🔸Toshkent xalqaro aeroportining ikkinchi qavatida, jo‘nab ketish zalining VIP va CIP zallari yonida joylashgan kassada endilikda 15 ta aviakompaniya chiptalarini xarid qilish mumkin. Bular, “Uzbekistan Airways”, “Silk Avia”, “Centrum Air”, “Qanot Sharq”, “Air Samarkand”, “Turkish Airlines”, “Asiana Airlines”, “Lot Airlines”, “Belavia”, “Air Astana”, “Aeroflot”, “Ural Airlines”, “S7”, “Red Wings”, “Utair” aviakompaniyalaridir. 

🔸Toshkent aeroportidagi chiptalar kassasi haftasiga yetti kun, 24 soat ishlaydi. 

(https://t.me/uzbairportsuz/5965)

Mamlakatimizda turizmni strategik tarmoq sifatida yanada rivojlantirish, “Umra plyus” ziyorat turizmi dasturi orqali sayyohlar oqimini oshirish, ziyorat turizmi infratuzilmasi va xizmatlarini takomillashtirish, shuningdek, O‘zbekiston Respublikasi Prezidentining “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida” 2021-yil 9-fevraldagi PF-6165-son Farmoni ijrosini ta’minlash maqsadida O‘zbekiston Respublikasi Vazirlar Mahkamasining “Umra plyus” ziyorat turizmi dasturini amalga oshirishga qaratilgan qo‘shimcha chora-tadbirlar to‘g‘risidagi qarori qabul qilindi.

Unga ko‘ra, 2026-2027-yillarda Malayziya va Indoneziyadan “ziyorat turizmi” yo‘nalishida sayyohlar oqimini 100 ming nafarga yetkazish bo‘yicha “yo‘l xaritasi” tasdiqlandi.

Qarorda belgilanishicha, 2026-yil yakuniga qadar Turizm qo‘mitasi tomonidan Malayziya va Indoneziyadan “Umra plyus” ziyorat turizmi dasturi asosida sayyohlarni jalb qilayotgan turoperatorlarga har bir sayyoh uchun 100 AQSH dollari miqdorida subsidiya ajratiladi.

Malayziyalik va indoneziyalik sayohatchilarning Ramazon hayiti va Qurbon hayiti bayramlarini O‘zbekistonda o‘tkazishi yuzasidan choralar ko‘riladi. Malayziya va Indoneziyada “Imom Buxoriy izidan” va “Ramazonni O‘zbekistonda o‘tkaz” tematik turizm targ‘iboti kampaniyalari tashkil etiladi. Malayziyaning musulmon aholisi ko‘p bo‘lgan hududlarida ziyorat turizmi bo‘yicha alohida roadshoular tashkil etiladi.

“Umra plyus” ziyorat turizmi dasturi doirasida Toshkent shahri va Samarqand, Buxoro viloyatlaridagi obyektlarni o‘z ichiga olgan turizm marshrutlari ishlab chiqiladi. Madaniy meros agentligi, Toshkent shahri, Samarqand va Buxoro viloyatlari hokimliklari bilan birgalikda dastur ishtirokchilari uchun qish (20-noyabrdan 20-fevralgacha) va yoz fasllarining (iyul oyi) nomavsumiy oylarida madaniy meros obyektlari, mehmonxona, ovqatlanish va boshqa xizmatlar uchun ixtiyoriy chegirmalar joriy etiladi.

Transport vazirligi, Tashqi ishlar vazirligi va Turizm qo‘mitasi bilan birgalikda 2 hafta muddatda dastur uchun mahalliy yoki xorijiy aviakompaniyaning 10 ta aviabortini, shu jumladan ijaraga olish orqali jalb qilishni ta’minlaydi. Shuningdek, Kuala Lumpur—Samarqand—Kuala Lumpur va Kuala Lumpur—Buxoro—Jidda— Kuala Lumpur hamda Jakarta—Samarqand—Jidda—Jakarta va Jakarta—Buxoro—Jidda—Jakarta turistik marshrutlari bo‘ylab aviaqatnovlarni raqobatdosh narxlarda ishlab chiqilishini hamda dasturda ishtirok etuvchi turkompaniyalarga taqdim etilishini ta’minlaydi.

Jizzax viloyati turizm salohiyatini rivojlantirish, mahalliy va xorijiy turistlar sonini yanada oshirish hamda turizm sohasida faoliyat yuritayotgan tadbirkorlik subyektlari uchun qo‘shimcha sharoitlar yaratish maqsadida Sharof Rashidov tumanida yangi yirik turistik kompleks “Rancho Tour” foydalanishga topshirildi.
 

Joriy yilda mazkur maskanda keng ko‘lamli qurilish va obodonlashtirish ishlari olib borilib, aholi uchun qulay dam olish hududiga aylantirildi. Xususan, turistik maskanga olib boruvchi yo‘llar asfaltlandi, 131 gektar foydalanilmay turgan lalmi va tog‘ adirlik yerlari ko‘kalamzorlashtirildi, 50 gektar maydonda 30 dan ortiq turdagi manzarali va mevali bog‘lar barpo etildi.

