Хабар қилганимиздек, Тошкент  вилояти Маданият бошқармаси тизимидаги ижодий жамоалар вакилларидан иборат делегация айни пайтда Туркия Республикасида гострол фаолиятини давом эттирмоқда. 

🔹Хусусан, улар "Турк дунёси" фестивалидаги бадиий чиқишларини бошладилар.  Малатия шаҳрида ўзбек миллий куй-қўшиқлари ва рақс санъати намуналарини намойиш этаётган ижодий жамоамизнинг ҳар бир чиқишини хорижлик томошабинлар олқишлар билан қарши олмоқдалар.

Surxondaryo viloyati O‘zbekistonning tarixiy maskanlar, qadamjolarga boy hududlaridan hisoblanadi.

Viloyatga tashrif buyurgan turistlar Al-Hakim at-Termiziy maqbarasi, Qoratepa buddizm ibodatxonalar markazi, Fayoztepa buddaviylik monastiri, Abu Iso Termiziy maqbarasi, Zarautsoy qoyatosh suratlari, Xo‘jaikon tuz g‘ori, Teshiktosh g‘ori, Darband chegara istehkomi va “TEMIR DARVOZA” yodgorligi, Xo‘jamayxona ziyoratgohi, Tangisar kanoni, Xo‘ja g‘ur-g‘ur ota (Yer osti Everesti – yer yuzining eng chuqur g‘ori), Xo‘jaqo‘chqor ota anomalik zonasi, Omonxona ziyoratgohi, Jarqo‘rg‘on minorasi, Said otaliq madrasasi, Xoja Alouddin Attor maqbarasi, Xo‘jaipok ziyoratgohi, Sangardak sharsharasi, Ekoturizm maskani va boshqa shu kabi tarixiy joylarga sayohat qilish imkoniga ega bo‘lishadi. Bu esa turistlarga tarix sahifalarida yashirinib yotgan yangi, qiziqarli ma’lumotlarga ega bo‘lish imkonini beradi.

Masalan, Qoratepadagi dastlabki buddaviy ibodat in­shootlari milodiy I asrda quri­la boshlangan. Bu esa Eski Termizning shimoli-sharqiy qismida joylashgan Qoratepa buddizm ibodatxonalar markaziga tashrif buyurgan turistlarni uzoq o‘tmishga yetaklaydi.

Al-Hakim at-Termiziy maqbarasi, albatta, hech bir turistni befarq qoldirmaydi. Surxondaryoning mashhur islom obidalaridan biri bo‘lgan bu maqbara nafaqat at-Termiziy shaxsi, balki o‘sha davr haqida ham hikoya qiladi.

Turistlarni befarq qoldirmaydigan maskanlardan yanab biri shak-shubhasiz Zarautsoy qoyatosh suratlaridir. Manbalarga ko‘ra, Zarautsoy darasida joylashgan Zarautkamar g‘oridan mezolit, neolit va keyingi davrlarga mansub chizma tarzida kontur va soya uslubida qizil angob (oxra) bilan chizilgan 200 dan ortiq rasmlar topilgan. Bu fakt esa turistlarning mazkur hududda ancha qimmatli tarixiy ma’lumotlarga ega bo‘lishlarini anglatadi.

Darband chegara istehkomi va “TEMIR DARVOZA” yodgorligi tarixi miloddan avvalgi II asr o‘talariga borib taqaladi. Qadimgi manbalarning guvohlik berishicha, Boysun tog‘ining Oqqutol dovonida joylashgan Darband mudofaa istehkomi milloddan avvalgi II asrning 4-choragida qurilgan. Ayni damda mazkur hududda turistlarni ichki devorlari ham mavjud bo‘lgan, old, ya’ni g‘arbiy tarafi harbiy va bojxona inshootlarining qonun qoidalariga mos ravishda qurilgan, devorlari yo‘nilgan toshlar va xom g‘ishtlardan tiklangan qadimiy inshoot kutmoqda. O‘zbek davlatchiligi tarixining yorqin sahifalarining birini tashkil etadigan Darband mudofaa istehkomi sizu bizga tarixning eng qimmatli zarvaraqlarini ochishi shubhasiz.

Xo‘jamayxona ziyoratgohi tog‘ yon bag‘rida joylashgan bo‘lib, mazkur hududga tashrif buyurgan turistlar ziyoratgohning uch aka-uka bilan bog‘liq qiziqarli tarixidan boxabar bo‘lishadi. Shuningdek, turistlar mavsumiy may, iyun, iyul va avgust oylarida g‘ordan chiqayotgan shifobaxsh suv uchun kelishadi. Ushbu hudud mavsumda  ziyoratchilarning dam olish maskaniga aylanadi.

