27-sentyabr Butun Jahon Turizm kuni munosabati bilan Farg’onada “Ichki turizm yarmarkasi” o‘tkazildi.

Yarmarkada Farg’ona viloyatida faoliyat olib borayotgan 100 dan ortiq turoperatorlar, turagentlar va joylashtirish vositalari (mehmonxona, hostel va oilaviy mehmon uylari) oliy o‘quv yurtlarining turizm fakulteti talabalari hamda ommaviy axborot vositasi vakillari ishtirok etdilar.

Shuningdek, yarmarka doirasida mahalliy ustalarning milliy hunarmandchilik mahsulotlari va rasmlari ko‘rgazmasi, ichki turizm sohasida yangi hamkorlik loyihalarining taqdimotlari, tadbirkorlar, iste’molchilar va davlat idoralari o‘rtasida B2B va B2C uchrashuvlari tashkil etilib, viloyatning sayyohlik salohiyatini oshirish yo‘llari va tajriba almashish masalalari muhokama qilindi.

Tadbir so‘ngida ichki turizm sohasi vakillariga viloyat turizm boshqarmasining tashakkurnomalari va esdalik sovg‘alari topshirildi.

2024 yilning yanvar-iyul oylarida O‘zbekistonga tijorat maqsadida tashrif buyurgan chet el fuqarolari soni 80,5 mingga yetdi. Bu ko‘rsatkich o‘tgan yilning mos davriga nisbatan 51,4 mingga yoki 2,8 baravarga ko‘p.

Tijorat maqsadida kelgan chet el fuqarolari mamlakatlar bo‘yicha taqsimlanishi quyidagicha:

• Turkmaniston: 48 186 kishi;
• Tojikiston: 25 729 kishi;
• Afg‘oniston: 1 866 kishi;
• Xitoy: 822 kishi;
• Hindiston: 648 kishi;
• Turkiya: 615 kishi;
• Qirg‘iziston: 465 kishi;
• Janubiy Koreya: 400 kishi;
• AQSh: 261 kishi;
• Rossiya: 215 kishi;
• Boshqa davlatlar: 1 309 kishi.
  
  Manbaa: https://t.me/statistika_rasmiy

Aholiga qulay va sifatli transport xizmatlarini ko‘rsatish maqsadida Surxondaryo viloyati Transport boshqarmasi tashabbusi bilan Termiz – Denov yo‘nalishi bo‘yicha yangi muntazam avtobus qatnovlari tashkil etildi.

Qatnov jadvali:
 
Termiz shahridagi “Manguzar” avtoshohbekatidan har kuni soat 14:00 da; 

Denov avtoshohbekatidan Termiz yo‘nalishida har kuni soat 17:00 da.

Yo‘l haqi: 

Termiz – Denov: 35 000 so‘m; 
Termiz – Sho‘rchi: 30 000 so‘m;
Termiz – Qumqo‘rg‘on: 20 000 so‘m; 
Termiz – Jarqo‘rg‘on: 10 000 so‘m. 

Mazkur yo‘nalishda zamonaviy, shinam va barcha zarur qulayliklar bilan jihozlangan avtobuslar orqali yo‘lovchilarga xavfsiz va hamyonbop transport xizmatlari taqdim etiladi.

O‘zbekiston Respublikasi Prezidentining “Oʼzbekiston Respublikasi Turizm qoʼmitasi faoliyatini tashkil etish va turizm sohasini jadal rivojlantirish chora-tadbirlari toʼgʼrisida”gi Qarori (https://president.uz/oz/lists/view/8692) qabul qilindi.

Mazkur Qaror iqtisodiyotning strategik jihatdan muhim sektori sifatida turizm sohasining tizimli va barqaror rivojlanishini taʼminlash, sohada davlat boshqaruvini yanada takomillashtirish, koʼrsatiladigan xizmatlar sifatini oshirish hamda milliy turistik mahsulotlarning jahon bozorida raqobatbardoshligini taʼminlashga xizmat qiladi.

Qarorga muvofiq quyidagilar 2030-yilgacha turizm sohasini rivojlantirishning asosiy maqsadlari etib belgilandi:

✔️ turizm sohasining yalpi ichki mahsulotdagi ulushini amaldagi 3,5 foizdan 7 foizgacha yetkazish;

✔️ chet ellik turistlarning yillik sonini amaldagi 10 mln nafardan 20 mln nafargacha yetkazish, shu jumladan, toʼlov qobiliyati yuqori boʼlgan turistlar oqimini koʼpaytirish;

✔️ turizm xizmatlari yillik eksporti hajmini 6 mlrd AQSh dollaridan oshirish;

✔️ Oʼzbekistonning turistik shaharlari oʼrtasidagi transport bogʼlanishini yaxshilash, ichki aviaqatnovlar sonini koʼpaytirish hamda yoʼlga sarflanadigan vaqtni kamida 3 baravarga qisqartirish;

✔️ 4 va 5 yulduzli mehmonxonalar sonini 2 baravarga oshirish;

✔️ turistik xizmatlar va mahsulotlarni diversifikatsiya qilish orqali respublikaning turistik salohiyatini toʼliq ishga solish;

✔️ jahonda keng taniladigan Oʼzbekistonning turistik brendini yaratish va milliy turistik mahsulotlarni ommalashtirish uchun yangi instrumentlarni joriy etish.

