindan tanishish hamda ziyorat turizmini hajmini yanada kengaytirish masalalari ko‘rib chiqildi.

 
60 yoshdan oshgan erkaklar va 55 yoshdan oshgan ayollar uchun tarifdan 10% chegirma taqdim etiladi. Aksiya joriy yilning 1-noyabridan 30-noyabriga qadar “Keksalar uchun turizm oyligi” davomida amalga oshiriladigan aviaqatnovlarga taalluqlidir. Aviachipta xarid qilayotganda yoningizda shaxsingizni tasdiqlovchi hujjat (O‘zbekiston Respublikasi fuqarosining pasporti yoki ID-kartasi) bo‘lishi kerak.  
 
Chegirmali aviachiptalarni Uzbekistan Airways Sales filialida, mamlakatimizning barcha xalqaro aeroportlarida va aviakompaniya agentliklarida xarid qilishingiz mumkin.

O‘zbekistondagi Islom sivilizatsiyasi markazi muzeyida Amir Temur davriga oid shaxmat taxtasi va donalari mulyaji namoyish etilmoqda.

📊Amir Temur davrida shaxmat shunchaki o‘yin emas, balki davlat, jamiyat va inson munosabatlarini ifodalovchi ramziy tizim sifatida qaralgan.

📊“Temur shaxmati”ning o‘ziga xos jihatlari:
— ovalsimon taxta
— 10 qator, 11 ustun, 112 katak
— ikkita qo‘shimcha “qo‘rg‘oncha” katak
— uch qatorli (uch pog‘onali) falsafiy tuzilish

 Yuqori qatlam — boshqaruv va qaror
 O‘rta qatlam — harakat va strategiya
 Quyi qatlam — tayanch va barqarorlik

📊Bu tuzilish orqali hokimiyat manbai, kuch harakati va barqarorlik ramziy ifodalangan. Amir Temur uchun shaxmatda donalar emas, balki ular o‘rtasidagi munosabatlar muhim bo‘lgan.

📊Eksponat muzeyning Ikkinchi Renessans davri bo‘limida namoyish etilmoqda.

📌 Manba: O‘zbekistondagi Islom sivilizatsiyasi markazi rasmiy saytihttps://cisc.uz/ky/news-item/869/

Turizm qo‘mitasi 3-6 dekabr kunlari Cheboksar shahrida (Rossiya) bo‘lib o‘tadigan "DIVO EURASIA" VIII xalqaro turizm festivalida ishtirok etadi. Unda Belarus, Hindiston, Xitoy, Qirg‘iziston, Qozog‘iston, Nepal va boshqa davlatlar vakillari bilan bir qatorda O‘zbekiston ham ishtirok etishi xalqaro turizm aloqalarini kengaytirish uchun qulay sharoit yaratadi.
 

2019-yilda O‘zbekiston ushbu festivalda namoyish etilgan bo‘lib, unda Buxoro va Qo‘qon haqidagi videoroliklar mamlakatning sayyohlik salohiyatining yuqori sifati va jozibadorligini ta’kidlab, sovrinli o‘rinlarni qo‘lga kiritgan edi.

2025-yilgi festival dasturi sezilarli darajada kengaytirildi va bir qator nufuzli tanlov tadbirlarini o‘z ichiga oladi: Xalqaro turizm festival-tanlovi video, foto va animatsiyalar, Xalqaro kreativ turizm va innovatsiyalar mukofoti, Xalqaro turistik brendlar tanlovi, turizm oliy o‘quv yurtlari talabalar jamoalari tanlovi, shuningdek, soha mutaxassislarining mahorat darslari va seminarlari. Ushbu yo‘nalishlar ishtirokchilarga loyihalarning xolis baholanish, kasbiy malakasini oshirish va turli mamlakatlarning turizm sohasi vakillari bilan tajriba almashish imkoniyatini beradi.