Vohaning Sayrob qishlog‘ida ikki tup ko‘hna chinor bor. Ularning tanasidagi katta kovakdan ilgari askarlar qarorgohi, 1920-yilda qishloq kengashi idorasi, 1932–1934-yillarda kutubxona, 1936-yilda qishloq savdo do‘koni, maktab, choyxona, sartaroshxona sifatida foydalanilgan. Hozir esa uning ichida mo‘jazgina muzey tashkil etilgan. Chinor tabiiy yodgorlik sifatida muhofazaga olingan. Yana bir e’tiborli jihati, mazkur chinorlar ostida asrlar davomida jilolanib oqib turgan buloq va undagi qora tusli baliqlarni boshqa joyda uchratmaysiz. Buloq suvi oqib chiqadigan tuynuklar bo‘lsa-da, yuzlab baliqlarning birortasi bu yerni tark etmagan. Boysunliklar ushbu azim chinorlar ostida buyuk shoir va davlat arbobi Zahiriddin Muhammad Bobur dam olgani haqida faxrlanib gapirishadi.

Surxondaryoda ko‘pchilik bilmaydigan, ammo o‘ta muhim obyekt hisoblangan Tangisar kanoni tabiat zonasi joylashgan. Mazkur hudud o‘rta asrlarda muhim strategik joy hisoblangan, chunki u ko‘plab savdo karvonlari va qo‘shinlari uchun tranzit vazifasini bajargan. Bu Buxoro, Samarqand va Chochdan Baqtriya va Hindistonga, Hindiston va Baqtriyadan Markaziy Osiyo shaharlariga qaytishning eng qisqa yo‘li edi.

Surxondaryoda O‘zbekistonning “Yer osti Everesti” yoxud dunyoda eng chuqur g‘ori nomiga da’vogar Xo‘ja g‘ur-g‘ur ota g‘ori ham bor. Bugungi kunda Gruziyadagi Kruber g‘ori eng chuqur g‘or hisoblanadi – 7,208 fut. Biroq “Dark Star” – “Qorong‘i yulduz” (Boysun ahli uni azaldan Xo‘ja G‘urg‘ur ota deb ataydi) undan bu nomni tortib olishga asosiy da’vogardir. Rossiya, Italiya va Isroil speleologlaridan iborat  31 kishilik xalqaro ekspeditsiya jamoasi o‘z texnik imkoniyatlaridan kelib chiqib, "Yer osti Everesti"ning tubiga 1 kilometrgacha kirib bora olgan. Tadqiqotchilar g‘orning tubi, aslida, 2,650 metrdan iboratligini ta’kidlashadi. Bu esa Gruziyadagi Kruberdan 500 metrga chuqurroq deganidir.

Yuqoridagi ma’lumotlar Surxondaryo bag‘rida “yashirinib yotgan” sir-sinoatlarning kichik bir sahifasi, xolos. Vohaning diqqatga sazovor joylari haqida istagancha yozish, fikr bildirish mumkin.

Eng yaxshisi, bu hududga tashrif buyurib, biz qayd etgan qadamjolar va boshqa tarixiy maskanlarni o‘z ko‘zingiz bilan ko‘ring. Bu sizga bevosita voha bag‘rida tarixga sayohat qilish va o‘zingiz uchun qimmatli ma’lumotlarga hamda unutilmas taassurotlarga ega bo‘lish imkonini yaratadi.

Mehribonu To'lqinova tayyorladi

Тошкент вилояти аҳолисининг миллий таркиби бўйича асосан ўзбеклар 70 фоизни, қозоқлар 12, тожиклар 5,5, руслар 4,6 ва бошқа миллат вакиллари 7,9 фоизни ташкил этади. 

🔹Шундан Юқори Чирчиқ туманида 66 минг 368, Бўстонлиқ туманида 42 минг 804, Чиноз туманида 26 минг 884 нафарга яқин қозоқ, Ангрен шаҳрида 33 минг 345, Бўстонлиқ туманида 28 минг 507, Чирчиқ шаҳрида 17 минг 668 нафар тожик, Олмалиқ шаҳрида эса 27 минг 329 нафар рус миллатига мансуб фуқаролар яшайди.