“Taraqqiyot strategiyasi” markazida navbatdagi matbuot anjumani bo‘lib o‘tdi. Takomillashayotgan “O‘zbekiston – 2030” strategiyasi loyihasining “Yashil iqtisodiyot”ga o‘tish, transport-logistika tarmoqlarini kengaytirish va turizmni rivojlantirish” yo‘nalishi bo‘yicha o‘tkazilgan tadbirga Transport vazirligi, Energetika vazirligi va Turizm qo‘mitasi mas’ullari taklif etildi.

Ommaviy axborot vositalari vakillari va jurnalistlar qatnashgan tadbirda “Taraqqiyot strategiyasi” markazi bo‘lim boshlig‘i Jamshid Sharipov, Transport vazirligi, Energetika vazirligi va Turizm qo‘mitasi vakillari so‘zga chiqdi.

Matbuot anjumanida “Taraqqiyot strategiyasi” markazi bo‘lim boshlig‘i Jamshid Sharipov “O‘zbekiston – 2030” strategiyasining amaldagi va takomillashtirilayotgan loyihasidagi farqlar, mazkur yo‘nalishlar bo‘yicha belgilanayotgan maqsadli ko‘rsatkichlar hamda jamoatchilik muhokamasi jarayonida kelib tushayotgan takliflarni qisqacha tahlil qildi.

Transport vazirining birinchi o‘rinbosari Mamanbiy Omarov takomillashayotgan Strategiya loyihasida O‘zbekistonning global transport-logistika tarmoqlariga integratsiyasini chuqurlashtirish hamda milliy transport tizimi salohiyatini oshirish ustuvor vazifalardan ekanini ta’kidlab, transport xizmatlari hajmini 301 trillion so‘mgacha oshirish, yo‘lovchi va yuk tashish xizmatlari hajmini 250 trillion so‘mga yetkazish, aviaqatnovlar sonini 200 mingtaga chiqarish, jumladan respublika hududlari o‘rtasidagi reyslar sonini 41 mingtaga yetkazish vazifalari belgilanganini qayd etdi.

Energetika vazirligi kotibiyati boshlig‘i Bekzod Ismoilov yangilanayotgan “O‘zbekiston – 2030” strategiyasida 2030-yilga qadar “yashil iqtisodiyot”ga o‘tish, uning asosini tashkil etuvchi qayta tiklanuvchi energiya manbalaridan foydalanish ko‘rsatkichlarini keskin oshirish hamda iqtisodiyot tarmoqlari va aholini zarur energiya resurslari bilan uzluksiz ta’minlash maqsadlari haqida so‘z yuritdi.

“O‘zbekiston – 2030” strategiyasi doirasida qayta tiklanuvchi energiya manbalari quvvatini 25 ming MVtga yetkazish hamda iqtisodiyot tarmoqlari va aholi ehtiyojlari uchun yetkazib beriladigan elektr energiyasi hajmini 120 milliard kVt·soatgacha oshirish vazifalari belgilangan.

Matbuot anjumanida Turizm qo‘mitasi boshqarma boshlig‘i Oybek Xakimov O‘zbekistonda tashqi va ichki turizmni rivojlantirish uchun keng sharoitlar yaratish, shu orqali sayyohlar sonini oshirishga qaratilayotgan islohotlar haqida ma’lumot berdi.

Ta’kidlaganidek, Strategiyada 2030-yilga borib xorijiy turistlar yillik sonini 20 million nafargacha yetkazish, turizm xizmatlari eksport hajmini 6 milliard dollarga chiqarish hamda hududlarda 4 mingta yangi mehmonxona, mehmon uyi va xostellarni tashkil etish vazifalari belgilangan bo‘lib, bu boradagi ishlarni izchil amalga oshirishda qo‘mita tomonidan tegishli chora-tadbirlar belgilab olingan.

Matbuot anjumani qizg‘in savol-javoblarga boy bo‘ldi. Mas’ullar jurnalistlarning savollariga mamlakatimizning 2030-yilga qadar rivojlanishida tegishli yo‘nalishlar bo‘yicha belgilanayotgan chora-tadbirlardan kelib chiqib, batafsil javob qaytardi.

“Taraqqiyot strategiyasi” markazi
Axborot xizmati

 Ushbu tadbirlar mamlakatimiz turizm salohiyatini jahon maydonida targ‘ib qilish uchun ajoyib imkoniyatdir.