1 gektar maydonda baliq ovlash uchun maxsus hudud, hayvonot bog‘i, zamonaviy 4 bosqichli ziplayn hamda uning yakuniy nuqtasiga o‘rnatilgan umumiy ovqatlanish va xizmat ko‘rsatish shoxobchalari tashkil etildi.

Yoshlar va ekstremal sport ishqibozlari uchun qoyatoshga chiqish yo‘laklari, Jizzax shahri manzarasini yuqoridan tomosha qilish imkonini beruvchi havo sharida sayr, shuningdek, 2,5 km masofada kvadrosiklda sayohat qilish xizmatlari yo‘lga qo‘yildi.

Ta’kidlash joizki so‘nggi yillarda Jizzax viloyatida turizm sohasi iqtisodiyotning asosiy drayverlaridan biriga aylanib bormoqda. Joriy yilda viloyatga 472 ming nafar xorijiy, 1,6 million mahalliy sayyoh tashrif buyurdi. Turizm xizmatlari eksporti 70 million dollarga yetdi.

Shu bilan birga, joriy yilda jami 49 ta, 1274 o‘rinli joylashtirish maskanlari foydalanishga topshirildi, 500 dan ortiq yangi ish o‘rinlari yaratildi. Bugungi kunda viloyatda mehmonxona, xostel, kemping va oilaviy mehmon uylari soni 312 taga, joylar soni esa 7657 taga yetdi.

Sarhisob-2025: Surxondaryoda turizm sohasida amalga oshirilgan ishlar va erishilgan natijalar 

Surxondaryo viloyatida turizm sohasini rivojlantirish, hududning ichki va tashqi turistik salohiyatini oshirish borasida muhim natijalarga erishildi.

Xususan, yil davomida 3 million nafar mahalliy, 918 ming nafar xorijiy turist jalb etilib, 150 million AQSh dollari miqdorida turistik eksport hajmi shakllantirildi.

Viloyatda 10 ta madaniy-ko‘ngilochar tadbir tashkil etildi. Shuningdek, “Sayrob”, “Chorbog‘” va “Nilu” qishloqlariga “Turizm qishlog‘i” maqomi berilib, ularning umumiy soni 6 taga yetkazildi. Aholi va mehmonlar uchun qulay infratuzilma yaratish maqsadida 9 ta zamonaviy turizm ko‘chasi barpo etildi.

Turistik xizmatlar ko‘lamini kengaytirish doirasida 11 ta mehmonxona, 12 ta mehmon uyi va 11 ta xostel, jami 34 ta joylashtirish vositasi ishga tushirildi.

Bundan tashqari, Surxondaryoning boy tarixiy-madaniy va tabiiy turistik salohiyati dunyoning rivojlangan mamlakatlarida keng targ‘ib qilindi.

Glempinglar va o‘tovlarni tasniflashga doir milliy standart qabul qilindi

Turizm qo‘mitasi qoshidagi “Turizm sohasida standartlashtirish” texnik qo‘mitasi tomonidan “Turizm xizmatlari. Glempinglar va o‘tovlar. Tasniflash tizimi” milliy standarti ishlab chiqildi va ilk bor amalga kiritilmoqda.

Milliy standart glempinglar va o‘tovlarni toifalar bo‘yicha tasniflash tizimini belgilab, u quyidagi talablar majmuiga asoslangan:

- konstruksiyalar va unga tutash hudud;

- texnik jihozlar va asbob-uskunalar;

- nomerlarning sanitar-gigiyenik jihozlanganligi;

- nomerlarning texnik jihozlanganligi;

- nomerlarni mebel va inventar bilan jihozlanganligi;

- umumiy foydalanish uchun sanitariya obyektlari;

- jamoat joylari;

- xizmatlar;

- ovqatlanish xizmatlari;

- xodimlar va ularning tayyorgarligiga doir talablar.

Toifalar uchta A, B, va C toifa bo‘yicha tasniflanadi. Eng yuqori toifa “A”, eng past “C” toifa hisoblanadi.

Mazkur milliy standart 2024-yilning 19-avgustdan joriy etiladi.

2025 - yilning 31- yanvar  2- fevral kunlari Pokistonning Karachi  shahrida  “Pakistan travel mart”  turizm ko‘rgazmasi bo‘lib o‘tadi.  Shuningdek 2025-yil 4- 5 - fevral kunlari Pokistonning Laxor shahrida “Madaniyatni bog‘lash va sayohat orqali mahalliy hamjamiyatlarni qo‘llab-quvvatlash” mavzusida “road shou” o‘tkazilishi rejalashtirilgan.  Nufuzli xalqaro turizm ko‘rgazmasida ishtirok etishga shoshiling! 

2025-yilning 31-yanvaridan 2-fevraliga qadar Pokistonning Karachi shahrida "Pakistan Travel Mart" turizm ko‘rgazmasi bo‘lib o‘tadi. Ushbu ko‘rgazma turizm sohasidagi eng nufuzli tadbirlardan biri bo‘lib, unda turli mamlakatlardan sayyohlik kompaniyalari, agentliklar, mehmonxona tarmoqlari va boshqa turizm sohasidagi vakillar ishtirok etadi.