“XIVA REZIDENCE” mehmonxonasi "BOG’CHA HOVUZ" mas’uliyati cheklangan jamiyati tomonidan tashkil qilinib, obyektning umumiy yer maydoni 5400 kv.m, shundan binolar maydoni 2227.18 kv.m loyiha umumiy qiymati 11210 mln.so‘mni tashkil qilsa, shundan 5210 mln.so‘m o‘z mablag‘i, 7000 mln. so‘m kredit asosida tashkil qilinib o’z faoliyatini boshlamoqda.Yangi tashkil qilinayotgan mehmonxonamiz zamonaviy uskuna va jihozlar keltirilib, o‘rnatilgan, 25 ta yangi ish joylari yaratilib, mehmonxona 66 ta xona va 132 o‘ringa mo‘ljallangan- deydi mehmonxona rahbari Magrupov Rustam ValiyevichMedia-tur davomida ishtirokchilar, shuningdek turli darajadagi mehmonlarga mo‘ljallangan xonalar, konferensiya zallari, sport maydonchalari, restoranlar, ko‘ngilochar maskanlar va boshqa ko‘plab imkoniyatlarga ega bo‘lgan “XIVA REZIDENCE” mehmonxonasida mahalliy va xorijiy sayyohlarga xalqaro standartlar darajasida yaratilgan barcha shart-sharoitlar bilan yaqindan tanishdilar.

“Farovon” Xiva mehmonxonasi O‘zbekiston va Markaziy Osiyoning eng qadimiy shaharlaridan biri bo‘lgan Xiva shahrida joylashgan.Mehmonxona dam olish uchun ham, biznes uchrashuvlari va konferentsiyalari uchun ham juda mos keladi. U 76 ta standart va 8 ta superior xonalar, 16 ta suit va 6 ta prezidentlik xonalaridan iborat boʻlib, zamonaviy uslub va milliy bezak elementlarini uygʻunlashtirgan holda bezatilgan.3 ta restoran - Italiya - Milan, Pan-Osiyo - Tokio, milliy - Xiva, shuningdek, Istanbul sizni turli xil taomlar, ichimliklar va shirinliklarni tatib ko'rishga taklif qiladi.Mehmonxonaning asosiy afzalliklaridan biri 10 dan 800 kishigacha zal va konferentsiya zallari bilan jihozlanganligidir.To'qqizta konferensiya zali biznes uchrashuvlari, korporativ kechalar, treninglar va konferensiyalar uchun mos.

Yuqori Chirchiq tumanidagi “Iyk ota” ziyoratgohi Chirchiq daryosining chap qirg‘og‘ida, Iyk ota qishlog‘idan 1 km janub tarafdan uzoqlikda joylashgan bo‘lib, u xalq orasida Iyk ota nomi bilan yuritiladi.

Qadamjoga nomi berilgan bu zotning taxminan XVI-XVII asrlarda yashab o‘tganligi aytiladi. Iyk ota Yassaviya tariqatining namoyondalaridan biri hisoblangan moʻtabar zot.

Iyk — ipdan to‘qilgan mato ma’nosini bildiradi. Mahalliy aholi orasida to‘qimachilik bilan shug‘ullanuvchi hunarmandlar piri bo‘lgan ushbu zotning maqbarasi qabristonning ichida joylashgan.

Og‘zaki ma’lumotlariga ko‘ra Iyk ota tabibchilik bilan ham shug‘ullangan bo‘lib, xalqni davolagan, degan fikrlar ham mavjud.

Qayta ta’mirlangan majmuada namozxona, kutubxona, ayollar va erkaklar uchun alohida tahoratxonalar va boshqa sharoitlar yaratilgan. 

------
Ushbu qadamjo mahalliy va xorijiy mehmonlar, ziyorat turizmini hush ko‘ruvchilar uchun zamonaviy sayyohlik maskaniga aylantirilgan. 
 

 O‘zbekiston Respublikasi Prezidentining 2022-yil 27-yanvardagi PQ-104-son qarori bilan tasdiqlangan maxsus xizmat ko‘rsatish ko‘chalariga aylantiriladigan markaziy ko‘chalar ro‘yxatida keltirilgan ayrim ko‘chalarda maxsus «turizm ko‘chalari»ni tashkil etish vazifasi yuzasidan Toshkent viloyatida ko‘plab ko‘chalarni turizm ko‘chasiga aylantirish rejasi ishlab chiqilmoqda.