Ko‘rgazmalar ro‘yxati:

FITUR — Madrid, Ispaniya — 22-26 yanvar
SATTE — Deli, Hindiston — 19-21 fevral
UTAZAS HungExpo — Budapesht, Vengriya — 20-23 fevral
ITB Berlin — Berlin, Germaniya — 4-6 mart
MITT — Moskva, Rossiya — 18-20 mart
Washington Travel Show — Vashington, AQSH — 29-30 mart
AITF — Boku, Ozarbayjon — 3-5 aprel
Otix — Minsk, Belarus — 18-20 aprel
ATM — Dubay, BAA — 28 aprel - 1 may
ITB China — Shanxay, Xitoy — 27-29 may
SITF — Seul, Koreya — 5-8 iyun
MATTA Fair — Kuala-Lumpur, Malayziya — 6-8 sentyabr
IFTM Top Resa — Parij, Fransiya — 23-25 sentyabr
Tourism Expo Japan — Osaka, Yaponiya — 25-28 sentyabr
TTG Rimini — Rimini, Italiya — 10-12 oktyabr
COTTM Beijing — Pekin, Xitoy — 16-18 oktyabr
Sichuan — Sichuan, Xitoy — 24-27 oktyabr
WTM — London, Buyuk Britaniya — 5-7 noyabr
TT Warsaw — Varshava, Polsha — 23-25 noyabr
Halal Indonesia Expo — Jakarta, Indoneziya — 6-8 dekabr

🆕 2025-yilda bo'lib o'tadigan turizm sanoatidagi muhim voqealardan xabardor bo‘ling!

Batafsil ma'lumot: 
☎️ +998 71 205 06 00 (115)
📩 press@uzbektourism.uz

Mustaqillik kuni arafasida Silk Avia Toshkent – Shahrisabz – Toshkent yo‘nalishida muntazam parvozlarni yo‘lga qo‘ymoqda

Parvozlar 11-sentabrdan boshlab har chorshanba va shanba kunlari amalga oshiriladi.
Jadval quyidagicha:
➖ Toshkentdan jo‘nash: 11:40, Shahrisabzga yetib borish: 13:10;
➖ Shahrisabzdan jo‘nash: 13:50, Toshkentga yetib borish: 15:50.

Aviachiptalarni mamlakatdagi barcha xalqaro aeroportlar va Uzbekistan Airways Sales filialida xarid qilishingiz mumkin. 

So‘ngi yillarda dunyoda eng yirik turizm bozorlari bo‘lmish Xitoydan sayyohlarni jalb qilish bo‘yicha ishlar ko‘lami sezilarli kengaygan. Jumladan, 2025-yil “Xitoyda O‘zbekiston turizm yili” deb e’lon qilindi. Yil davomida Xitoyning yirik shaharlari va provinsiyalarida turizm roudshoulari o‘tkazildi, Sian, Guanchjou, Gonkong shaharlaridagi salmoqli turizm ko‘rgazmalarida mamlakat milliy stendi bilan ishtirok etildi.

Albatta, ikki mamlakat turizm tadbirkorlari o‘rtasida bevosita aloqalarning kengayishi uchun zarur imkoniyatlar yaratilayotganligi, bu yo‘nalishdagi sa’y-harakatlarning davomiyligini ta’minlamoqda. Masalan, shu kungacha o‘tkazilgan tadbirlarda 500 ortiq Xitoy turkompaniyalari bilan B2B-muzokaralar tashkil etilib, 40 dan ortiq hamkorlik bitimlari imzolandi.

Qolaversa, 2025-yil 1-iyunidan O‘zbekiston va Xitoy o‘rtasida vizasiz rejim joriy etilganligi soha vakillari uchun juda katta imkoniyatlarni ochib bermoqda.

Natijada, 2025-yil yanvar-oktyabr oylari davomida yurtimizga Xitoydan 217 ming nafar turist tashrif buyurdi. Yil yakuniga qadar esa mazkur ko‘rsatgich 250 minga yetishi kutilmoqda.

E’tiborlisi, Turizm yili davomida erishilgan natijalar joriy yildagi maqsadli ko‘rsatkich – 180 ming nafardan 40% ga ko‘p va o‘tgan yilgi ko‘rsatgichlarga nisbatan 3,7 baravar o‘sishni ta’minladi. Bu esa davlatimiz rahbari tomonidan soha oldiga qo‘ygan yirik maqsad – Xitoydan 1 million sayyoh jalb qilishdagi qadamlar jadallashganidan dalolatdir.

Mamlakatimizda ekologik turizmni rivojlantirish maqsadida Vazirlar Mahkamasining 2024 yil 13 sentabrdagi 572-son qarori bilan “Modulli mehmonxonani qurish va jihozlash uchun subsidiya ajratish tartibi to‘g‘risidagi vaqtinchalik nizomi” tasdiqlandi. Ushbu Nizom 2024 yil 1 oktyabrdan 2026 yil 31 dekabrgacha tadbirkorlik subʼektlariga modulli mehmonxonalarni qurish va jihozlash uchun xarajatlarining bir qismini qoplash maqsadida bir martalik subsidiya ajratishni nazarda tutadi.

Subsidiya yangi tashkil etilgan va kamida 10 ta moduldan iborat bo‘lgan modulli mehmonxonada yaratilgan har bir joy uchun 1 million so‘m miqdorida bo‘ladi. Bu subsidiya 2024 yil 1 oktabrdan 2026 yil 1 noyabrgacha beriladi.