Shuningdek, 2025-yilning 4-5-fevral kunlari Pokistonning Laxor shahrida "Madaniyatni bog‘lash va sayohat orqali mahalliy hamjamiyatlarni qo‘llab-quvvatlash" mavzusida "road show" tashkil etilishi rejalashtirilgan. Bu tadbirda turizm, madaniyat va mahalliy hamjamiyatlarni rivojlantirish masalalari muhokama qilinadi.

Agar siz turizm sohasida faoliyat yuritsangiz yoki ushbu sohada yangi imkoniyatlar qidirsangiz, ushbu tadbirda ishtirok etish imkoniyatini qo‘ldan boy bermang!

Batafsil: https://pakistantravelmart.co

So‘ngi yillarda dunyoda eng yirik turizm bozorlari bo‘lmish Xitoydan sayyohlarni jalb qilish bo‘yicha ishlar ko‘lami sezilarli kengaygan. Jumladan, 2025-yil “Xitoyda O‘zbekiston turizm yili” deb e’lon qilindi. Yil davomida Xitoyning yirik shaharlari va provinsiyalarida turizm roudshoulari o‘tkazildi, Sian, Guanchjou, Gonkong shaharlaridagi salmoqli turizm ko‘rgazmalarida mamlakat milliy stendi bilan ishtirok etildi.

Albatta, ikki mamlakat turizm tadbirkorlari o‘rtasida bevosita aloqalarning kengayishi uchun zarur imkoniyatlar yaratilayotganligi, bu yo‘nalishdagi sa’y-harakatlarning davomiyligini ta’minlamoqda. Masalan, shu kungacha o‘tkazilgan tadbirlarda 500 ortiq Xitoy turkompaniyalari bilan B2B-muzokaralar tashkil etilib, 40 dan ortiq hamkorlik bitimlari imzolandi.

Qolaversa, 2025-yil 1-iyunidan O‘zbekiston va Xitoy o‘rtasida vizasiz rejim joriy etilganligi soha vakillari uchun juda katta imkoniyatlarni ochib bermoqda.

Natijada, 2025-yil yanvar-oktyabr oylari davomida yurtimizga Xitoydan 217 ming nafar turist tashrif buyurdi. Yil yakuniga qadar esa mazkur ko‘rsatgich 250 minga yetishi kutilmoqda.

E’tiborlisi, Turizm yili davomida erishilgan natijalar joriy yildagi maqsadli ko‘rsatkich – 180 ming nafardan 40% ga ko‘p va o‘tgan yilgi ko‘rsatgichlarga nisbatan 3,7 baravar o‘sishni ta’minladi. Bu esa davlatimiz rahbari tomonidan soha oldiga qo‘ygan yirik maqsad – Xitoydan 1 million sayyoh jalb qilishdagi qadamlar jadallashganidan dalolatdir.

Urganch davlat universitetida koreys, arab va xitoy tillarida gid-tarjimonlarni tayyorlash kursi o‘z faoliyatini boshlaganligi ma'lum qilinadi.

Qo‘shimcha ma’lumot uchun:
+998914322082

Ushbu maqom “Sofi Oshi” nomi va uning an’anaviy tayyorlash texnologiyasini huquqiy jihatdan muhofaza qiladi, taomning sifati va haqiqiyligini kafolatlaydi hamda Buxoro viloyatining boy gastronomik merosini keng targ‘ib etishga xizmat qiladi.

Geografik ko‘rsatkich — mahsulotning muayyan hududga xosligi va uning o‘ziga xos sifati aynan shu hudud bilan uzviy bog‘liqligini tasdiqlovchi intellektual mulk obyektidir.

Milliy qadriyatlarimizni asrash va hududiy brendlarni rivojlantirish yo‘lidagi yana bir muhim qadam!
 

• 1-taom

• Manti

  

  Manti - bu turkiy va musulmon xalqlari oshxonalarida mashhur bo‘lgan klassik taom: Kavkaz, Turkiya, Mo‘g‘uliston, O‘zbekiston va hatto Xitoy va Koreyada. Rossiyada va postsovet hududida manti sobiq Sovet Ittifoqi Markaziy Osiyo respublikalaridan kelgan juda mashhur taomdir. Taomning kelib chiqishi hali nomaʼlum. Ko‘pgina faktlar, shu jumladan etimologik dalillar, ushbu retsept Xitoyda paydo bo‘lganligini va Buyuk Ipak yo‘li bo‘ylab yana-da keng tarqalganligini ko‘rsatadi. Anʼanaga ko‘ra manti manti pishirgichi, manti pishiruvchisi, manti qozon yoki manti-kaskan deb nomlangan maxsus moslamada pishiriladi. Manti qozon odatda ko‘p qavatli. Suv pastki kameraga quyiladi va yuqori bo‘linmalarda bug‘ oqadigan teshiklar mavjud (lappaylar) bo‘lib, ular ovqat pishirishga imkon beradi. Manti qozonda bir vaqtning o‘zida 40 yoki undan ortiq manti pishirish mumkin. Mantining masalliqlariga qarab kòk manti , goʻshtli manti, qovoqli manti ,yalpiz manti va kartoshkali manti kabi turlari bor.