 Jumladan, O‘rtachirchiq tumanining Qorasuv mahallasi markaziy ko‘chasi aynan ana shunday ko‘chaga aylantirish uchun muvofiq joy deb topilib, kelajakda ushbu maskanda sayyohlar, mahalliy aholi ma’naviy hordiq chiqaradigan hududga aylantirilishi nazarda tutilayapti. Taklif etilayotgan loyiha rejasiga muvofiq ushbu ko‘chalarda tungi vaqtda turizm namoyishi obektlarining faoliyati yo‘lga qo‘yilishi ta’minlanadi. Viloyat turizm va madaniy meros bosh boshqarmasi va tuman hokimligi mazkur masalada ish olib borishni yo'lga qo'ydi.

Соляная пещера «Ходжайкон» в опасности Внутри соляной пещера «Ходжайкон», считающейся материальным культурным наследием, расположены пять помещений-камер с разной температурой, влажностью, давлением и микроклиматом, а также система художественных галерей. Стены пещеры однозначно покрыты слоем соли от одного до трех сантиметров, в проходе находится целебный источник с раствором соли.  Соляная пещера в основном лечит верхние органы дыхания, сердечно-сосудистые заболевания и болезни эндокринной системы. Регулирует артериальное давление. Бронхит, астма, хронический ларингит у детей раннего возраста, ринит у взрослых и детей, поллиноз, астма, пневмония, эмфизема, расстройства нервной системы, особенно у больных бессонницей В соляной пещере 5 комнат, кардинально отличающихся друг от друга.

  Шўрчи туманининг 1-сектор худудида “Кушон” туризм бекати ўз фаолиятини бошлади. 
     Тадбиркор Акром Юсупов томонидан қурилган мажмуада 24 нафар ёшларнинг бандлиги таъминланган. 
 

«Чхусок» — это добрый праздник сбора урожая, двери которого открыты для всех. В этом году корейская диаспора Узбекистана планирует отметить его с большим размахом. Фестиваль пройдет на территории Дворца корейской культуры и искусств в Ташкенте и вместит несколько тысяч участников и гостей.

Во время фестиваля «Чхусок» ташкентцы смогут познакомиться с корейской культурой и кухней. Для гостей на сцене будут выступать музыкальные коллективы и певцы, будут показаны танцевальные номера и проведены мастер-классы, состоятся лотереи, аукционы и конкурсы. В 18:00 начнется гала-концерт.

В программе конкурса состоится дефиле участниц в национальных костюмах ханбок. По завершении конкурса все желающие смогут сфотографироваться с участницами. Вход на финал будет платным в благотворительных целях, стоимость билетов от 50 до 150 тысяч сумов.

«Мы хотим, чтобы праздник “Чхусок” стал традицией и каждый год все народы Узбекистана собирались у нас в гостях в конце сентября. Приходите к нам в гости. Мы будем очень рады вам», - говорит Андрей Югай.

Генеральный спонсор фестиваля - YAPONAMAMA.

Фестиваль «Чхусок» проходит при поддержке Клуба корейских бизнесменов Koryoin, компании Italheat, суши-бара Kaizen, сервиса «Несу Куксу», кафе Mayor Tayor, компаний ProMebelHome, E.R.Stroy и Gruzovichkof.

Oʻzbekiston Respublikasi Prezidenti hamda Vazirlar Mahkamasining ichki va ziyorat turizmini rivojlantirishga oid tegishli farmon va qarorlari ijrosi doirasida bugun Surxondaryo viloyatining Boysun, Denov, Oltinsoy va Termiz tumanlarida “Ziyorat turizmi” yarmarkasi bo‘lib o‘tdi.

Viloyat turizm va madaniy meros bosh boshqarmasi, tumanlar hokimligi, "Hunarmand" uyushmasi viloyat boshqarmasi va tegishli ziyorat turizmi obektlari hamkorligida tashkil etilgan tadbirlarda mamlakatimizda keyingi yillarda yurtimizning sayyohlik salohiyati, shu jumladan, ziyorat turizmini rivojlantirish yuzasidan amalga oshirilayotgan ishlar haqida atroflicha maʼlumot berildi.

 Termiz tumanidagi Hakim at Termiziy majmuasida boʻlib oʻtgan tadbirda Termiz shahri va tumanda ziyorat turizmi yoʻnalishida faoliyat yurituvchi turoperator va tadbireorlar, qoʻli gul hunarmandlar ishtirok etdi.

Yarmarka va koʻrgazmada qadimiy vohaning ziyorat turizmi salohiyatini koʻrsatib beruvchi turli targʻibot materiallari, milliy hunarmandchilik va milliy suvenir mahsulotlari namoyish etildi. 

Yarmarka buyuk ajdodimiz Hakim at Termiziy majmuasiga ziyoratga kelgan sayyohlarda boy taassurot oʻygʻotdi.