Qo‘shimcha ma’lumotlar uchun qaror matni bilan quyidagi havola orqali tanishishingiz mumkin: https://lex.uz/pdfs/7102971.

🔥 Jizzax turizm boshqarmasi ma`lumotlariga ko`ra, 2024 yilning o‘tgan davri dovomida 26 ta, 504 o‘rinli joylashtirish vositalari ishga tushdi, shundan,  2 ta (mexmonxona) , 11 ta xostel, 12 ta  oilaviy mehmon uyi va  1 ta dam olish zonasi   faoliyati yo‘lga qo‘yildi. (yillik reja 26 ta yillik reja 100%)ga bajarildi.

Bugungi kunda xorijiy sayohlarni to‘liq joylashtirish quvvatiga ega bo‘ldik. Ma’lumot uchun, 281 ta joylashtirish vositalari, shundan:
🏦26 ta mehmonxona
🏕22 ta kemping
🏘180 ta oilaviy mehmon uyi 
🏠29 ta xostel
🏡2 ta dam olish maskani 
🏚3 ta yotoqxoni 
⛺️11 ta oromgoh hamda 9 ta sanatoriya joylashtirish vositalari tashkil etildi.
 

Hurmatli delegatsiyalar rahbarlari!

Avvalambor, Rossiya Federatsiyasi Prezidenti hurmatli Vladimir Vladimirovich Putinga mehmondoʻstlik va bugungi uchrashuvimizni aʼlo darajada tashkil etgani uchun bildirilgan minnatdorlik soʻzlariga qoʻshilaman.

Belarus tomonining, Belarus Respublikasi Prezidenti Aleksandr Grigoryevich Lukashenkoning Yevroosiyo iqtisodiy ittifoqiga samarali raisligini alohida qayd etmoqchiman. Bu davrda koʻp tomonlama amaliy hamkorlik yangi surʼat kasb etdi.

Global bozorlarning tobora parchalanib borayotgani, logistika zanjirlarining murakkablashayotgani va investitsiya resurslarini taqsimlashda ustuvor yoʻnalishlarning oʻzgarayotgani sharoitida biz uchun strategik va tabiiy sheriklarimiz boʻlgan Yevroosiyo iqtisodiy ittifoqi mamlakatlari bilan pragmatik va oʻzaro manfaatli hamkorlikni chuqurlashtirish prinsipial ahamiyat kasb etmoqda.

Hurmatli yig‘ilish ishtirokchilari!

Kuzatuvchi davlat maqomidagi hamkorlikning soʻnggi toʻrt yilida Oʻzbekistonning YOII mamlakatlari bilan tashqi savdo aylanmasi qariyb ikki barobar oshdi.

Iqtisodiy aloqalar tarkibida yuqori qoʻshilgan qiymatli mahsulotlar ulushi ortib borayotgani, kooperatsiya loyihalari kengayib borayotgani barqaror surʼat koʻrsatayotgani ayniqsa muhimdir.

Bu hamkorlarimiz ishlab chiqarish zanjirlarini mustahkamlashdan chinakam manfaatdorligini aks ettiradi.

Oʻzbekiston Yevroosiyoning asosiy formatlarida faol ishtirok etmoqda.

Yevroosiyo iqtisodiy komissiyasi bilan savdo, sanoat, moliya, agrar sanoat va transport sohalarida 40 ga yaqin aniq tadbirlarni oʻz ichiga olgan uch yillik reja amalga oshirilmoqda.

Qoʻshma Ishchi guruh formatidagi ishlar davom etmoqda: uning beshinchi yigʻilishini kelgusi yilda Toshkent shahrida oʻtkazishni rejalashtirmoqdamiz.

Shuningdek, YOIIning elektron savdoni rivojlantirish, yuk tashishni raqamlashtirish va iqlim oʻzgarishiga qarshi kurashish boʻyicha tarmoq dasturlarida ishtirok etmoqdamiz.

Oʻzbekiston va YOII bojxona chegaralari orqali olib oʻtiladigan tovarlar va transport vositalari toʻgʻrisida axborot almashish toʻgʻrisida bitim tuzish boʻyicha muzokaralarni boshlash haqidagi qaror qabul qilinganini olqishlaymiz.

Ishonchimiz komilki, transchegaraviy maʼlumotlar almashinuvi bojxona nazorati samaradorligini oshirish, kechikishlarni kamaytirish va transport tizimlarimizning Yevroosiyo yoʻlaklariga integratsiyalashga xizmat qiladi.

Oʻzbekistonning Yevroosiyo taraqqiyot bankiga qoʻshilishi hamkorlikni mustahkamlashda muhim bosqich boʻldi. Bank bilan birgalikda infratuzilma, energetika, metallurgiya, kimyo va boshqa tarmoqlarda istiqbolli loyihalar portfeli shakllantirildi.

Hurmatli hamkasblar!

YOII bilan hamkorlikni kengaytirish borasidagi ustuvor yoʻnalishlarimizni qisqacha aytib oʻtmoqchiman.

Birinchi. Savdo toʻsiqlarini bosqichma-bosqich bartaraf etish asosiy vazifa boʻlib qolmoqda.

