O‘zbekiston Respublikasi Prezidentining 2022-yil 30-apreldagi PQ-232-sonli "Ichki turizm xizmatlarini diversifikatsiya qilish bo‘yicha qo‘shimcha chora-tadbirlar to‘g‘risida"gi qaroriga asosan, turizm sohasidagi loyihalarni amalga oshirish uchun quyidagi mezonlar belgilangan:

• Mehmon uylarini ta'mirlash uchun 100 million so‘mgacha;
• Mebellar, maishiy texnika va boshqa buyumlar bilan jihozlash uchun 50 million so‘mgacha;
• Basseynlar qurilishi uchun 200 million so‘mgacha.

Yuqori turistik salohiyatga ega hududlarda kreditlar ajratish tavsiya etiladigan xizmat turlari:

• Mehmonxonalar, mehmon uylar, xostellar;
• Mahalliy ishlab chiqarilgan hunarmandchilik mahsulotlari do‘konlari;
• Ovqatlanish joylari, kafelar va restoranlar;
• Bowling, dam olish va ko`ngil ochar markazlar;
• Turistik ko`ngil ochar ob'ektlar;
• Aviakassalar, turistik agentliklar xizmatlari;
• Turizm bilan bog‘liq boshqa xizmatlar.

Qo‘shimcha ma'lumotni quyidagi telefon raqamlari orqali olish mumkin: (78) 147-15-22, (78) 150-96-96, (78) 150-70-72.

Sevinch Ismoilova konserti sharqona musiqa ixlosmandlari uchun chinakam zavq-shavq bo'lishini va'da qilgan musiqiy tadbirdir.

O‘zining ifodali vokal qobiliyati va o‘ziga xos ijro uslubi bilan tanilgan Sevinch Ismoilova ham an’anaviy o‘zbek ohanglariga, ham zamonaviy kompozitsiyalarga boy dasturni tomoshabinlarga taqdim etadi.

Kecha hissiyotli qo'shiqlar, jozibali aranjirovkalar va rassomning yorqin sahna xarizmasi bilan to'ldiriladi.

Sevinch Ismoilova kontserti Sharq madaniyati muhitiga sho'ng'ish, ajoyib chiqishdan bahramand bo'lish va ijobiy his-tuyg'ularga ega bo'lish imkoniyatidir.

Telefon (+998 71) 245 02 67

Yangilangan kelishuvga ko‘ra, mamlakatlar o‘rtasidagi haftalik reyslar soni 14 tadan 28 taga ko‘payadi. Ushbu qaror aviatsiya kelishuviga kiritilgan o‘zgartirishlar yakuniy ma’qullangandan so‘ng kuchga kiradi, deya xabar beradi Economic Times.

Bundan tashqari, Hindiston aviatsiya ma'muriyati Vyetnam bilan ham xuddi shunday shartnoma tuzib, parvozlar sonini haftasiga 28 tadan 42 tagacha oshirdi.

Mazkur qaror O‘zbekiston va Hindiston shaharlari o‘rtasida muntazam aviaqatnovlar amalga oshirish imkoniyatlarini sezilarli darajada kengaytirishi kutilmoqda. Hozirda ushbu yoʻnalishlarga “Oʻzbekiston havo yoʻllari” milliy aviakompaniyalari va IndiGo aviakompaniyalari xizmat koʻrsatmoqda.

Bunday o‘zgarishlar Hindiston hukumatining havo transporti bo‘yicha yanada moslashuvchan siyosati tufayli mumkin bo‘lmoqda. Ilgari Hindiston hukumati mahalliy tashuvchilarni himoya qilishga intilib, boshqa davlatlar bilan kelishuvlarni liberallashtirishdan qochgan. Biroq, hozir, xalqaro transport aloqalarini kengaytirish doirasida Hindiston hukumati asta-sekin yangi yo'nalishlarni ochmoqda.

Bundan tashqari, oktyabr oyida O‘zbekiston Transport vazirligi boshqa davlatlar bilan havo qatnovi bo‘yicha yangi shartnomalar tuzdi. Tanzaniya bilan haftasiga 21 tagacha reysni, Gonkong bilan esa toʻgʻridan-toʻgʻri reyslarni yoʻlga qoʻyishga kelishib oldik.

Ushbu qadamlar mamlakatlar o'rtasidagi aviatsiya aloqalarini mustahkamlashga, sayohatchilar va biznes imkoniyatlarini kengaytirishga yordam beradi.

 Milliy statistika qo‘mitasi ma’lumotlariga ko‘ra, 2025 yilning yanvar-sentabr oylarida jami 28,6 ming nafar AQSh fuqarolari turistik maqsadlarda O‘zbekistonga tashrif buyurgan.

 Bu ko‘rsatkich o‘tgan yilning mos davriga nisbatan 5,2 ming nafarga yoki 22,4 foizga oshgan.

📊 Ularning safar maqsadlari bo‘yicha taqsimoti quyidagicha:

sayohat – 23,6 ming nafar;

xizmat yuzasidan – 2,4 ming nafar;

qarindoshlarni yo‘qlash – 2,1 ming nafar;

o‘qish – 395 nafar;

tijorat – 111 nafar;

davolanish – 11 nafar.

Dastlabki 100 ta yangi zamonaviy suzish havzalarini (basseyn) 2026-yil 1-fevraldan boshlab 2028-yil 1-yanvarga qadar tashkil etish xarajatlarining 50 foizigacha, lekin 100 million soʻmdan oshmagan qismi qoplab beriladi.

Bunda suzish havzalari joylashtirish vositalari, yirik savdo majmualari yoki umumiy ovqatlanish shoxobchalari hududida tadbirkorlik subyektlari tomonidan tashkil etilgan bo‘lishi talab etiladi.