Mamlakatimizda sayyohlarga ko'rsatilayotgan xizmatlar sifatini oshirish maqsadida yangi davlat standarti ishlab chiqildi. Mazkur standart “Sport va turizm xizmatlarini sertifikatlash markazi” DUK qoshidagi STQ 4 «Turizm va sport» standartlashtirish bo‘yicha texnik qo‘mita tomonidan O‘zbekiston texnik jihatdan tartibga solish agentligining 2022 yil 17 yanvardagi 05-1369-son buyrug‘iga asosan qabul qilindi. 

 O‘z DSt ISO 22525:2021 (ISO 22525:2020, IDT) “Turizm va unga bog‘liq xizmatlar. Tibbiy turizm. Xizmat ko‘rsatishga talablar” davlat standarti tibbiy turizm sohasida tibbiy xizmatlarning vositachilari va taʼminotchilari uchun talab va tavsiyalarni belgilaydi.

Ushbu standart tibbiy sabablarga ko‘ra sayohat qilayotgan sayyohlarning talablarini qanoatlantirish uchun ularga sifatli xizmatlarni taqdim etishga mo‘ljallangan.

Standart 2022 yil 1 apreldan amalga joriy etiladi.

Ekologiya va atrof-muhitni muhofaza qilish davlat qoʼmitasi va Turizmni rivojlantirish qoʼmitasi tomonidan "Suvtushar" sharsharasida ziyorat turizmi va ekologik turizmni tashkil qilish uchun zarur infratuzilmani yaratish boʼyicha tayyorlangan loyiha va smeta hujjatlari asosida obʼektni qurilish ishlari boshlanmoqda.

Maʼlumki, turizm jahonning koʼplab mamlakatlari iqtisodiyoti tarkibida tez rivojlanayotgan va salmoqli oʼrinni egallaydigan tarmoqdir. 

Ekologik turizm tabiat bilan kishilarning uzviy bogʼliqligi va bevosita muloqotini rivojlantirishga, tabiatda huzur-halovat, madad quvvat, bilim, umuman ekologik iqtisodiy barqarorlik va muvozanatni saqlagan holda faol dam olishda alohida oʼrin kasb etadi. 

Аna shulardan kelib chiqib, amalga oshirilayotgan loyiha "Hisor” davlat qoʼriqxonasining qoʼriqlanma hududida barpo etilayotgan "Suvtushar" sharsharasini turistlarning eng sevimli ekoturistik maskaniga aylanishiga xizmat qiladi.

Andijon viloyati turizm va sayyohlik sohasida ulkan salohiyat va imkoniyatga ega hududlardan biri hisoblanadi.

Shu bois hududda turizmni rivojlantirish bo‘yicha amalga oshirilayotgan ishlar sayyohlar oqimini ko‘paytirish imkonini bermoqda.
Buni Andijon viloyatining Marhamat tumanida turizmni rivojlantirish borasida amalga oshirilayotgan ishlar misolida ko‘rish mumkin. Agar yo‘lingiz tushib, Marhamatga kelsangiz, Andijon – Marhamat avtomagistral yo‘lidan yurib, Shahrixonsoydan o‘tishingiz bilan o‘ziga xos, go‘zal manzaraning guvohi bo‘lasiz. 

Yo‘lning har ikki tomonida adirlikning quyi qismida soya-salqin choyxonalar, turizmni targ‘ib etuvchi haykal va o‘tovlarga ko‘zingiz tushadi, adirlikning eng yuqorisida esa “Marhamat” sihatgohi ana shu go‘zal manzaraga yanada ko‘rk bag‘ishlab turibdi. Ayni kunda Marhamat tumanida jami 62 ta madaniy meros ob’ekti - arxeologik, monumental, arxitektura yodgorliklari, ziyoratgoh, shuningdek, diqqatiga sazovor joylar bo‘lib, ularning aksariyati turistik yo‘nalishlarga kiritilgan. 

Tumanda ichki turizmni tashkil qilish va rivojlantirish maqsadida “Mingtepa” jamoat fondi tomonidan yo‘l bo‘ylariga 15 ta kichik turistik maskanlar barpo etish loyihasi ishlab chiqilgan. Hozirgi kunda ulardan 6 tasi foydalanishga topshirilgan. Turizm infratuzilmani rivojlantirish bo‘yicha namunaviy loyihalar asosida 9 ta yangi sanitariya-gigiyena shoxobchasi tashkil etildi, mavjud 8 tasi esa ta’mirlandi. O‘tgan yili tumanda 14 ta turistik yo‘nalishlar mavjud bo‘lgan bo‘lsa, joriy yilda ularni 18 taga yetkazish bo‘yicha ishlar olib borilmoqda. Sayyohlarga 1 ta turoperator xizmat ko‘rsatmoqda. Keyingi yillarda hashar yo‘li bilan tumandagi Xo‘jabosmon ota, Bandimozor ota, Mirishkor ota, Oqbosh ota, Boboxuroson ota ziyoratgohlari hamda Vosiliy uy-muzeyida ta’mirlash, obodonlashtirish ishlari amalga oshirildi. 