Texnik jihatdan tartibga solish, sanitariya va fitosanitariya meʼyorlari borasidagi yondashuvlarni yaqinlashtirish maqsadida MDH va YOII institutlari oʻrtasidagi muvofiqlashtirishni faollashtirish zarur deb hisoblaymiz.

Ortiqcha tartib-taomillarni bartaraf etish va talablarni birxillashtirish boʻyicha “yoʻl xaritasi”ni ishlab chiqish maqsadga muvofiq.

Texnik jihatdan tartibga solish, sertifikatlash va bojxona maʼmuriyatchiligidagi tafovutlar bilan bogʻliq masalalarni tezkor hal etish maqsadida tarif va notarif toʻsiqlar boʻyicha “Oʻzbekiston – YOII” qoʻshma muvofiqlashtiruvchi guruhini tuzishni taklif etamiz.

Ikkinchi. Sanoat kooperatsiyasini rivojlantirishga alohida eʼtibor qaratmoqdamiz.

Mashinasozlik, energetika, agrosanoat majmui, kimyo va boshqa tarmoqlardagi loyihalar roʻyxatini birgalikda shakllantirish zarur.

Oʻzbekistonning YTTBga qoʻshilishi munosabati bilan sheriklikning strategik yoʻnalishlarini birgalikda belgilab olish hamda ustuvor infratuzilmaviy va “yashil” loyihalarni, kichik va oʻrta biznesni qoʻllab-quvvatlashni qamrab olgan “yoʻl xaritasi”ni ishlab chiqish maqsadga muvofiqdir.

Ishonchimiz komilki, Bank nafaqat moliyalashtirish manbai, balki integratsiya loyihalariga investitsiyalarni jalb qilish katalizatoriga aylanishi mumkin.

Uchinchi. Raqamli texnologiyalar sohasidagi hamkorlikni kuchaytirish niyatidamiz.

Raqamli platformalarni, jumladan, elektron tijorat va raqamli markirovkalashni oʻzaro bogʻlash boʻyicha YOIK bilan “yoʻl xaritasi”ni tayyorlashni taklif etamiz.

Bojxona maʼmuriyatchiligini raqamlashtirish va yuk tashishning “choksiz” modeliga oʻtishni ham ustuvor vazifa sifatida koʻryapmiz.

Toʻrtinchi. Biz YOIIning biotibbiyot, yangi materiallar, agrotexnologiyalar, energetika va robototexnika kabi yoʻnalishlarni qamrab oluvchi texnologik platformalariga qoʻshilishdan manfaatdormiz.

Beshinchi. Turizm sohasida integratsiyalashgan axborot resursini shakllantirishga ham qoʻshilishga tayyormiz.

Bunday yondashuv mamlakatlarimiz turistik mahsulotlarining oʻzaro bogʻliqligini taʼminlash imkonini beradi.

Hurmatli doʻstlar!

Oʻzbekiston YOII bilan amaliy hamkorlikni yanada kengaytirish tarafdoridir.

Fursatdan foydalanib, Qozogʻiston Respublikasi Prezidenti hurmatli Qasim-Jomart Kemelevich Toqayevga Birlashmaga raislik Qozogʻistonga oʻtishi munosabati bilan muvaffaqiyatlar tilayman.

Barchangizni va birodar xalqlarimizni kirib kelayotgan Yangi yil bilan yana bir bor samimiy tabriklab, tinchlik-osoyishtalik, farovonlik va ravnaq tilayman.

Eʼtiboringiz uchun rahmat.

Manba: https://president.uz/oz/lists/view/8822

O‘zbekiston mahalliy va xorijiy turistlar uchun yangi imkoniyatlar yaratish maqsadida turizmning yangi turlarini joriy etishni rejalashtirmoqda. 2025 yil 1 yanvardan boshlab, mamlakatda turizmning bir qator yangi yo‘nalishlari hayotga tadbiq etiladi. Bu haqda Vazirlar Mahkamasining 582-sonli qaroriga muvofiq O‘zbekistonda quyidagi turizm turlari joriy qilinadi:

1. Sanoat Turizmi: Mahsulot ishlab chiqarish jarayonlari bilan tanishish.
2. Geologiya Turizmi: Oltin, ruda va boshqa mineral resurslar qazib oluvchi konlar va shaxtalarda texnologik jarayonlarni bexatar masofadan kuzatish, mutaxassislar bilan muloqot qilish, tog‘ releflari bo‘yicha ekskursiyalarni o‘z ichiga oladi.
3. Ilmiy Turizm: Ilmiy-tadqiqot institutlari va laboratoriyalar, observatoriyalar va planetariylar bilan tanishish.
4. Harbiy Turizm: Harbiy tarix va faoliyat bilan bog‘liq joylarga tashrif buyurish, harbiy xizmatchilar hayoti bilan tanishish va hududlarda o‘q otish bo‘yicha pulli xizmatlar ko‘rsatish.
5. Davlat-Boshqaruv Turizmi: Mamlakat siyosiy hayoti va davlat organlari tarixi bilan tanishish imkoniyatlari.