O‘zbekistonning tashkilot va korxonalari - turistik-axborot markazlari, turistik firmalar, muzeylar, joylashtirish va umumiy ovqatlanish obyektlari, ta’lim muassasalari va turizm sohasining boshqa tuzilmalari festivalda bepul ishtirok etishga taklif etiladi. Ishtirok etish ishbilarmonlik aloqalarini mustahkamlash, milliy turizm tashabbuslarini taqdim etish va O‘zbekistonning jozibador yo‘nalish sifatidagi xalqaro imidjini rivojlantirishga hissa qo‘shish imkonini beradi. Tanlovlar va arizalarni qabul qilish shartlari haqida batafsil ma’lumot festivalning rasmiy veb-saytida joylashtirilgan va ishtirok etish masalalari bo‘yicha divoeurasia@mail.ru elektron pochtasiga murojaat qilishingiz mumkin.

Samarqand viloyatida turizm sohasini diversifikatsiya qilish, ekstremal sport turlarini rivojlantirish hamda hududning turizm salohiyatini yanada oshirish maqsadida paraplan sporti bo‘yicha musobaqa o‘tkazishga qaratilgan tayyorgarlik ishlari boshlab yuborildi. Mazkur tashabbus doirasida Samarqand viloyati Turizm boshqarmasi boshlig‘i o‘rinbosari J.Suyunov tegishli vazirlik va idoralar, soha mutaxassislari hamda hamkor tashkilotlar vakillari bilan birgalikda Urgut tog‘lari hududida joylashgan, paraplan musobaqasi o‘tkazilishi rejalashtirilgan manzillarni joyida o‘rganib chiqdi.

O‘rganish jarayonida hududning tabiiy-relyef sharoitlari, shamol oqimlari, parvoz yo‘nalishlari, qo‘nish maydonchalari hamda xavfsizlik talablariga muvofiqligi atroflicha tahlil qilindi. 

Shuningdek, mazkur hududda O‘zbekiston Paraplan federatsiyasining hududiy filialini tashkil etish bo‘yicha muzokaralar olib borildi. Ushbu filial faoliyatini yo‘lga qo‘yish orqali paraplan sportini tizimli asosda rivojlantirish, yosh sportchilarni tayyorlash, malakali instruktorlar faoliyatini kengaytirish hamda respublika va xalqaro miqyosdagi musobaqalarni Samarqand viloyatida doimiy ravishda o‘tkazish imkoniyatlarini yaratish rejalashtirilmoqda.

Bundan tashqari, tog‘ etagida eko village — ekologik turizm qishlog‘ini barpo etish masalasi ham atroflicha muhokama qilindi. Mazkur loyiha doirasida ekologik toza materiallardan qurilgan mehmon uylari, dam olish zonalari, milliy taomlar maskanlari hamda tabiat bilan uyg‘un sayyohlik infratuzilmasini yaratish ko‘zda tutilmoqda. Eko village nafaqat paraplan sporti ishtirokchilari va tomoshabinlari, balki viloyatga tashrif buyuruvchi mahalliy va xorijiy sayyohlar uchun ham qulay dam olish maskaniga aylanishi kutilmoqda.

Shuningdek, tumanning Soy G'o's qishlog'ida ham o'rganishlar olib borilib, mazkur hududda ham yirik turizm loyihalari yuzasidan muhokama olib borildi. 

Ta’kidlash joizki, ushbu tashabbuslar Samarqand viloyatida paraplan sportini rivojlantirish, ekstremal va ekoturizm yo‘nalishlarini kengaytirish, yangi ish o‘rinlarini yaratish hamda hududning investitsiyaviy va turizm jozibadorligini oshirishga xizmat qiladi. Shu bilan birga, paraplan musobaqalarining o‘tkazilishi viloyatning xalqaro turizm maydonidagi nufuzini yanada mustahkamlab, mahalliy hamda xorijiy sayyohlar oqimini ko‘paytirishga zamin yaratadi.

Mazkur yo‘nalishdagi ishlar bosqichma-bosqich amalga oshirilishi, belgilangan chora-tadbirlar asosida paraplan sporti va ekstremal turizm infratuzilmasi izchil rivojlantirilishi rejalashtirilmoqda.
 