Bozorboshi mahallasida etnoturizm yo‘nalishida “Ro‘molchilik ko‘chasi” tashkil etildi. bugungi kunda tumanda turistik ob’ektlarda xizmat ko‘rsatish yo‘nalishida 2 ming 100 nafardan ziyod kishining bandligi ta’minlangan. Tumanda o‘tgan yili mahalliy va xorijiy sayyohlarga xizmat ko‘rsatish orqali turistik xizmat ko‘rsatish hajmi 1,5 barobarga ortgan. Tumandagi Xakka mahallasida 8,5 gektar maydonda barpo etilgan “Buyuk maskan” ekoturizm maskani esa har qanday sayyohga manzur bo‘lishi aniq. Umumiy loyiha qiymati 30 milliard so‘m bo‘lgan mazkur dam olish maskani bir vaqtning o‘zida bir ming nafardan ortiq odamga xizmat ko‘rsatadi. Bu yerda mehmonxona, choyxonalar, qoraqalpoq, qirg‘iz o‘tovlari, sport maydonlari, bar, kafe, sharshara, manzarali yo‘laklar barpo etildi, charxpalak, o‘ndan ortiq attraksionlar o‘rnatilgan. Maskan markazida ko‘l yaratilib, o‘rtasi orolcha qilingan. Orolchada muzqaymoq xiyoboni tashkil etilgan. Ko‘lda sayr qilish uchun bir nechta katamaranlar keltirildi. O‘ziga xos ko‘rinish va betakror dizaynga ega mazkur maskan foydalanishga topshirilishi bilan tumanga yana ko‘plab sayyohlarni jalb etish imkoni yaratiladi. 

Boboxuroson mahallasida yashovchi o‘zbek sirki, dorbozlik san’atining ustasi Yunusali G‘oziyevning xonadonida tashkil etilgan milliy etnoturizm maskani ham sayyohlar bilan hamisha gavjum maskanlardan biri hisoblanadi. Xonadon ichidan oqib o‘tuvchi ariq bo‘ylari jannatmonand bog‘ga, dam olish maskaniga aylantirilgan. Xonadonda parvarishlanayotgan ko‘p yillik ulkan daraxtlarning har biriga o‘zgacha shakl berilib, ularning ustiga, daraxt shoxlari orasiga o‘tirib, dam oladigan maxsus joylar barpo etilgan. Ushbu maskanga kelgan sayyohlar uchun "Andijon samosi" dorbozlar guruhi tomonidan dorbozlik san’ati namoyish etiladi. Shuningdek, maskanda milliy hunarmandchilik mahsulotlari ko‘rgazmasi, o‘ziga xos etno muhit yaratilgan. Ushbu maskanda bir vaqtning o‘zida 90 nafar sayyohga xizmat ko‘rsatiladi. Marhamat tumanida turizmni rivojlantirishda “Mingtepa” arxeologik yodgorligi alohida ahamiyat kasb etadi.

– Xalqimizning ko‘hna tarixini aks ettiruvchi noyob “Mingtepa” yodgorligiga nafaqat yurtimiz, balki xorijlik sayyohlarda ham katta qiziqish uyg‘otadi, – deydi "Mingtepa-madaniy meros" jamoat fondi rahbari Ortiqali Husanov. – Mingtepa xarobalari xalqimizning qadim tarixi haqida juda ko‘p ma’lumotlar beradi. Ana shundan kelib chiqib, turistlarni jalb etish maqsadida ochiq osmon ostidagi “Mingtepa” muzeyi, kutubxona tashkil etildi. Qolaversa, O‘zbekiston Respublikasi Vazirlar Mahkamasining 2018 yil 29 dekabrdagi "Mingtepa" arxeologiya merosi ob’ektini muhofaza qilish, tadqiq etish va undan oqilona foydalanish to‘g‘risida" gi qarori hamda mazkur qaror bilan tasdiqlangan "Yo‘l xaritasi" da keng ko‘lamli ishlarni amalga oshirish belgilangan. Biroq, mazkur ishlarning bajarilishi koronavirus pandemiyasi munosabati bilan o‘z vaqtida bajarilmadi. bugungi kunga kelib ham qaror ijrosini ta’minlash e’tibordan chetda qolmoqda. 