Yangi turizm turlarini joriy etish va rivojlantirish uchun mas’ul vazirliklar belgilandi:

• Sanoat turizmi: Iqtisodiyot va moliya vazirligi, Investitsiyalar, sanoat va savdo vazirligi.
• Geologiya turizmi: Tog‘-kon sanoati va geologiya vazirligi.
• Ilmiy turizm: Oliy ta’lim, fan va innovatsiyalar vazirligi, Fanlar akademiyasi.
• Harbiy turizm: Mudofaa vazirligi.
• Davlat-boshqaruv turizmi: Adliya vazirligi.

Shuningdek, Mudofaa vazirligi tomonidan 2025 yil 1 yanvardan boshlab, harbiy texnika va qurol-aslahalar bilan tanishtirish xizmatlari taklif etiladi. «G‘alaba bog‘i» yodgorlik majmuasi, «Shon-sharaf» va «Qurolli Kuchlar» davlat muzeylarida ekskursiyalar tashkil etiladi. Shuningdek, Qibray sport majmuasi bazasida «Stendli otish» xizmatlari ko‘rsatish rejalashtirilgan.

2025 yil 1 oktyabrdan ichki turizm infratuzilmasini yaxshilash uchun "Tourist map" interaktiv portali Samarqand shahridagi xalqaro aeroportda ishga tushiriladi. Portal:

• Aeroport, temir yo‘l vokzallari, avtovokzallar va boshqa joylar haqida ma’lumot taqdim etadi.
• Sayohat rejasini tuzish imkonini beradi.
• Turistlarga yuqori oqimdagi davlatlar tillarida axborot taqdim etadi.

Xulosa

O‘zbekiston turizmning yangi turlarini joriy etish orqali o‘z salohiyatini yanada oshirishni maqsad qilgan. Bu chora-tadbirlar mahalliy va xorijiy turistlarni jalb qilishga xizmat qiladi va mamlakatning turistik infratuzilmasini rivojlantirishga hissa qo‘shadi.

Sarhisob-2025: Surxondaryoda turizm sohasida amalga oshirilgan ishlar va erishilgan natijalar 

Surxondaryo viloyatida turizm sohasini rivojlantirish, hududning ichki va tashqi turistik salohiyatini oshirish borasida muhim natijalarga erishildi.

Xususan, yil davomida 3 million nafar mahalliy, 918 ming nafar xorijiy turist jalb etilib, 150 million AQSh dollari miqdorida turistik eksport hajmi shakllantirildi.

Viloyatda 10 ta madaniy-ko‘ngilochar tadbir tashkil etildi. Shuningdek, “Sayrob”, “Chorbog‘” va “Nilu” qishloqlariga “Turizm qishlog‘i” maqomi berilib, ularning umumiy soni 6 taga yetkazildi. Aholi va mehmonlar uchun qulay infratuzilma yaratish maqsadida 9 ta zamonaviy turizm ko‘chasi barpo etildi.

Turistik xizmatlar ko‘lamini kengaytirish doirasida 11 ta mehmonxona, 12 ta mehmon uyi va 11 ta xostel, jami 34 ta joylashtirish vositasi ishga tushirildi.

Bundan tashqari, Surxondaryoning boy tarixiy-madaniy va tabiiy turistik salohiyati dunyoning rivojlangan mamlakatlarida keng targ‘ib qilindi.

2024 yil 19 noyabr kuni USAIDning biznesni qo‘llab-quvvatlash loyihasi xodimlari Shaxnoza Abdukarimova va Shennon Gaffni Xiva shahrida tashrif buyurdi. Ularning tashrifi davomida Xiva shahar hokimligida viloyatdagi xizmat ko‘rsatuvchi tadbirkorlar bilan uchrashuv tashkil etildi.

Uchrashuvda Xorazm viloyatida xizmat ko‘rsatish sohasini rivojlantirish, xususiy sektorni qo‘llab-quvvatlash va iqtisodiy salohiyatni oshirish masalalari muhokama qilindi. Shahar hokimligi vakillari va USAID loyihasi xodimlari mahalliy tadbirkorlar bilan yaqin hamkorlikni rivojlantirish, ularga yangi imkoniyatlar yaratish va hududning iqtisodiy o‘sishini qo‘llab-quvvatlash borasida kelishuvlarga erishdilar.

Tadbir, shuningdek, tadbirkorlar uchun o‘z bizneslarini rivojlantirishga qaratilgan yangi g‘oyalar va imkoniyatlar haqida ma'lumot olish imkonini yaratdi. Uchrashuv, mahalliy tadbirkorlarning fikr va takliflarini tinglash uchun samarali platforma bo‘ldi.

Tashrif davomida rasmiy vakillar o‘zaro hamkorlikni yanada mustahkamlash uchun kichik doirada uchrashuvlar o‘tkazdilar. Uchrashuvda Xivada yashil arxitekturani rivojlantirish, turizm salohiyatini oshirish va shaharda yangi imkoniyatlar yaratish masalalari atroflicha muhokama qilindi. Yashil turizmni rivojlantirish bo‘yicha fikrlar almashilib, Xivaning turizm sohasidagi imkoniyatlarini kengaytirish yo‘llari yuzasidan qimmatli mulohazalar bildirildi.