Suzish havzalariga quyidagi talablar qo‘yiladi:

- maydoni 50 — 100 kvadrat metr chuqurligi 1,3 metrdan boshlanadigan, suvni filtrlash, isitish va dezinfeksiya qilish tizimlari bilan jihozlangan, yopiq (ichki) yoki ochiq (tashqi) sunʼiy suzish havzasi bo‘lishi;

- binoning tashqi va ichki fasad qismlarini, shuningdek, hududini dekorativ jihozlashga qaratilgan suv havzalari va favvoralar bo‘lmasligi talab etiladi.

Talabgorlar tomonidan Turizm qo‘mitasiga suzish havzasini qurish va tashkil qilish xarajatlarini bir qismini qoplash uchun arizaga quyidagi hujjatlar:

- suzish havzasining loyiha hujjatlari nusxasi;

- suzish havzasini qurish va ishga tushirish uchun tuzilgan pudrat shartnomasi nusxasi;

- shartnomaga asosan toʻlov amalga oshirilganini tasdiqlovchi elektron hujjat (hisobvaraq-faktura, kassa yoki terminal apparati cheklari, bank toʻlov hujjatlari va boshqalar) nusxalari ilova qilinadi va arizalar 10 ish kuni ichida ko‘rib chiqiladi.

Talabgor xarajatlarni qoplash uchun ariza taqdim etish vaqtida quyidagi:

- Oʻzbekiston Respublikasining Soliq kodeksida nazarda tutilgan soliq va yigʻimlar boʻyicha qarzdorligi boʻlmasligi;

- qayta tashkil etish yoki tugatish jarayonida boʻlmasligi;

- faoliyati qonunchilik hujjatlarida belgilangan tartibda vaqtincha toʻxtatilgan boʻlmasligi;

- sud qarori asosida toʻlovga qobiliyatsiz deb eʼlon qilingan boʻlmasligi kabi talablarga javob berishi lozim.

Elektron musiqaning asoschilaridan biri, jahon sahnasining afsonaviy ijrochisi va YUNESKO‘ning Ezgu niyat elchisi Jan-Mishel Jar Samarqandda ilk bor jonli ijroda konsert berdi.
Mazkur konsert Registon maydonida YUNESKO Bosh konferensiyasining 43-sessiyasi madaniy dasturi doirasida o‘tkazildi. Anjuman 40 yil mobaynida birinchi marta Parijdan tashqarida o‘tkazilayotgani Samarqandning global muloqot va ijod markazi sifatidagi maqomini tasdiqlaydi.

Uch madrasa devorlari zamonaviy san’at va qadimiy meros tutashgan jonli tasvirga aylandi — bu  asrlar va madaniyatlar o‘rtasidagi betakror hamjihatlikni aks ettirdi. Bu yorqin kecha yana bir bor O‘zbekistonning an’ana va innovatsiyalar o‘rtasida ko‘prik bo‘lib, tarix va san’atning yagona ohangda jaranglashiga imkon beruvchi maskan ekanini namoyon etdi.

2025 - yilning 31- yanvar  2- fevral kunlari Pokistonning Karachi  shahrida  “Pakistan travel mart”  turizm ko‘rgazmasi bo‘lib o‘tadi.  Shuningdek 2025-yil 4- 5 - fevral kunlari Pokistonning Laxor shahrida “Madaniyatni bog‘lash va sayohat orqali mahalliy hamjamiyatlarni qo‘llab-quvvatlash” mavzusida “road shou” o‘tkazilishi rejalashtirilgan.  Nufuzli xalqaro turizm ko‘rgazmasida ishtirok etishga shoshiling! 

2025-yilning 31-yanvaridan 2-fevraliga qadar Pokistonning Karachi shahrida "Pakistan Travel Mart" turizm ko‘rgazmasi bo‘lib o‘tadi. Ushbu ko‘rgazma turizm sohasidagi eng nufuzli tadbirlardan biri bo‘lib, unda turli mamlakatlardan sayyohlik kompaniyalari, agentliklar, mehmonxona tarmoqlari va boshqa turizm sohasidagi vakillar ishtirok etadi.

Shuningdek, 2025-yilning 4-5-fevral kunlari Pokistonning Laxor shahrida "Madaniyatni bog‘lash va sayohat orqali mahalliy hamjamiyatlarni qo‘llab-quvvatlash" mavzusida "road show" tashkil etilishi rejalashtirilgan. Bu tadbirda turizm, madaniyat va mahalliy hamjamiyatlarni rivojlantirish masalalari muhokama qilinadi.

Agar siz turizm sohasida faoliyat yuritsangiz yoki ushbu sohada yangi imkoniyatlar qidirsangiz, ushbu tadbirda ishtirok etish imkoniyatini qo‘ldan boy bermang!

Batafsil: https://pakistantravelmart.co

  Joriy yilning 30-iyul kuni Qashqadaryo viloyati Shahrisabz tarixiy maydonida “O‘zbekiston bo‘ylab sayohat qil!” ichki turizm yarmarkasi tashkil etiladi. Ushbu yarmarkada viloyatimiz hamda Samarqand, Buxoro, Navoiy va Surxondaryo viloyatlari turistik tashkilotlari ishtirok etadi. Shu munosabat bilan, Sizlarni ichki turizm yarmarkasida qatnashish, turistlarni jalb qilish yuzasidan kelishuvlarga erishish hamda yangi sayohatlar bo‘yicha turpaketlar bilan tanishish uchun taklif qilamiz!

11-12-oktabr kunlari "Tibbiyot va sogʻlomlashtirish turizmi boʻyicha seminar" boʻlib oʻtadi. 