• 2-taom

• Kesma lagʻmon

  

  Ushbu lag‘mon haqiqiy o‘zbek pazandaligiga xos bo‘lib, juda qadim davrlarda kelib chiqqan. G‘oyat to‘q tutar va serlazzat bo‘lib, mehmon dasturxoniga qo‘ysa arzigulik taom. Yilning to‘rtala faslida ham tayyorlasa bo‘ladi. Bunday lag‘mon Farg‘ona vodiysida ko‘proq tayyorlanadi. Kesma lag‘monning tayyorlanishi quyidagicha: xamirni xuddi chuchvaraga tayyorlagandek qilib qoriladi, tindirib, so‘ng o‘qlov yordamida 2-3 mm qilib yoyiladi. Yoymani taxlab eni 4-5 mm keladigan uzun-uzun tasmalar kesiladi, bir-biriga yopishib ketmasligi uchun urvoqqa belanadi. Shunday kesilgan ugrani qaynab turgan tuzli suvga solib pishiriladi, yuziga qalqib chiqqanda chovlida suzib olib sovuq suvda 2-3 bor chayqab yuborilgandan so‘ng sirqitib qo‘yiladi. Qaylasi bunday tayyorlanadi: piyozni halqa-halka, go‘shtni bodom kattaligida lo‘nda-lo‘nda qilib, pomidorni tilik-tilik, kartoshkani o‘rtacha (1,5 X 1,5 X 1,5 sm), turpni kichik (0,5 X 0,5 X 0,5 sm) kubik shaklda to‘g‘raladi, karam, chuchuk garmdori va sarimsoqni mayda chopiladi. Qozonda yog‘ni dog‘lab piyoz tashlanadi, uncha qizarmasdan turib go‘shtni solinadi, seli chiqa boshlaganda sarimsoq bilan pomidorni solib to pomidor ezilib seli chiqkuncha jazlanadi. Qishda pomidor o‘rniga tomat ishlatish mumkin. So‘ngra turp, chuchuk garmdori va karamni solib, kovlab chala pishguncha qovuriladi-da, biroz suv quyib sust olovda miltiratib, barcha masalliq to‘la yumshaguncha qaynatiladi. Agar suvi bug‘lanib ketsa, har bir masalliq to‘la yumshaguncha qaynatiladi. Agar suvi bo‘g‘lanib ketsa, bir oz issiq suv qo‘shiladi. Tuzini rostlab qalampir sepiladi. Qayla juda ham suyuq yoki o‘ta quyuq bo‘lmay, o‘rtacha bo‘lishiga e’tibor berish lozim. Dasturxonga tortishda tayyor ugrani qaynoq suvga pishib, ilitib olgach, laganga bir qavat qilib solinadi, ikkinchi qavatiga qayladan solinadi, ustidan uchinchi qavat yana ugra solib tepasi — to‘rtinchi qavatiga yana qayla solinadi, chopilgan oshko‘klardan sepib keltiriladi.

• Desert

• Yupqa

  

  Yupqa — xamir, goʻsht va piyozdan tayyorlanadigan taom. Goʻshtni goʻsht qiymalagichdan oʻtkazib, mayda toʻgʻralgan piyoz, murch bilan aralashtiriladi va qovurib olib qoʻyiladi. Xamirdan 30 g li zuvalachalar yasalib, yupqa qilib yoyiladi. Qizigan qozonga yarim qoshiq yogʻ surtib, yoyilgan xamirlardan biri ikkala tomonidan yaxshilab singitib pishiriladi. Soʻngra qozonga ikkinchi Yu.ni solib pishiriladi va qozonda qoldirilib, betiga tayyor qiymadan bir tekis solinib, ustiga birinchi pishirilgani yopiladi. Buning betiga ham qiymadan solib yana navbatdagi yoyilgan xamir yopiladi va pishirish uchun agʻdariladi. Qavatlar so

Koʻrgazmaning asosiy boʻlimlari:

• qishloq xoʻjaligi texnikasi;
• issiqxonalar, issiqxona majmualarini loyihalash va qurish;
• issiqxonalar uchun uskunalar va butlovchi qismlar;
• oʻsimlikchilik, bogʻdorchilik;
• urugʻlar, koʻchatlar;
• oʻsimliklarni himoya qilish vositalari, agrokimyoviy vositalar;
• kimyoviy va biologik oʻsimliklarni himoya qilish vositalari;
• mineral va organik oʻgʻitlar;
• sugʻorish tizimlari, tomchilatib sugʻorish;
• chorvachilik;
• baliqchilik;
• parrandachilik, tuxumni ko‘paytirish va sotish;
• sanoat parrandachilik uchun uskunalar;
• veterinariya preparatlari;
• ozuqa qoʻshimchalari, ozuqani saqlash;
• chorvachilik binolari uchun uskunalar;
• moyli ekinlar, don, don va sholini qayta ishlash va qayta ishlash uskunalari;
• meva-sabzavot, don va ildiz ekinlarini mavsumdan tashqari saqlash uchun uskunalar;
• liftlar va tegirmonlarni jihozlash, avtomatlashtirish tizimlari;
• qishloq xoʻjaligi mahsulotlarini saqlash, qayta ishlash va tashish.