Mazkur tashabbus USAID va Xiva shahar hokimligi o‘rtasidagi hamkorlikni mustahkamlash va Xorazm viloyatining iqtisodiy rivojlanishiga hissa qo‘shish maqsadida muhim rol o‘ynaydi.

25-dekabr kuni navbatdagi “Avtomobilsiz kun” aksiyasi bo‘lib o‘tadi

Tadbir har oyning to‘rtinchi chorshanba kuni Qoraqalpog‘iston Respublikasi, viloyatlar markazlari va Toshkent shahrida avtotransport vositalaridan atmosferaga chiqayotgan zararli chiqindilarning salbiy ta’sirini kamaytirish, shaharlarda shovqin darajasini pasaytirish va atrof-muhit muhofazasini yaxshilash maqsadida o‘tkaziladi.

Aksiya doirasida Qoraqalpog‘iston Respublikasi, viloyatlar markazlari va Toshkent shahridagi davlat tashkilotlarining barcha rahbar va xodimlariga, barcha yurtdoshlarimizga shaxsiy avtomashinalardan voz kechib, jamoat transporti, velosiped kabi vositalardan foydalanish yoki piyoda harakatlanish tavsiya etiladi.

 “Avtomobilsiz kun” aksiyasiga qoʻshiling va atrof-muhitni muhofaza qilishga hissa qoʻshing! Mashinangizni uyda qoldiring va ekologik toza usullarni tanlang. Birgalikda shaharlarimiz havosini yanada ekologik toza saqlay olamiz.

Toshkent shahridagi Sodiq Azimovdagi gastronomik ko‘cha 2024-yil oxirigacha ochilishi rejalashtirilgan. Ko‘cha Mag‘timguli va Istiqbol ko‘chalari chorrahalari oralig‘ida joylashgan bo‘lib, uning uzunligi 800 metrni tashkil qiladi. Yashnobod tumani hokimligi yetakchi mutaxassisi O‘tkir Ulashevning ta’kidlashicha, ushbu loyiha qulay joylashuvi va rivojlangan infratuzilmasi, shuningdek, mazkur ko‘chada 33 dan ortiq savdo ob’ekti, 10 ga yaqin kafe-restoran mavjudligi sababli tanlangan. Gastro ko'chasi kechayu kunduz ishlaydi va 22 ta muassasa haftada 7 kun 24 soat ishlashga tayyorligini e'lon qildi.

Loyiha Urban New Project kompaniyasi tomonidan Single Customer Service injiniring kompaniyasi bilan birgalikda ishlab chiqilmoqda. Loyiha-smeta hujjatlarini ishlab chiqish uchun 7 milliard so‘m, qurilish ishlari uchun respublika byudjetidan 20 milliard so‘m mablag‘ yo‘naltirildi. Renaissance Design ko'chani loyihalashtiradi.

Infratuzilmaga kiritiladigan asosiy o'zgarishlar quyidagilardan iborat:

Korxonalar yozgi teraslarni joylashtirishi mumkin bo'lgan qo'shimcha joy yaratish uchun 3-4 metrdan 8-13 metrgacha piyodalar yo'laklarini kengaytirish. Tadbirkorlar ushbu maqsadlar uchun “Mikrokreditbank”dan imtiyozli kredit olishlari mumkin bo‘ladi.
Trening maydoni, selfi zonasi va ikkita quruq shkafni o'rnatish.
Yengil konstruksiyalardan quriladigan 15 ta qoʻshimcha savdo shoxobchalarini yaratish. Ushbu saytlar kim oshdi savdosi orqali tarqatiladi.
Velosiped yo'llarini rivojlantirish va yo'lni o'zgartirish: u ikki qatorli bo'ladi, bir qator esa to'xtash joyi uchun ajratiladi.
Avtomobillar uchun 24 soatlik o'tish - Taras Shevchenkodagi gastro ko'chasidan farqli o'laroq, u soat 20:00 dan piyodalarga aylanadi, bu erda o'tish joyidan avtomobillar kuniga 24 soat kirishadi. Bu aholi o'z uylariga doimiy kirishga muhtoj bo'lgan turar-joy binolarining joylashuvi bilan bog'liq.
Xavfsizlikni taʼminlash maqsadida gastro koʻchasi Milliy gvardiya va ichki ishlar organlari xodimlari tomonidan qoʻriqlanadi.

Hokimlik tomonidan Sodiq Azimov ko‘chasidagi loyiha tugallangach, ikkinchi bosqich – Alimkent ko‘chasida sayyohlik xiyoboni qurish ishlari boshlanadi.

Loyiha XIX asrning asosiy ustalaridan biri Vinsent van Gogning hayoti va ijodini o‘rganadi.

Ko‘rgazmaning yangilangan versiyasi ikkita katta multimedia shousi va uchta tematik zonani o‘z ichiga oladi, ularning har biri rassomning shaxsiyati, ichki kechinmalari, professional yo‘li va hissiy merosini yoritadi. Qo‘shimcha materiallar va kengaytirilgan vizual kontent tomoshabinlarga uning uslubining rivojlanishi, xarakter xususiyatlari va asarlarini yaratgan tarixiy kontekstni chuqurroq tushunishga yordam beradi.