Hurmatli turizm sohasi vakillari!
Joriy yilning 11-12-oktabr kunlari Samarqand shahrida Oʻzbekiston Respublikasi Tibbiy turizm assotsiatsiyasi hamkorligida "Tibbiyot va sogʻlomlashtirish turizmi boʻyicha 3-xalqaro seminari" boʻlib oʻtadi. Tibbiyot turizmi vakillari  va ushbu sohada oʻz faoliyatini boshlamoqchi boʻlgan turoperator,  turagentlik va boshqa turizm biznesi vakillarini ushbu seminarga taklif etamiz.
📍Manzil: GRAND PLAZA mehmonxonasi
Qoʻshimcha maʼlumotlar uchun quyidagi raqamlarga murojaat etishingiz mumkin:
Камолиддин Мамиров 
+99897 735-85-82

Jizzax viloyati turizm salohiyatini rivojlantirish, mahalliy va xorijiy turistlar sonini yanada oshirish hamda turizm sohasida faoliyat yuritayotgan tadbirkorlik subyektlari uchun qo‘shimcha sharoitlar yaratish maqsadida Sharof Rashidov tumanida yangi yirik turistik kompleks “Rancho Tour” foydalanishga topshirildi.
 

Joriy yilda mazkur maskanda keng ko‘lamli qurilish va obodonlashtirish ishlari olib borilib, aholi uchun qulay dam olish hududiga aylantirildi. Xususan, turistik maskanga olib boruvchi yo‘llar asfaltlandi, 131 gektar foydalanilmay turgan lalmi va tog‘ adirlik yerlari ko‘kalamzorlashtirildi, 50 gektar maydonda 30 dan ortiq turdagi manzarali va mevali bog‘lar barpo etildi.

1 gektar maydonda baliq ovlash uchun maxsus hudud, hayvonot bog‘i, zamonaviy 4 bosqichli ziplayn hamda uning yakuniy nuqtasiga o‘rnatilgan umumiy ovqatlanish va xizmat ko‘rsatish shoxobchalari tashkil etildi.

Yoshlar va ekstremal sport ishqibozlari uchun qoyatoshga chiqish yo‘laklari, Jizzax shahri manzarasini yuqoridan tomosha qilish imkonini beruvchi havo sharida sayr, shuningdek, 2,5 km masofada kvadrosiklda sayohat qilish xizmatlari yo‘lga qo‘yildi.

Ta’kidlash joizki so‘nggi yillarda Jizzax viloyatida turizm sohasi iqtisodiyotning asosiy drayverlaridan biriga aylanib bormoqda. Joriy yilda viloyatga 472 ming nafar xorijiy, 1,6 million mahalliy sayyoh tashrif buyurdi. Turizm xizmatlari eksporti 70 million dollarga yetdi.

Shu bilan birga, joriy yilda jami 49 ta, 1274 o‘rinli joylashtirish maskanlari foydalanishga topshirildi, 500 dan ortiq yangi ish o‘rinlari yaratildi. Bugungi kunda viloyatda mehmonxona, xostel, kemping va oilaviy mehmon uylari soni 312 taga, joylar soni esa 7657 taga yetdi.

Turizm sohasida yangi standart qabul qilindi

O‘zbekiston Standartlar institutining 2025-yil 23-oktabrdagi 127/XSt-son buyrug‘i bilan O‘zMSt ISO 21620:2025 “Turizm va unga bog‘liq xizmatlar. Madaniy meros mehmonxonalari. Jihozlash va xizmat ko‘rsatishga doir talablar” xalqaro standarti tasdiqlandi va davlat ro‘yxatiga olindi. 

https://tourquality.uz/upload/iblock/81f/bp7xaa9cokpsealflt3esqaqsgvasz3w.pdf
https://tourquality.uz/uz/press-center/news/prinyat-novyy-standart-v-sfere-turizma

Bugun 30-yubiley Toshkent xalqaro turizm yarmarkasi o‘z faoliyatini boshladi va Markaziy Osiyodagi eng yirik turizm anjumanida Jizzax viloyati o‘zining yorqin va o‘ziga xos stendi bilan munosib ishtirok etmoqda!

 Jizzax viloyati stendida hududning beqiyos turizm salohiyati keng targ‘ib etilmoqda. Delegatsiya tarkibida sohaning yetakchi mutaxassislari, faol tadbirkorlar, shuningdek, Jizzaxning boy tarixiy merosi va tabiiy go‘zalliklarini namoyish etuvchi tashkilotlar ishtirok etmoqda.

 Jizzax viloyati o‘zining betakror tabiiy landshaftlari, qadimiy tarixiy maskanlari va zamonaviy turizm loyihalari bilan yarmarka mehmonlarida katta qiziqish uyg‘otmoqda.

 Yarmarka davomida Jizzax stendi mehmonlarga noyob turistik takliflar, yangi marshrutlar, ekologik turizm yo‘nalishlari hamda keng investitsion imkoniyatlar bilan yaqindan tanishish imkonini yaratadi.

Fargʻonada yangi mehmonxona ochilish marosimi boʻlib oʻtdi.

 “Club 777” – Fargʻona vodiysining markazi Fargʻona shahri Yaxshilik koʻchasi, 7a uyda joylashgan  nafis xususiy mehmonxonadir. Mehmonxonada qulay xonalar, bar, sauna va konferensiya zallari boʻlgan yaxshi restoran mavjud. Yashil maysazorlar va chiroyli gullar bilan bezatilgan chiroyli yashil maydonga ega keng ichki hovli bor. Mehmonlar Fargʻona vodiysi boʻylab sayohatdan keyin kechayu kunduz dam olishlari mumkin boʻlgan yozgi restorani bilan yoritilgan ochiq basseyn mavjud. Mehmonlar mehmonxona yonida joylashgan tennis kortidan foydalanishlari mumkin.

Ochilish tadbirida Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vaziri Aziz Abduxakimov, Fargʻona  viloyati hokimining turizm masalalari boʻyicha oʻrinbosari Xurshidjon Axmedov, mehmonxonalar taʼsischisi  Ergashev Zafar Sobirovich va “Club 777”  mehmonxonasi bosh direktori SulaYmonov Baxtiyorjon Aʼzamovich hamda  ommaviy axborot vositalari ishtirok etdi.