Qaror bo‘yicha "Mingtepa" arxeologiya merosi ob’ektini muhofaza qilish va tadqiq etish markazi binosini qurish uchun 1,14 gektar, muhofaza hududi uchun esa 2,4 gektar yer maydoni ajratildi. Qurilish ishlari esa haligacha boshlangani yo‘q. Bundan tashqari, hujjatda turistlar, tashrif buyuruvchilar uchun qulay sharoitlar yaratish, tarixiy ko‘rinishni saqlagan holda ob’ektning muhofaza etiladigan hududidan tashqarida zamonaviy dam olish maskanlari tashkil etish, "Jingirtepa", "Toshtepa" arxeologiya ob’ektlariga olib chiquvchi yo‘lni piyodalar uchun moslashtirish singari qator vazifalari ham belgilangan. Biroq, mazkur ishlarning bajarilishini ham ko‘ngildagidek, deb ayta olmaymiz. Taqdim etilgan ma’lumotlarga ko‘ra, belgilangan ishlarni amalga oshirish bilan bog‘liq hujjatlar ishlab chiqilgan, hozirda ular Andijon viloyati Madaniy meros boshqarmasi qoshidagi Ilmiy-maslahat kengashi tomonidan ko‘rib chiqilmoqda. Tuman hokimligi, boshqa mas’ul va mutasaddi tashkilotlar Vazirlar Mahkamasining yuqorida qayd etilgan qarori ijrosi bo‘yicha amaliy ishlarni boshlaydi, deb umid qilamiz.

Marhamat tumanida o‘nlab ziyoratgohlar borki, ularga nafaqat Andijon, balki respublikamizning boshqa viloyatlari, qo‘shni Qirg‘iziston Respublikasidan ham ko‘plab sayyoh va ziyoratchilarni jalb etish mumkin. O‘tgan yili tumanga 115 ming 200 nafar sayyoh va ziyoratchi tashrif buyurgan bo‘lsa, joriy yilda ularning sonini yanada oshirish ko‘zda tutilgan. 2022 yilda tumanda bir vaqtning o‘zida 160 nafar mehmonni qabul qilish imkoniyatiga ega qator mehmon uy, oilaviy mehmonxona va xostellar tashkil etilishi belgilangan. Masalan, Mirishkor mahallasida umumiy qiymati 3 milliard so‘mga teng 60 o‘rinli o‘ziga xos uslubda mehmon uylar barpo etildi. Yil oxiriga qadar mavjud ziyoratgohlarga olib boruvchi yo‘l ko‘rsatkichlari to‘la o‘rnatiladi. Shuningdek, To‘rabobo, Mulla to‘ychi, Oqto‘nli ota va Mahdum Vosiliy ziyoratgohlari ta’mirlanadi.

Tumandagi ziyoratgohlarda WI-FI zonalari yaratiladi. Joriy yilda ana shu ishlarni amalga oshirish hisobiga tumanda turizm rivojlanadi, sayyohlar oqimi esa yanada ortadi.

«Tashtermal» yirik zamonaviy sogʻlomlashtirish majmuasi boʻlib, poytaxtdan 40 km uzoqlikda, Toshkent mineral suvlari qishlogʻida dengiz sathidan 540 metr balandlikdagi soʻlim goʻshada joylashgan. Sanatoriy 10 gektar maydonni egallagan boʻlib, uning hududida xonalar va tibbiyot majmuasi, suzish havzasi, terassalar, vannalar, ochiq dam olish maskanlari, restoranlar va sayyohlik maydonchalari va asosiy bino joylashgan. Sanatoriy bir vaqtning oʻzida 255 nafar mehmonni qabul qila oladi. Tibbiyot binosi Yevropa va AQSHdan keltirilgan zamonaviy tibbiy asbob-uskunalar bilan jihozlangan. Majmua hududida konsertlar va filmlar namoyish etiladigan konsert zali mavjud.

Sanatoriyda shuningdek bolalar maydonchasi, sport zali va sport mashgʻulotlari uchun qoʻshimcha jihozlangan maydonlar mavjud. Kurortning davolash asosi 1300 metr chuqurlikdagi gipertermal buloqdan olingan mineral suvdir. Sanatoriy profili asosan gastroenterologiya, endokrinologiya, kardiologiya, nevrologiya, dermatologiya, ginekologiya va urologiya hisoblanadi. Shu bilan birga, bu yerda “COVID-19”dan keyin reabilitatsiya qilish mumkin.