“Van Gog bo‘lish” – bu rassomning tarjimai holiga yangicha nuqtai nazarni taqdim etuvchi multimedia formatidir. Tashrif buyuruvchilar uning hayotining asosiy bosqichlari bo‘ylab yo‘naltiriladi: o‘z yo‘lini izlash va birinchi ijodiy harakatlaridan tortib, o‘ziga xos badiiy uslubini rivojlantirish va xalqaro miqyosda tan olinishga erishishgacha. Ko‘rgazma uning merosining ko‘lamini va bugungi kunda san’at va madaniyatga ta’sirini yoritadi.

Ko‘rgazma vaqti:

Dushanbadan payshanbagacha, soat 10:00 dan 23:00 gacha;

Juma kunidan yakshanba kunigacha, soat 10:00 dan 00:00 gacha.

Chiptalar narxi:

Dushanbadan chorshanbagacha: 40 000 so'm;
Payshanba: birinchi kelganga birinchi xizmat ko'rsatiladi.
Juma kunidan yakshanbagacha: 60 000 so'm;
Ixtisoslashtirilgan maktablar va maktab-internat o'quvchilari uchun bepul kirish;
Maktab o'quvchilari, talabalar va nafaqaxo'rlar kassadan chipta sotib olayotganda 50% chegirmaga ega;
10 yoshgacha bo'lgan bolalar: bepul kirish.

Qo'shimcha ma'lumot olish uchun (+998) 71-207-1071, (+998) 71-207-2072 raqamlariga qo'ng'iroq qiling.

🔸Toshkent xalqaro aeroportining ikkinchi qavatida, jo‘nab ketish zalining VIP va CIP zallari yonida joylashgan kassada endilikda 15 ta aviakompaniya chiptalarini xarid qilish mumkin. Bular, “Uzbekistan Airways”, “Silk Avia”, “Centrum Air”, “Qanot Sharq”, “Air Samarkand”, “Turkish Airlines”, “Asiana Airlines”, “Lot Airlines”, “Belavia”, “Air Astana”, “Aeroflot”, “Ural Airlines”, “S7”, “Red Wings”, “Utair” aviakompaniyalaridir. 

🔸Toshkent aeroportidagi chiptalar kassasi haftasiga yetti kun, 24 soat ishlaydi. 

(https://t.me/uzbairportsuz/5965)

Bu kun sayyohlardan tortib, ushbu soha mutaxassislarigacha sayohat qilish imkonini yaratgan har bir kishining mehnatini nishonlash uchun ajoyib imkoniyatdir.
 

Turizm mamlakatlarning iqtisodiy va madaniy rivojlanishida muhim o‘rin tutadi, xalqaro aloqalarni mustahkamlash va milliy merosni targ‘ib qilish imkoniyatlarini yaratadi.
 

Turizm sohasining barcha mutaxassislariga muvaffaqiyat va yangi yutuqlar, sayohatchilarga esa yorqin va unutilmas kashfiyotlar tilaymiz! Har bir yo'l quvonch va ilhom olib kelsin!

Kattaqo‘rg‘on tumanida turizm salohiyatini yanada rivojlantirish, hududning tabiiy va rekreatsion imkoniyatlaridan samarali foydalanish maqsadida qator istiqbolli loyihalar ishchi guruhi vakillari tomonidan o‘rganildi.

Xususan, tuman hududida joylashgan suv ombori atrofidagi 50 gektar yer maydonida yangi tashkil etilishi rejalashtirilayotgan turizm va xizmat ko‘rsatish loyihalari bilan tanishildi. Mazkur hududda zamonaviy dam olish maskanlari, eko-mehmonxonalar, sayyohlar uchun qulay infratuzilma yaratish imkoniyatlari ko‘rib chiqildi.

Shuningdek, Kattaqo‘rg‘on tumani Burgansoy tog‘ tizmasida eko-turizmni rivojlantirishga qaratilgan dastur va loyihalar o‘rganildi. O‘rganish jarayonida hududning tabiiy landshafti, tog‘ va yaylovlar, sayyohlik marshrutlarini tashkil etish imkoniyatlari, shuningdek, ekologik barqarorlikni ta’minlash masalalariga alohida e’tibor qaratildi.

Mutaxassislar tomonidan loyihalarni bosqichma-bosqich amalga oshirish, mahalliy aholini turizm sohasiga keng jalb etish, yangi ish o‘rinlarini yaratish hamda hududning investitsion jozibadorligini oshirish bo‘yicha taklif va tavsiyalar bildirildi.

Mazkur loyihalar amalga oshirilishi natijasida Kattaqo‘rg‘on tumanida ichki va tashqi turizm oqimini ko‘paytirish, eko-turizm yo‘nalishlarini kengaytirish hamda hududning ijtimoiy-iqtisodiy rivojlanishiga xizmat qilishi kutilmoqda.