“Soʻnggi yillarda Oʻzbekiston turizm bozoriga koʻplab jahonning mashhur mehmonxona tarmoqlari kirib kelmoqda. Jumladan, Fargʻona viloyatida Aziya Fergana, Ziyorat, Makon, Taj Maxal, Doʻstlik  va boshqalarni misol qilib keltirish mumkin. Bularning negizida, albatta, turizm sohasida Davlatimiz rahbari boshchiligida amalga oshirilayotgan keng koʻlamli islohotlar, ularning tashabbuslari bilan sohadagi tadbirkorlar uchun yaratilayotgan qulay shart-sharoitlar, biznes muhiti kundan-kunga yaxshilanib borayotgani yotadi, — dedi Ekologiya, atrof-muhitni muhofaza qilish va iqlim oʻzgarishlari vaziri Aziz Abduhakimov. — Yaqinda Prezidentimiz oʻz farmonlari bilan yangi mehmonxonalar uchun subsidiyalar va qator imtiyozlarni 2026-yilga qadar uzaytirib berdilar. Shuningdek, joriy yilning yanvar oyidan boshlab mehmonxonalar sonini koʻpaytirish va xizmat koʻrsatish sifatini oshirishni davlat tomonidan moliyaviy qoʻllab-quvvatlash maqsadida yangi mehmonxona qurish va jihozlash uchun investorlar xarajatlarining bir qismini qoplash tizimi joriy etildi. Qolaversa, dunyodagi mashhur va nufuzli mehmonxona brendlaridan foydalanuvchi Oʻzbekiston Respublikasi rezident tashkilotlari uchun royalti xarajatlari ham qisman moliyalashtiriladi”.

“Club 777”da 38 ta xona mavjud boʻlib, 80 sayyohni qabul qiladi. Bir nechta restoran va barlar mavjud boʻlib, ularda mehmonlar ajoyib taomlar va turli xil ichimliklardan bahramand boʻlishlari mumkin. Mehmonxonaning ziyofat xonalari turli tadbirlar, jumladan, ziyofatlar, konferensiyalar va uchrashuvlarni oʻtkazish uchun qulay. Bundan tashqari, “Club 777” oʻz mehmonlariga mehmonxona ichida Fitnes klub, turk hammomi sauna vitamin barlar va qishki baseyn mavjud. Hududda ochiq va yopiq suzish havzalari va dam olish va hordiq chiqarish uchun boshqa qulayliklarni taklif etadi. Valyuta ayirboshlash xizmatlari va 24 soatlik qabulxona ham mavjud.

 “Ushbu mehmonxonani qayta taʼmirlanib, yevropa standarti koʻrinishga olib kelishga  muvaffaq boʻldik va bu Fargʻona viloyatida mehmonxona xizmatini yanada yaxshilashga xizmat qiladi. Yana bir besh yulduzli mehmonxonaning ochilishi “Slub 777” sayyohlik majmuasini yangi bosqichga olib chiqadi”, — dedi Ergashev Zafar Sobirovich.

 Mehmonxonada 6 toifadagi — shinam standart xonalardan tortib 38 ta xonani bron qilish mumkin. Biznes tadbirlari uchun zal mavjud. Bundan tashqari, mehmonxona aeroport va shahar markaziga yaqin boʻlib, bir vaqtning oʻzida 80 kishini qabul qila oladi.

 Mehmonxonaning har bir xonasida shinam bezatilgan vodiyning goʻzal panoramasi taqdim etiladi. Balkondan shaharni va hududdagi yashil maydonni tomosha qilishingiz va bir finjon aromatik qahva bilan quyoshning birinchi nurlarini kutib olishingiz mumkin. Har bir xonada qahva mashinasi,  mikrotoʻlqinli pech va muzlatkichli oshxona bor. Mehmonxonada ham, dam olish maskanida ham bepul 5G Wi-Fi mavjud.

Farg'ona viloyat Turizm boshqarmasi matbuot xizmati

2026-yilning 22–24-aprel kunlari Olmaota shahridagi «Atakent» ko‘rgazmalar markazida mintaqaning eng yirik turizm tadbiri — KITF 2026 (Qozog‘iston xalqaro «Turizm va sayohat» ko‘rgazmasi) bo‘lib o‘tadi.

Ko‘rgazmaning asosiy urg‘ulari:

• Ishtirokchilar: 500 ga yaqin eksponentlar (turoperatorlar, aviakompaniyalar, mehmonxonalar tarmog‘i va milliy turizm idoralari).

• Asosiy mavzular: Mintaqaviy yo‘nalishlarni rivojlantirish, aviatsiya logistikasi, turizmda AI (sun’iy intellekt) yechimlarini qo‘llash va raqamlashtirish.

• Imkoniyat: Yangi xalqaro hamkorliklarni yo‘lga qo‘yish va Yeosiyo mintaqasidagi turizm trendlarini o‘rganish.

TripCentralAsia uchun nima uchun muhim? Ushbu ko‘rgazma doirasida siz o‘z agentligingiz uchun yangi hamkorlar topishingiz va O‘zbekiston turizm salohiyatini qo‘shni davlatlar mutaxassislariga tanishtirishingiz mumkin.

💡 Ro‘yxatdan o‘tish: Tashrif buyuruvchilar uchun ro‘yxatdan o‘tish allaqachon ochiq. KITF2026TP promokodi orqali bepul chiptalarni rasmiylashtirish imkoniyati mavjud.

Glempinglar va o‘tovlarni tasniflashga doir milliy standart qabul qilindi

Turizm qo‘mitasi qoshidagi “Turizm sohasida standartlashtirish” texnik qo‘mitasi tomonidan “Turizm xizmatlari. Glempinglar va o‘tovlar. Tasniflash tizimi” milliy standarti ishlab chiqildi va ilk bor amalga kiritilmoqda.