 

O‘zbekiston prezidentining 2025 yil 3 noyabrdagi farmoni bilan 2026 yil 1 yanvardan boshlab AQSh fuqarolari uchun vizasiz tartib belgilandi. Bu haqda O‘zA xabar bermoqda.

Unga muvofiq, AQSh fuqarolari O‘zbekiston hududiga kirgan kundan boshlab 30 kungacha vizasiz bo‘lib turish huquqiga ega bo‘ladi.

Farmonda yangi choraning maqsadi ikki mamlakat o‘rtasidagi savdo-iqtisodiy, madaniy va gumanitar aloqalarni, shuningdek, turizmni yanada rivojlantirish uchun sharoit yaratish ekani aytilgan.

Ma’lumot uchun, 2021 yildan buyon O‘zbekistonda AQSh va boshqa davlatlarning 55 yoshga to‘lgan va 30 kungacha bo‘lgan muddatga sayyohlik maqsadida kelayotgan fuqarolari uchun vizasiz rejim joriy qilingan.

AQShning barcha fuqarolari uchun vizasiz rejim joriy etish rejalari prezidentning joriy yilning may oyida imzolangan, mamlakatga sayyohlar oqimini keskin oshirish to‘g‘risidagi farmonida e’lon qilingandi.

Shu bilan birga, mazkur hujjatda O‘zbekiston Tashqi ishlar vazirligiga AQShga boruvchi O‘zbekiston fuqarolari uchun viza talablarini yengillashtirish bo‘yicha muzokaralar olib borish bo‘yicha topshiriq berilgandi.

2024-yil 21-23-noyabr kunlari Markaziy Osiyo ko‘rgazmasi (CAEx) xalqaro ko‘rgazmalar majmuasi butun dunyo bo‘ylab sayohat ixlosmandlari va turizm sohasi mutaxassislari uchun diqqatga sazovor markazga aylanadi.

“Ipak yo‘lida turizm” (ITSF) Toshkent xalqaro sayyohlik yarmarkasi butun dunyodan sayyohlik sohasidagi yetakchi mutaxassislarni birlashtirgan keng ko‘lamli tadbirdir. Bu yerda o‘nlab mamlakatlarning sayyohlik imkoniyatlari taqdimotlari, yuzlab mutaxassislarning uchrashuvlari va ishbilarmonlik muzokaralari, turizmni rivojlantirishning asosiy masalalariga bag‘ishlangan xalqaro anjumanlar o‘tkazilmoqda.

1995 yildan beri BMT Jahon sayyohlik tashkiloti tomonidan qoʻllab-quvvatlangan TITF jahon turizm taqvimidagi muhim voqeaga aylandi va har yili Oʻzbekiston poytaxtida oʻtkaziladi.

Bu yil yarmarka ishtirokchilarni quvontiradi:

• O'nlab mamlakatlarda sayyohlik imkoniyatlari taqdimoti

• Uchrashuvlar va ishbilarmonlik muzokaralari

• Xalqaro konferensiyalar

O‘tgan yilgi yarmarka turizm sohasi vakillari o‘rtasida 8 mingdan ortiq shartnoma imzolangani, 20 mingdan ortiq muzokaralar o‘tkazilgani bilan ajralib turdi. TITFning turizmni rivojlantirish katalizatori sifatidagi ahamiyati haqida gapiradigan ta'sirli raqamlar.

“Ipak yo‘lidagi turizm” Toshkent xalqaro sayyohlik yarmarkasida ishtirok etish turizm sohasi mutaxassislari va sayohat ishqibozlari uchun ko‘plab afzalliklarni beradi:

• tadbirkorlik operatsiyalarini amalga oshirish

• Yangi hamkorlarni qidiring

• sanoat rivojlanishini qo‘llab-quvvatlash

• turizm mahsulotlarini ommalashtirish

• Yangi tendentsiyalar bilan tanishish

• Marketing tadqiqotlarini o'tkazish

Turizm olamida o‘z brendingizni rivojlantirish uchun “Ipak yo‘lidagi turizm” Toshkent xalqaro sayyohlik yarmarkasiga va kitob stendlariga qo‘shiling.