Elektron pochta manzili: info@expouz.uz, info@ieg.uz.

Sayt: www.ieg.uz

Murojaat uchun telefonlar: (+998) 71−238−5959, (+998) 93−390−0179.

Jahon Sayohat va Turizm Kengashi (WTTC) tomonidan e'lon qilingan yangi hisobotda aqlli chegara boshqaruvi global iqtisodiyotni kuchaytirishi, 2035-yilga kelib G20, Yevropa Ittifoqi va Afrika Ittifoqi davlatlarida 401 milliard dollarlik yalpi ichki mahsulot qo'shishi va 14 million yangi ish o'rinlarini yaratishi mumkinligi ko'rsatilgan.

WTTC tomonidan SITA bilan hamkorlikda yaratilgan "Yaxshi chegaralar" hisobotida raqamli texnologiyalarni qo'llash va aqlli viza siyosatini qabul qilish orqali hukumatlar o'z chegaralarini kuchli milliy aktivlarga aylantirishi, turizmni rivojlantirishi, xavfsizlikni oshirishi va iqtisodiy raqobatbardoshlikni mustahkamlashi mumkinligi ko'rsatilgan.

Aqlli chegaralar, kuchliroq iqtisodiyotlar

Sayohat va turizm 2035-yilga kelib global yalpi ichki mahsulotning 16,5 milliard dollarga yetishi va dunyo ishchi kuchining 12,5 foizini tashkil qilishi kutilayotgani prognoz qilinayotgan bir paytda, WTTC va SITA chegaralarni modernizatsiya qilish endi strategik zarurat ekanligini ta'kidlaydilar.

Hisobotda sayohatni yanada uzluksiz va xavfsiz qilish uchun mo'ljallangan oltita asosiy tamoyil va 18 ta tavsiya etilgan harakatlar bayon etilgan. Uning asosiy tavsiyalari qatorida vizalar va sayohat ruxsatnomalarini to'liq raqamlashtirish, shuningdek, chegara jarayonlarini tezlashtirish va kuchaytirish uchun raqamli identifikatsiya va biometrik texnologiyalarni joriy etish talab etiladi.

Shuningdek, u hukumatlarni turizm, xavfsizlik va moliya vazirliklari o'rtasidagi hamkorlikni kuchaytirishga, chegaralardagi tirbandlikni kamaytirish uchun sayohatchilarni kelishdan oldin oldindan ro'yxatdan o'tkazishga va aloqa, ishonch va umumiy sayohat tajribasini yaxshilash uchun sayohatchilar bilan to'g'ridan-to'g'ri raqamli munosabatlarni o'rnatishga chaqiradi.

WTTC vaqtinchalik bosh direktori Gloriya Gevara shunday dedi: "Texnologiya endi bizga ilgari imkonsiz deb hisoblangan narsaga erishishga imkon beradi: mustahkam chegaralar va ravonroq sayohat. Raqamli identifikatsiya, biometrika va ilg'or ma'lumotlar tizimlarini qo'llash orqali mamlakatlar sayohatlarni bir vaqtning o'zida tezroq va xavfsizroq qilishlari mumkin."

"Yechimlar allaqachon mavjud. Bugun choralar ko'rgan hukumatlar ertaga xavfsizroq chegaralar va sayohatchilar ishonchining ortishidan tortib, tashrif buyuruvchilar sonining ko'payishi va iqtisodiy o'sishga qadar aniq foyda ko'rishadi."

SITA chegara xizmati bo'yicha katta vitse-prezident Pedro Alves qo'shimcha qildi: “Bugungi kunda chegaralar dinamik, integratsiyalashgan va uzluksiz bo'lishi kerak. Bu global voqealarga real vaqt rejimida moslashish, agentliklarni sayohatchining umumiy nuqtai nazari atrofida bog'lash va odamlar kutgan uzluksiz tajribani taqdim etishni anglatadi.

“Ushbu o'zgarishning markazida ma'lumotlar yotadi. Xususan, har bir qarorni boshqaradigan shaxsni tasdiqlovchi ma'lumotlarga ishonish qobiliyati. Hukumatlar yuqori sifatli ma'lumotlarga tayana olganda, ular tezroq harakat qilishlari, oldinroq harakat qilishlari va resurslarni yaxshiroq yo'naltirishlari mumkin. Bu nafaqat milliy xavfsizlik uchun foydali. Bu turizm, savdo va sayohatchilar tajribasi uchun juda muhimdir. Endi hukumatlar o'z chegaralarini modernizatsiya qilish va uzluksiz sayohat keltirishi mumkin bo'lgan iqtisodiy va ijtimoiy qiymatni ochish imkoniyatiga ega”.