Milliy standart glempinglar va o‘tovlarni toifalar bo‘yicha tasniflash tizimini belgilab, u quyidagi talablar majmuiga asoslangan:

- konstruksiyalar va unga tutash hudud;

- texnik jihozlar va asbob-uskunalar;

- nomerlarning sanitar-gigiyenik jihozlanganligi;

- nomerlarning texnik jihozlanganligi;

- nomerlarni mebel va inventar bilan jihozlanganligi;

- umumiy foydalanish uchun sanitariya obyektlari;

- jamoat joylari;

- xizmatlar;

- ovqatlanish xizmatlari;

- xodimlar va ularning tayyorgarligiga doir talablar.

Toifalar uchta A, B, va C toifa bo‘yicha tasniflanadi. Eng yuqori toifa “A”, eng past “C” toifa hisoblanadi.

Mazkur milliy standart 2024-yilning 19-avgustdan joriy etiladi.

O‘zbekiston-Qirg‘iz Respublikalari chegarasida joylashgan “Uchqo‘rg‘on” va "Kengsay" chegara bojxona postlari ochildi

Xabaringiz bor, muhtaram Prezidentimiz Namanganga tashrifi chog‘ida faollar bilan uchrashuvda Qirg‘iz tomoni bilan kelishilgan holda “Uchqo‘rg‘on” bojxona postini ishga tushirishni jadallashtirish zarurligi qayd etgandi. Chegara posti yaqinida Xitoylik hamkorlar bilan “Uchqo‘rg‘on-Kensay” logistika markazini barpo etish rejalashtirilganini ta’kidlagandi.

Uzoq kutilgan voqea - endi "Uchqo‘rg‘on-avtoyo‘l” va Qirg‘iz Respublikasining “Kensay-avtoyo‘l” o‘tkazish punktlari  yana ikki Davlat fuqarolari xizmatini boshladi. Shu munosabat bilan bugun chegarada katta shodiyona - ochilish marosimi bo‘lib o‘tdi.

Tadbir ikki tomon vakillarining samimiy uchrashuvi bilan boshlandi. Shundan so‘ng o‘zbek va qirg‘iz san’atkorlarining ikki xalq tilidagi qo‘shiqlari voqelikdan mamnun aholining raqslariga ulandi.

 O‘zbekiston- Qirg‘iz Respublikalariga kirish-chiqishni 500 km. ga qisqartiruvchi chegara posti qurilishi ishlari nihoyasiga yetdi. Mazkur maskandan kuniga 500 tadan ortiq yukli hamda 300 dan ziyod yengil transport, 10000 nafarga yaqin aholi o‘tishi kutilmoqda.

Tantanali tadbirda Qirg‘iziston Respublikasi Vazirlar Mahkamasi raisi o‘rinbosari Boqit To‘raboev hamda O‘zbekiston Respublikasi Bosh vaziri o‘rinbosari Ochilboy Ramatov so‘zga chiqib, ushbu maskanning davlatlararo ahamiyati haqida to‘xtaldilar.

Mazkur bojxona chegara postining ochilishi nafaqat Namangan viloyati, balki Farg‘ona vodiysi uchun ikki tomonlama hamkorlikni mustahkamlashda katta qulayliklar yaratadi. Shuningdek, hudud  iqtisodiyotida muhim ahamiyatga ega bo‘ladi. Logistika, xizmat ko‘rsatish sohalari rivojlanadi.  Ramziy lenta qirqilgach,  o‘zaro  do‘stlik ramzi sifatida daraxt ko‘chatlari ekildi. Hayajonli lahzalar ikki tomondan dastlabki yuk mashinalarining o‘tishi bo‘ldi.

Shundan so‘ng Davlatlar rasmiylari va aholi vakillari o‘tkazish punktlarida yaratilgan sharoitlar bilan tanishdilar

2024-yil may oyida Rossiya Prezidenti Vladimir Putin boshchiligidagi delegatsiyaning O‘zbekistonga tashrifi doirasida o‘tkazilgan birinchi O‘zbekiston–Rossiya hududlararo forumida ikki davlat rahbarlari ishtirokida Qashqadaryo viloyatining G‘elon qishlog‘ida umumiy qiymati 300 million AQSh dollari bo‘lgan “All Season Resort Gelon” umummavsumiy kurort majmuasini barpo etish loyihasiga start berilgan edi.

✅ Loyiha davomi o’laroq, joriy yilda o’tkazilgan Rossiya va O‘zbekiston o‘rtasidagi hamkorlikni yanada kengaytirish maqsadida II Hududlararo kengash doirasida qurilish ishlarini boshlash va loyihaning birinchi bosqichini belgilangan muddatlarda yakunlash yuzasidan Rossiya hukumati vakillari tomonidan qator vazifalarni amalga oshirish yuzasidan kelishib olindi.
 

Turizm hozirda qayta ko'rib chiqilmoqda: sayohatchilarning afzalliklari o'zgarmoqda, mintaqalarning roli ortib bormoqda va ichki yo'nalishlarga qiziqish ortib bormoqda. Biz "Qozog'iston Turizmi" NC AJ direktorlar kengashining mustaqil direktori, Qozog'iston Turizm Assotsiatsiyasi raisi va Qozog'iston Mehmonxonalar va Restoranlar Assotsiatsiyasi prezidenti Rashida Shaykenova bilan soha qanday rivojlanayotgani, uning kelajagini qanday tendentsiyalar shakllantirayotgani va barqaror o'sish uchun nima zarurligi haqida suhbatlashdik. Uning sohadagi ko'p yillik tajribasi unga biznes, hukumat va professional jamoalar o'rtasidagi aloqalarni ko'rish va shu tariqa Qozog'istonda turizm qayerga ketayotganini tushunish imkonini beradi.