Qirg‘iziston O‘zbekistonlik sayyohlar orasida mashhur.

Yil boshidan buyon Qirg‘izistonga Oʻzbekistondan deyarli 995,3 ming kishi tashrif buyurdi.

Shunday qilib, Qirg‘iziston O‘zbekiston fuqarolari uchun eng ko‘p sayohat qilish yo‘nalishlari bo‘yicha 1-o‘rinni egalladi.

#Sarhisob 

Jamoat transporti: 2025-yilning natijalari

2025-yil davomida mamlakatimiz barcha hududlarida jamoat transporti tizimi va infratuzilmasini rivojlantirish, harakat tarkibini yangilashga qaratilgan qator yirik loyihalar amalga oshirildi.

Yakunlangan yilda jamoat transporti harakat tarkibini yangilash maqsadida 1 426 ta transport vositasi xarid qilinib, yo‘nalishlarga joylashtirildi. Shundan, 984 tasi zamonaviy ekologik toza elektrobus va avtobuslardir. Jamoat transporti qamrovini kengaytirish orqali aholiga qo‘shimcha qulaylik yaratish maqsadida 220 ta yangi yo‘nalish yo‘lga qo‘yildi.

Jamoat transporti ishining miqdor va sifat ko‘rsatkichlarini shaffof nazorat qilishni ta’minlaydigan brutto-shartnoma tizimini bosqichma-bosqich joriy etish davom etmoqda.

Toshkent shahridagi asosiy o‘zgarishlardan biri jamoat transportida naqd pul qabul qilish amaliyotidan to‘liq voz kechildi. Natijada jamoat transportida sodir etiladigan qoidabuzarliklar 2 barobarga qisqardi va yashirin iqtisodiyot bartaraf etildi.

Temir yo‘l transporti: 2025-yilning natijalari

2025-yilda temir yo‘l transporti barqaror rivojlanib, yo‘lovchi va yuk tashishdagi muhim o‘rnini yana bir bor tasdiqladi. 

Yil davomida 10,9 mln yo‘lovchi tashildi, yuk tashish hajmi esa 106,4 mln tonnaga yetdi. Tranzit tashuvlar ham izchil o‘sib, 12 mln tonnadan oshdi.

Infratuzilmani modernizatsiya qilish doirasida Buxoro – Urganch – Xiva yo‘nalishi to‘liq elektrlashtirildi. Natijada elektrlashtirilgan temir yo‘llar ulushi 51 foizga yetkazildi. Shu bilan birga, Baytqo‘rg‘on – Parkent va Samarqand – Urgut yo‘nalishlarida qurilish ishlari yakunlandi. Miskin – Nukus yo‘nalishlida esa qurilish va elektrlashtirish ishlari jadal davom etmoqda.

2026-yilda ushbu ishlar yanada kengayib, “Jaloliddin Manguberdi” yuqori tezlikda harakatlanuvchi elektropoyezdi qatnovi yo‘lga qo‘yiladi, 110 km yangi temir yo‘l barpo etiladi va harakat tarkibi yangilanadi.

Aviatsiya sohasidagi 2025-yil natijalari

Aviatsiya sohasida olib borilayotgan islohotlar izchil natija berib, uning mamlakat iqtisodiyotidagi o‘rni tobora mustahkamlanib bormoqda.

2025-yilda aviaqatnovlar orqali jami 15,6 mln nafar yo‘lovchi tashildi. Rezident aviakompaniyalar tomonidan 23 ta yangi havo kemasi olib kelinib, milliy aviaparkdagi havo kemalari soni 109 taga yetkazildi. Shuningdek, 22 ta zamonaviy Boeing-787 rusumidagi havo kemalarini xarid qilish bo‘yicha shartnomalar imzolandi.

Bugungi kunda 17 ta rezident va 51 ta xorijiy aviakompaniya tomonidan 206 ta yo‘nalishda muntazam parvozlar amalga oshirilmoqda. 2025-yilda 33 ta yangi va qayta tiklangan yo‘nalish ochilishi natijasida aviaqatnovlar soni oshib, yo‘lovchilar oqimi va yuk tashish hajmida sezilarli o‘sish qayd etildi.