Global muvaffaqiyat namunalari

AQSh, BAA va Avstraliya kabi davlatlar allaqachon raqamli transformatsiyaning samarasini ko'rmoqdalar, bu zamonaviy chegara boshqaruvi samaradorlikni ham, iqtisodiy o'sishni ham qanday oshirishi mumkinligini namoyish etadi.

AQShda Bojxona va chegara himoyasi (CBP) biometrik yuz taqqoslash texnologiyasidan foydalanib, Qo'shma Shtatlarga kiruvchi sayohatchilarni 238 aeroportda, jumladan, barcha 14 CBP oldindan rasmiylashtirish punktlarida va xalqaro jo'nashlar uchun 57 punktda qayta ishlaydi.

BAA vizalarni qayta ishlash vaqtini sezilarli darajada qisqartirish uchun sun'iy intellekt kuchidan foydalanmoqda, ba'zi kutishlar bir necha soatgacha qisqartirildi. Sun'iy intellekt, shuningdek, sayohatchilarga viza arizalarini aniq to'ldirishda yordam berish uchun ham qo'llanilmoqda, bu esa kechikishlarning sezilarli vaqtini yo'q qiladi.

Shu bilan birga, Avstraliya aeroportlari kelish va jo'nashlarni qayta ishlash uchun yuzni aniqlash texnologiyasidan foydalanadigan SmartGates texnologiyalaridan foydalanmoqda. 2025-yil iyun oyiga kelib, barcha kelganlarning 79% SmartGate texnologiyasidan foydalanish huquqiga ega bo'ldi va bu sayohatchilarning taxminan to'rtdan uch qismi undan foydalanishni tanladi. Natijada, u chegaralarni rasmiylashtirish vaqtini sezilarli darajada qisqartirdi.

Sayohatning kelajagi chegaradan boshlanadi

Hisobotda ta'kidlanishicha, Sayohatchilarning 75% qo'lda bajariladigan jarayonlarga qaraganda biometrik ma'lumotlarni afzal ko'rishadi va 85% tezroq va ravonroq tajribani anglatsa, ma'lumotlarni oldindan almashishga tayyor.

WTTC va SITA hukumatlarni xavfsizlikni uzluksiz sayohat bilan muvozanatlashtiradigan, asosiy iqtisodiy, ijtimoiy va obro'ga ega bo'lishga yordam beradigan "Yaxshi chegaralar"ni yaratish uchun hozirdanoq harakat qilishga chaqirmoqda.

Qo'shimcha ma'lumot olish uchun "Yaxshi chegara" hisobotini bu yerdan ko'rib chiqing.

Turizmni rivojlantirish – kelajak poydevori Davlatimiz rahbarining tashabbuslari bilan Xiva shahrida yangi ulkan “Arda Khiva” turizm kompleksi barpo etildi. Mazkur maskan tarixiy va zamonaviy elementlarni uygʻunlashtirgan yirik turizm markazi boʻlib, shaharda turizmni yangi bosqichga koʻtarishga yoʻnaltirilgan. Shuningdek, “Arda Khiva” loyihasi hududning iqtisodiy oʻsishiga hissa qoʻshib, xalqaro miqyosda turizm sohasidagi hamkorlikni mustahkamlashga xizmat qilishi kutilmoqda. Bu loyihalar nafaqat xorijiy sayyohlarni jalb qilish, balki mahalliy aholining turizmga boʻlgan qiziqishini oshirish, hududlar oʻrtasidagi aloqalarni mustahkamlash va yangi ish oʻrinlarini yaratishga qaratilgan. Davlat rahbarining turizm sohasini rivojlantirishga oid rejalari respublika kelajagi uchun mustahkam poydevor yaratadi.

Farg‘ona viloyati hokimi o‘rinbosari Xurshidjon Axmedov boshchiligidagi Farg‘onalik turizm sohasi vakillari Toshkentda bo'lib o‘tayotgan xalqaro turizm yarmarkasida xorijiy turizm kompaniyalari bilan bir qator muvofiqlashtirilgan shartnomalar imzoladilar. Bu hamkorliklar viloyatimizning turizm salohiyatini jahon miqyosida keng tanitishga xizmat qiladi. 🌍

Shuningdek, Xurshidjon Axmedov va viloyatimiz vakillari yarmarkada tashrif buyurgan xorijiy delegatsiya a'zolarini Farg‘ona viloyati stendida kutib olib, mehmonlarga viloyatimizning turizm salohiyati, tabiiy va madaniy boyliklari, shuningdek, yangi turistik yo‘nalishlari bilan yaqindan tanishtirishdi.

Tashrif davomida, tomonlar o‘zaro fikr almashib, yangi hamkorlik aloqalarini yo‘lga qo‘yish va viloyatimizga xorijiy turistlarni jalb qilish bo‘yicha kelishib olishdi. Ushbu yarmarka doirasida erishilgan kelishuvlar va imzolangan shartnomalar Farg‘ona turizmining yanada rivojlanishiga katta hissa qo‘shadi.