Rashida Rashidovna, biz bilan suhbatlashish uchun vaqt ajratganingiz uchun tashakkur. Siz turizmning rivojlanishini ichkaridan - mutaxassis, tahlilchi va soha ishtirokchisi sifatida ko'rasiz. So'nggi 2-3 yil ichida Qozog'istonda kirish turizmi dinamikasini qanday baholaganingizni aytib bera olasizmi?

Qozog'istonda kirish turizmi pandemiyadan keyin kuchli tiklanish va hatto o'sish tendentsiyasini namoyish etdi. 2023-yilda keskin o'sish kuzatildi — 2022-yilga nisbatan deyarli ikki baravar ko'paydi — bu mamlakatga xalqaro qiziqishning qayta tiklanganining yaqqol belgisidir. 2024-yilda sektor rekord darajaga yetdi, turli manbalarga ko'ra, xorijiy tashriflar soni o'n millionlab sayyohlardan oshdi. Ushbu ma'lumotlar Qozog'iston asta-sekin turli mamlakatlardan kelgan sayohatchilar uchun jozibador joyga aylanib borayotganini ko'rsatadi.

Shu bilan birga, sayyohlar oqimi mavsumiy va geografik jihatdan notekisligicha qolmoqda: eng yuqori faollik yoz-kuz davrida va Yangi yil bayramlarida kuzatiladi, tashrif buyuruvchilarning asosiy kontsentratsiyasi Olmaota va Ostona kabi yirik shaharlarda va tog'li turistik hududlarda bo'ladi.

Sizningcha, qaysi mamlakatlar eng katta sayyohlar oqimini yaratadi va ularni jalb qilishga qanday omillar yordam beradi?

Xorijiy sayyohlarning asosiy manbalari, qo'shni davlatlardan tashqari, Xitoy, Hindiston, Turkiya, Germaniya va Janubiy Koreya bo'lib qolmoqda. Qo'shni davlatlar orasida Rossiya va Markaziy Osiyo davlatlari eng muhim, ammo muhim sayyohlar manbalari bo'lib qolmoqda. 2025-yilda Xitoy va Hindiston Turkiya va Germaniya bilan birga sayyohlar soni bo'yicha yetakchi bo'lib qolmoqda.

Turistik jozibadorlik bir qator omillarning kombinatsiyasi bilan belgilanadi. Geografik qulaylik va rivojlangan havo aloqalari Qozog'istonni qulay sayohat maskaniga aylantirib, muhim rol o'ynaydi. Tabiiy, tarixiy va madaniy diqqatga sazovor joylar ham muhim rol o'ynaydi: Olmaota va Medeo va Chimbuloq kabi tog' turizmi klasterlari mashhur. Bundan tashqari, mamlakatning narx raqobatbardoshligi, sifatli marketingi va biznes turizmi imkoniyatlari sayyohlarning tashrif buyurish qarorlariga ta'sir qiladi.

Sizningcha, Qozog'iston allaqachon chet elda taniqli imidjga egami?

Qozog'istonning tan olinishi qisman o'sib bormoqda: sayyohlar Olmaotaga, dashtlarga, tog'larga, "Markaziy Osiyo"ning ekzotikligiga va Ostonadagi biznes va energetika tadbirlariga jalb qilinmoqda. Biroq, global miqyosda mamlakat hali yagona va kuchli yo'nalish brendini yaratmagan. Ilmiy tadqiqotlar va ekspert baholari shuni ko'rsatadiki, Olmaota tog' klasteri kabi bir qator mintaqaviy turizm klasterlari hali ham chet elda yetarlicha tanilmagan va maqsadli brending va tizimli targ'ibotni talab qiladi.

Sizning tarafingizdan, hukumatning kirish turizmini qo'llab-quvvatlashdagi siyosati va harakatlarini qanday baholaysiz?

Hukumat sohani qo'llab-quvvatlash bo'yicha faol chora-tadbirlarni amalga oshirmoqda: elektron viza va vizasiz sayohat imkoniyatlarini kengaytirish, statistika va infratuzilmani yaxshilash, turizm klasterlarini rivojlantirish dasturlarini amalga oshirish va chet elda reklama kampaniyalarini o'tkazish. Bu tashabbuslar turizm oqimlarining tiklanishini tezlashtirishga yordam berdi.

Biroq, muammolar hali ham mavjud: markaziy va mintaqaviy hokimiyatlar o'rtasida yanada muvofiqlashtirilgan ish, aniq maqsadli marketing strategiyasi va individual tashabbuslarni tezkor amalga oshirish zarur.

 

Sizningcha, qaysi davlat tomonidan qo'llab-quvvatlash choralari amalda haqiqatan ham samarali va qaysilari faqat qog'ozda qolmoqda?

Amalda eng samarali choralar kirishni to'g'ridan-to'g'ri soddalashtiradigan va sayyohlar uchun aniq sharoitlar yaratadigan choralar ekanligi isbotlangan. Masalan, elektron vizalar va boshqa vizalarni soddalashtirishning joriy etilishi ko'plab mamlakatlar uchun sayohatni osonlashtirdi va tashriflar sonining sezilarli darajada oshishiga olib keldi. Transport vositalariga kirish imkoniyatiga investitsiyalar va yirik tadbirlarni - MICE, sport va madaniy tadbirlarni o'tkazish ham darhol ta'sir ko'rsatadi, sayyohlarni jalb qiladi va iqtisodiyotni rag'batlantiradi.

Resurslar va amalga oshirish mexanizmlari bilan qo'llab-quvvatlanmaydigan rasmiy tashabbuslar samarasizligicha qolmoqda. Uzoq muddatli kampaniyalar uchun byudjetsiz noaniq brending rejalari bir qator mintaqalarda shunchaki deklaratsiya bo'lib qolmoqda. Tizimli amalga oshirish zarur. Bir nechta tadqiqotlar muvofiqlashtirilgan operatsion amalga oshirishning yo'qligi sababli bog'langan KPI va amalga oshirish mexanizmlarisiz klasterni rivojlantirish hujjatlarining past darajada tan olinishini ta'kidlaydi.