Aeroport infratuzilmasini rivojlantirish doirasida Sariosiyo aerodromi va Andijon xalqaro aeroporti to‘liq rekonstruksiya qilinib, parvozlar tiklandi. Shuningdek, “Toshkent – Sharqiy” aerodromi negizida “Toshkent – Humo” zamonaviy aeroport majmuasi ishga tushirildi. Toshkent viloyatida yangi xalqaro aeroport qurilishiga start berildi.

2026-yilda aviatsiya sohasida rivojlanish sur’atlari yanada oshib, parvozlar soni 140 mingga, yo‘lovchilar oqimi 16,9 mln nafarga yetkazilishi, yangi aeroport va aerodrom loyihalari amalga oshirilishi rejalashtirilgan.
 

Yo‘l xo‘jaligi sohasidagi 2025-yilning natijalari

2025-yilda yo‘l xo‘jaligi sohasida keng ko‘lamli ishlar amalga oshirilib, 21,5 ming km avtomobil yo‘llari rekonstruksiya qilindi va ta’mirlandi.

Shundan 7,9 ming km umumiy foydalanishdagi yo‘llar holati yaxshilandi, 13,6 ming km shahar va aholi punktlari yo‘llarida ta’mirlash va shag‘allashtirish ishlari bajarildi.

Xususiy sektorni jalb etish maqsadida 860 km avtomobil yo‘llari autsorsing asosida tadbirkorlarga topshirildi.

Shuningdek, 320 ta ko‘prikda ta’mirlash va tiklash ishlari olib borildi.

Pullik avtomobil yo‘llari bo‘yicha “Toshkent – Andijon” loyihasining tender jarayoni 1-bosqichi yakunlanib, 2-bosqich ishlari davom etmoqda. “Toshkent – Samarqand” pullik avtomobil yo‘li bo‘yicha loyiha hamkorini aniqlash va tegishli takliflarni ishlab chiqish jarayonida.

       Nurotada "SO‘ZANA VA KASHTA" festivali bo`lib o`tadi!

       Joriy yilning 14-sentabr kuni soat 10:00 da Nurota tumanidagi "Chashma" ziyoratgohi bog‘ida "So'zana va kashta" milliy hunarmandchilik san'ati festivali bo'lib o'tadi!
      
Dasturda folklor jamoalarining chiqishlari, musiqiy konsert dasturlari hamda milliy kurash musobaqasi, dorboz o‘yinlari, tosh ko‘tarish, arqon tortish va boshqa xalq o‘yinlariga ham keng o‘rin ajratilgan. Festival yakunida eng yaxshi ishtirokchi (hunarmandlar)  munosib taqdirlanadi.

Bugun biz uchun muhim va tom ma’noda tarixiy kun. Hindistonning Nyu-Dehli shahrida bo‘lib o‘tayotgan Nomoddiy madaniy merosni muhofaza qilish bo‘yicha hukumatlararo qo‘mitaning 20-sessiyasida Qoraqalpog‘istonning ikkita betakror madaniy qadriyati – qo‘biz va o‘tov YUNESKOning Nomoddiy madaniy meros ro‘yxatiga rasman kiritilganini iftixor bilan ma’lum qilaman.

Ushbu xalqaro miqyosdagi e’tirof an’analarimizning naqadar teranligi, ma’naviy merosimizning qudrati va avlodlar o‘rtasidagi uzviy bog‘liqlikni tasdiqlaydi.

Boy merosimizni asrab-avaylash va targ‘ib etishga hissa qo‘shgan barcha mohir ustalar, tadqiqotchilar, an’analarimiz himoyachilari hamda ixlosmandlarga minnatdorchilik bildiraman.
Bu madaniyatimizga daxldor barchaning g‘alabasidir! Biz esa o‘zligimizni bemisl qiluvchi qadriyatlarimizni ko‘z qorachig‘idek saqlagan holda olg‘a qadam tashlashda davom etamiz.