Yarmarka davomida o‘tgan samarali muzokaralar va yangi hamkorliklar viloyatimizning global turizm bozorida o‘rnini mustahkamlash va sayohatchilarni jalb qilish uchun katta imkoniyatlarni ochdi.

🏢 Milliy statistika qo‘mitasi ma’lumotlariga ko‘ra, 2025 yilning yanvar-noyabr oylarida qariyb 7 mln nafar O‘zbekiston fuqarolari turistik maqsadlarda chet elga safar qilgan.

📊 Bu ko‘rsatkich o‘tgan yilning mos davri bilan solishtirilganda deyarli 1,3 mln nafarga yoki 23 % ga oshgan.

🌍 Joriy yilning 11 oyida O‘zbekiston fuqarolari eng ko‘p safar qilgan TOP-10 davlat:

Qirg‘iz Respublikasi — 3,1 mln nafar;

Qozog‘iston — 1,3 mln  nafar;

Tojikiston — 1,2 mln nafar;

Rossiya — 399 ming nafar;

Saudiya Arabistoni — 296,4 ming nafar;

Turkiya — 251,1 ming nafar;

BAA — 126,3 ming nafar;

Misr — 61 ming nafar;

Xitoy — 46 ming nafar;

Vetnam — 35,6 ming nafar.

O‘zbekiston Respublikasi "Hunarmand" uyushmasi va Namangan viloyati hokimligi tashabbusi bilan Namangan shahrida "Yog‘och o‘ymakorligi san’ati" hunarmandchilik festivali o‘tkazildi.

Tadbirda so‘zga chiqqan "Hunarmand" uyushmasi raisi Rasuljon Mirzaahmedov ushbu "Yog‘och o‘ymakorligi san’ati" festivali vodiyda ilk bor o‘tkazilayotganligini ta’kidladi.

Festival doirasida Namangan, Andijon va Farg‘ona viloyatlaridan kelgan 50 nafardan ortiq hunarmandlar o‘z shogirdlari bilan murakkab naqshlar va ramzlar bilan bezatilgan eshiklar, ustunlar, mebellar va interer buyumlarini namoyish etishdi. Bu asarlar nafaqat estetik go‘zallik, balki chuqur ma’naviy va madaniy an’analarni ifoda etuvchi ornamentlar orqali yaratilgan.

Festival mahalliy aholi va mehmonlarga hunarmandchilik san’atining boy an’analari bilan tanishish imkonini taqdim etdi.

⭕️Qonunchilikka koʻra, turoperatorlik va mehmonxona xizmatlarini koʻrsatuvchi tadbirkorlarga 2028-yil 1-yanvargacha har oyning 25 sanasigacha toʻlangan QQSning 20 foizini  respublika byudjetidan qaytarish tizimi joriy etiladi.

⭕️Qonunchilikka koʻra, 2026-yil 1-noyabrgacha muvofiqlik sertifikati berilgan yangi tashkil etilgan hamda kamida 10 ta moduldan iborat boʻlgan modulli mehmonxona uchun uning toifasidan qatʼi nazar ajratiladi. Subsidiya modulli mehmonxonada yaratilgan har bir joy uchun 1 mln soʻmdan belgilanadi.
____

⭕️Согласно законодательству, для субъектов предпринимательства, оказывающих туроператорские и гостиничные услуги, сроком до 1 января 2028 года будет внедрена система возврата 20 процентов уплаченного НДС до 25-го числа ежемесячно из республиканского бюджета.

⭕️Согласно законодательству, до 1 ноября 2026 года будет выделяться субсидия для вновь созданной модульной гостиницы, состоящей не менее чем из 10 модулей, получившей сертификат соответствия, независимо от ее категории. Субсидия устанавливается в размере 1 млн сумов за каждое место, созданное в модульной гостинице.

Namangan viloyatining Pop tumanida joylashgan Chodak qishlog‘iga “Turizm qishlog‘i” maqomi berildi.

Namangan viloyatining Pop tumanidagi Chodak qishlog‘iga “Turizm qishlog‘i” maqomi berilishi, uning turistik salohiyatini oshirish va mahalliy aholini ish bilan ta’minlashga xizmat qiladi. Hozirgi kunda Chodakda 300 oilaviy mehmon uyi, 4 ta dam olish maskani, 3 ta bolalar oromgohi, 2 ta xostel, 1 ta kemping, 30 ta gastronomik ob’ekt, to‘rtta 300 metr uzunlikdagi osma ko‘prik va 50 metr uzunlikdagi shishali osma ko‘prik mavjud. Shuningdek, sun’iy sharshara va 400 metr uzunlikdagi osma dor yo‘li kabi ekstrimal va ekoturizm ob’ektlari faoliyat yuritmoqda. Buning natijasida 1500 dan ortiq mahalliy aholi ish bilan ta’minlangan.