Sizningcha, sohadagi professional hamjamiyat qay darajada muvofiqlashtirilgan tarzda harakat qiladi?

Turizm sohasidagi professional hamjamiyat faol, turli uyushmalar, jumladan, Qozog'iston Turizm Assotsiatsiyasi (KTA) faoliyat yuritadi. Biroq, milliy darajada muvofiqlashtirish cheklanganligicha qolmoqda. Asosiy muammolar mintaqalar o'rtasidagi parchalanish, raqobatbardosh manfaatlar - xususiy kompaniyalar, mintaqalar va davlatning ustuvorliklari har doim ham mos kelavermaydi - va o'lchanadigan maqsadlarga ega umumiy sanoat strategiyasining yo'qligi bilan bog'liq.

Shu bilan birga, axborot turlari va qo'shma reklama kampaniyalari kabi hamkorlikning muvaffaqiyatli misollari mavjud. Biroq, sanoatning barqaror rivojlanishi uchun barcha manfaatdor tomonlar o'rtasida muntazam va institutsional muvofiqlashtirish zarur.

Bugungi kunda professional hamjamiyat ichidagi qaysi ichki muammolar sizni eng ko'p tashvishga solmoqda?

Asosiy tashvishlar: malakali kadrlar yetishmasligi. Mintaqalarda ta'tilni qulay va qiziqarli qiladigan tajribali gidlar, yo'nalish menejerlari va boshqa mutaxassislar kam. Mintaqalarda kamdan-kam va sifatsiz oziq-ovqat ta'minoti. Mintaqalardagi ekskursiyalar va ko'ngilochar tadbirlar ko'pincha tartibsiz bo'lib, ularning sifati har doim ham yuqori emas. Sayyohlar turli standartlarga duch kelishadi va hamma narsa yaxshi bo'lishiga amin bo'la olmaydilar. Kichik bizneslar raqamlashtirilmagan. Ko'pgina kichik kompaniyalar onlayn bronlashdan foydalanmaydi, ingliz tilidagi veb-saytlarni yuritmaydi va cheklangan onlayn mavjudlikka ega. Bu sayyohlar oqimini, ayniqsa xalqaro miqyosdagilarni cheklaydi.

Bundan tashqari, sifat standartlari va sug'urta masalalari bo'yicha noaniqlik saqlanib qolmoqda. Yagona xizmat ko'rsatish standartlarining yo'qligi va sug'urta qoplamasi mexanizmlarining noaniqligi sayyohlar va tadbirkorlar uchun qo'shimcha xavflarni keltirib chiqaradi. Bu mintaqaga xavfsiz va ishonchli sayyohlik maskani sifatida ishonchga ta'sir qiladi.

Kichik turoperatorlar ham moliyalashtirish va marketing resurslaridan foydalanishda qiyinchiliklarga duch kelmoqdalar. Ushbu kuzatuvlar sanoat tadqiqotlari va professional hamjamiyat so'rovlari natijalariga mos keladi.

Sizningcha, mamlakat sayyohlik yo'nalishlarini rivojlantirishga yetarlicha e'tibor qaratilmoqdami?

Yirik turizm klasterlariga - Olmaota, Astana MICE segmenti va tog'li hududlarga alohida e'tibor qaratilmoqda. Biroq, bu e'tibor notekis taqsimlangan: bir qator mintaqalarning rejalari bor, ammo amalga oshirish va marketing sust. Infratuzilma, kadrlar tayyorlash va barqaror turizmga e'tibor qaratadigan yanada muvozanatli yo'nalishlarni rivojlantirish siyosati zarur.

Rashida Rashidovna, bugungi kunda assotsiatsiya direktori sifatidagi ishingizda siz uchun eng muhimi nima?

Mening asosiy vazifalarim bozor ishtirokchilarini muvofiqlashtirish va davlat idoralari bilan konstruktiv muloqot o'rnatish bo'lib qolmoqda, shunda boshlangan hujjatlar aniq ish dasturlariga aylantiriladi. Shuningdek, assotsiatsiya a'zolarini qo'llab-quvvatlash muhimdir: treninglarni tashkil qilish, standartlashtirilgan turizm mahsulotlarini joriy etish va biznesga raqamli transformatsiya va xorijiy bozorlarga chiqishda yordam berish.

Biz sanoatning sa'y-harakatlarini yanada ko'rinarli va samaraliroq qilish uchun qo'shma B2B va B2C tashabbuslarini - infoturlar, ko'rgazmalarda ishtirok etish va qo'shma marketingni faol ravishda ilgari suramiz. Biznes manfaatlarini himoya qilish va mintaqaviy klasterlarga investitsiyalarni jalb qilish ham bir xil darajada muhim vazifa bo'lib qolmoqda, bu esa mamlakatda barqaror turizmni rivojlantirish uchun sharoit yaratadi.

Turizm assotsiatsiyalari va davlat dasturlari turizmni rivojlantirish, standartlarni yaratish va biznesni qo'llab-quvvatlash ustida faol ish olib bormoqda, ammo sanoatning to'liq salohiyati mintaqalar va odamlarga foyda keltirishi uchun hali uzoq yo'l bor.

Butunjahon turizm tashkiloti (BMT Turizm) tomonidan e’lon qilingan so‘nggi tahliliy ma’lumotlarga (World Tourism Barometer) ko‘ra, O‘zbekiston 2025-yilning yanvar-sentyabr oylarida xorijiy sayyohlarni jalb qilish bo‘yicha dunyo miqyosida eng yuqori o‘sish qayd etilgan TOP-7 davlatlar qatoriga kirdi. Xususan, mamlakatga tashrif buyurgan xalqaro turistlar oqimi 2019-yil darajasiga nisbatan 73 foizga oshib, O‘zbekistonning global turizm makonidagi mavqei izchil mustahkamlanib borayotganini ko‘rsatdi.

Mazkur natijalar Yevropa mintaqasi doirasida ham O‘zbekiston turizmiga berilayotgan ijobiy baholarning yaqqol ifodasi bo‘ldi. BMT Turizm reytingiga muvofiq, 2019-yilga nisbatan turistlar sonining o‘sish sur’atlari bo‘yicha O‘zbekiston Yevropa mintaqasining eng yaxshi natija qayd etgan davlatlari qatoridan 2-o‘rinni oldi. 2025-yilning dastlabki to‘qqiz oyida O‘zbekistonga kelgan xalqaro turistlar soni 2024-yilga nisbatan 13 foizga oshdi, natijada mamlakat Yevropa mintaqasida eng yuqori o‘sish qayd etgan TOP–4 turistik yo‘nalishlar qatoriga kiritildi.

BMT Turizm hisobotida qayd etilishicha, 2025-yil yanvar–sentyabr oylarida jahon bo‘yicha xalqaro sayohatlar hajmi o‘rtacha 5 foizga oshib, global turizm pandemiyadan keyingi barqaror tiklanish bosqichiga kirgan. Ushbu umumiy ijobiy tendensiyalar fonida O‘zbekistonning natijalari mamlakatda olib borilayotgan uzoq muddatli va izchil siyosatning amaliy samarasini namoyon etmoqda.

Global tendensiyalar fonida O‘zbekiston sayyohlik faolligining yanada ta’sirchan o‘sishini ko‘rsatmoqda. 2025-yilda mamlakat o‘z rekordlarini yangiladi: dastlabki 11 oyda 10,7 milliondan ortiq xorijiy sayyoh tashrif buyurdi, aprel oyidan boshlab esa tarixda birinchi marta har oyda milliondan ortiq sayyoh kelmoqda. Turistik xizmatlar eksportidan olingan daromadlar 4,4 milliard dollardan oshdi. Bu nafaqat tiklanishni, balki boshqa ko‘plab yo‘nalishlarga nisbatan ilg‘or o‘sishni ham ko‘rsatadi.

O‘zbekistonga sayyohlar oqimining ko‘payishi viza rejimini kengaytirish, transport qulayligini oshirish va faol xalqaro marketing siyosati bilan bog‘liq. Yangi mehmonxonalar, sayohat kompaniyalari va turizm mutaxassislari soni sezilarli darajada oshdi, bu esa mamlakat infratuzilmasini mustahkamlaydi va uni jahon sayohat bozorida yanada raqobatbardosh qiladi.

Samarqand, Buxoro va Xiva kabi an’anaviy tarixiy markazlardan tashqari, ekologik va gastronomik turizmga bo‘lgan qiziqish ham ortib bormoqda. Bu esa mamlakatning sayyohlik takliflarining xilma-xillashuvini ko‘rsatmoqda. Uzoq xorijdan kelayotgan sayyohlar sonining ko‘payishi O‘zbekistonning mintaqaviy yo‘nalish chegaralaridan chiqib, global turizmda o‘z o‘rnini mustahkamlayotganidan dalolat beradi. Bu yutuqlar BMT Turizm barometrida tasvirlangan global tendensiyalar doirasida turizm sohasining yanada rivojlanishi uchun qulay istiqbollarni yaratmoqda.

HUMO (O‘zbekiston) va «Elkart» (Qirg‘iziston) to‘lov tizimlari o‘zaro ekvayring loyihasini yo‘lga qo‘ymoqda. Yaqin kelajakda HUMO karta egalari Qirg‘izistonda, «Elkart» to‘lov tizimi qamrab olgan hududda, xuddi shunday «Elkart» egalari O‘zbekistonda xarid qilish va naqd pul yechib olish imkoniyatiga ega bo‘ladilar. Ushbu yechim sayohatlarni osonlashtirib, hisob-kitoblarni qulay va shaffof qiladi.

«Elkart bilan hamkorlikdagi loyiha mintaqa ichidagi hisob-kitoblarni yanada soddalashtirish yo‘lidagi navbatdagi qadamdir. Endi HUMO kartasi bilan Qirg‘izistondagi kafe, do‘kon yoki mehmonxonada bemalol to‘lov qilish mumkin. Dollar yoki som sotib olish, valyuta ayirboshlashda pul yo‘qotish yoki xalqaro karta ochish va unga xizmat ko‘rsatish uchun to‘lov qilish zarurati yo‘qoladi. Tizim foydalanilmagan mablag‘larni qayta ayirboshlash zaruriyatini bartaraf etib, kurs farqidan kelib chiqadigan yo‘qotishlardan himoya qiladi. Biz uyda ham, xorijda ham foydalanish uchun xavfsiz va qulay moliyaviy muhit yaratmoqdamiz», dedi HUMO biznesni strategik rivojlantirish departamenti direktori Olga Amangeldыeva.

2025 yil noyabr oyining o‘rtalariga kelib, tizim O‘zbekistonning barcha bankomatlarida va asosiy terminal tarmog‘ida ishga tushadi. To‘liq ulanish jarayoni 2026 yilning 1-choragida yakunlanadi.

HUMO va «Elkart» o‘rtasidagi o‘zaro ekvayring biznes uchun ham yangi imkoniyatlar ochadi: endi chegara hududlaridagi savdo shoxobchalari qo‘shni davlatdan kelgan mijozlardan qo‘shimcha xarajatlarsiz va xalqaro to‘lov tizimlariga ulanmasdan to‘lovlarni qabul qilishlari mumkin bo‘ladi.

Elkart milliy to‘lov tizimi: https://elcart.kg/