Tadbirda Turizm qo‘mitasi raisining o‘rinbosari Sardor Niyazov, viloyat hokimining o‘rinbosari Botir Nuritdinov va boshqa jamoatchilik vakillari ishtirok etdi. Tadbir davomida yangi zamonaviy mehmon uyining foydalanishga topshirilishi hamda Prezidentning 2021 yil fevral oyida Namangan viloyatiga tashrifi chog‘ida belgilangan topshiriqlar asosida 257 ta loyiha amalga oshirilayotgani ta’kidlandi.  Shu bilan birga Prezidentimizning 2021 yil fevral oyida Namangan viloyatiga tashrifi chog‘ida belgilagan topshiriqlari asosida O‘zbekiston Respublikasi Vazirlar Mahkamasining 2021 yil 28 apreldagi Chodak qishlog‘ini kompleks ijtimoiy-iqtisodiy rivojlantirish chora-tadbirlariga qaratilgan qaroriga asosan mazkur go‘shada 257 ta loyiha amalga oshirilmoqda.

O‘zbekiston Respublikasi Prezidentining 2022 yil 30 apreldagi PQ–232-son qaroriga muvofiq o‘tkazilayotgan “Yoshlar turizmi haftaligi” doirasida respublikada yoshlar uchun mazmunli sayohatlar tashkil etilmoqda.

Joriy yilning 1–10 yanvar kunlari davomida o‘tayotgan mazkur haftalikda 7 yoshdan 30 yoshgacha bo‘lgan o‘quvchilar, talabalar va yoshlar viloyatning diqqatga sazovor maskanlari, tarixiy obidalari hamda muzeylariga tashrif buyurishmoqda. Sayohatlar yosh avlodning bo‘sh vaqtlarini mazmunli tashkil etish, ularning bilim va dunyoqarashini kengaytirishga xizmat qilmoqda.

Tadbirning asosiy maqsadi — yoshlarning qishki ta’til davrini samarali o‘tkazish, ularni vatanparvarlik ruhida tarbiyalash, shuningdek, milliy tarix va madaniy merosimizga bo‘lgan hurmat tuyg‘usini yanada mustahkamlashdan iborat.

Qayd etilishicha, “Yoshlar turizmi haftaligi” doirasida tashkil etilayotgan bunday sayohatlar yoshlar orasida ichki turizmni ommalashtirish, tarixiy xotira va milliy qadriyatlarga qiziqishni oshirishda muhim ahamiyat kasb etmoqda.

2024-yil 18-noyabr kuni Toshkent markaziy vokzalida "Olmaota–Turkiston–Toshkent–Olmaota" yo'nalishida qatnovchi “Jibek jo‘li” birinchi turistik poyezdining tantanali kutib olish marosimi bo‘lib o‘tdi. Tadbir O‘zbekiston Turizm qo‘mitasi, “O‘zbekiston temir yo‘llari” AJ va “Qozog‘iston temir yo‘li” AJ hamkorligida tashkil etildi.

Sayohatning tafsilotlari

Sayohat 16-20-noyabr kunlari davom etadi va 115 nafar yo‘lovchiga mo‘ljallangan. Poyezd yo‘lovchilarni besh kun davomida Turkiston va Toshkentga olib boradi. Sayyohlar Turkistonda bir kun, Toshkentda esa ikki kun qolib, ushbu shaharlarning asosiy diqqatga sazovor joylariga tashrif buyuradilar. Ekskursiyalarni professional gidlar boshqaradi, bu esa sayohatni yanada qiziqarli va ma'lumotli qiladi.

Yangi poyezd va xizmatlar

Poyezd Qozog‘istonda ishlab chiqarilgan va avval boshqa yo‘nalishlarda ishlatilmagan beshta yangi vagondan iborat. Sayohat davomida yo‘lovchilarga xizmat ko‘rsatish uchun poyezd boshqaruvchisi, sakkiz konduktor va elektromontyorlar jalb qilingan. Sayyohlar chiptalarni turistik agentliklar orqali sotib olishlari mumkin.

Turizm sohasidagi davlatlararo hamkorlik

Ushbu tadbir nafaqat sayohatni qulay va esda qolarli qilish, balki Markaziy Osiyo mamlakatlari o‘rtasidagi turizm hamkorligini mustahkamlashga ham xizmat qiladi. Yangi yo‘nalishlar bo‘yicha noyob ekskursiyalarni rivojlantirish, O‘zbekistonning madaniy va tabiiy diqqatga sazovor joylariga bo‘lgan e’tiborni oshiradi. Bu esa O‘zbekistonni turistik yo‘nalish sifatida jozibadorligini yanada oshirishga yordam beradi.

"Olmaota–Turkiston–Toshkent–Olmaota" yo‘nalishi bo‘yicha qatnovchi turistik poyezd, o‘zining yangi va qulay vagonlari bilan, nafaqat sayohatni qulay va yoqimli qilish, balki Markaziy Osiyo mamlakatlari o‘rtasidagi madaniy va turistik aloqalarni mustahkamlashda ham muhim ahamiyat kasb etadi.