Majmuada respublikaning turli hududlaridan kelgan oʻz sohasining yetakchi mutaxassislari jalb etilgan boʻlib, keng koʻlamli tibbiy muolajalar, mashqlar terapiyasi, lazer, suv ostida orqa miya tortishidan tortib, psixologik yordam va estetik kosmetologiyagacha boʻlgan keng koʻlamli muolajalar amalga oshiradi. Dam olish maskanida 16 oʻrinli massaj xonalari mavjud.

«Tashtermal» sanatoriysining asosiy afzalligi yuqori sifatli xizmatdir: har bir mehmonga maksimal darajada eʼtibor va gʻamxoʻrlik koʻrsatiladi. Mehmonlarga “bufet” tizimi boʻyicha kuniga uch marta ovqatlanish taklif etiladi, bu yerda turli xil ovqatlar mavjud. Har bir xonada farovon yashash uchun zarur boʻlgan barcha sharoitlar bilan bir qatorda, goʻzal manzaraga olib chiquvchi balkonlar mavjud. Zallarda dam olish maskanlari va fito-barlar mavjud boʻlib, ularda istalgan vaqtda sogʻlom gazak yeyishingiz mumkin.

Har bir bemorga dastlab tashxis qoʻyiladi, soʻngra unga mutaxassislarning hushyor nazorati ostida oʻtkaziladigan zarur amaliyotlar qoʻllanadi. Davolashning oʻzi bilan bir qatorda, kompleks mutaxassislar tomonidan umumiy mustahkamlash, yoshartirish tartib-qoidalariga katta eʼtibor beriladi.

Пятизвездочный отель Atlantis с частным песчаным пляжем расположен в Дубае на острове Палм-Джумейра. Пятизвездочный отель Atlantis с частным песчаным пляжем расположен в Дубае на острове Палм-Джумейра.

Шумонайлик бир гуруҳ ёшларнинг туманимиздаги сўлим оромгоҳларида дам олаётганликлари борасида маълумот бериб ўтган эдик. Дам олиш онларини янада мароқли ва мазмунли ўтказиш мақсадида болажонлар иштирокида Хива шаҳрига саёҳат уюштирилди. 
Болажонлар очиқ осмон остидаги музей шаҳарни тамоша қилиш баробарида тарихий обидаларни ҳам зиёрат қилдилар. 
Саёҳат болажонлар учун  унитилмас лаҳзаларга бой бўлди.
 

Sayohat davomida sayohatchilar Samarqand va Buxorodagi ziyoratgohlar, diqqatga sazovor joylarda bo‘lib, tarixiy obidalar haqida ko‘plab ma’lumotlarga ega bo‘lishdi. 

⚡️Bugungi kunda ichki turizmga qaratilayotgan e’tibor ushbu sayyohlarimizga ham manzur kelayotganligini o‘zlari aytishmoqda. 
 

O‘zbekiston bo‘ylab sayohat qilish xarajatlarining bir qismini (keshbek) qaytarish tartibi prezidentning 30 apreldagi «Ichki turizm xizmatlarini diversifikatsiya qilish bo‘yicha qo‘shimcha chora-tadbirlar to‘g‘risida»gi qarorida ilgari surilgan.

Keshbek 2022 yil 1 sentabrdan boshlab taqdim etiladi. Sayohat xarajatlarini qaytarish Turizm va madaniy meros vazirligining elektron platformasi orqali, shu jumladan ichki sayohatni rejalashtirishni, shuningdek chegirmalar taqdim yetishni va «O‘zbekiston bo‘ylab sayohat qil!» doirasida tayyor turistik paketlarni mustaqil shakllantirishni ta’minlaydigan mobil ilovasi orqali amalga oshiriladi. Builab Sayehat Kil dasturi!

Sayohat xarajatlarini qaytarish sayohat qilish davomida bir vaqtning o‘zida quyidagilar nazarda tutilganda amalga oshiriladi:

• avia, temir yo‘l va (yoki) avtomobil transportidan foydalanish;
• joylashtirish vositalari xizmatlaridan foydalanish;
• madaniyat tashkilotlariga tashrif buyurish;

Sayohat xarajatlarini qaytarish har bir turistga quyidagi miqdorlarda amalga oshiriladi:

• aviaqatnov orqali borib-kelish chiptasi narxining 15 foizi, lekin 150 ming so‘mdan oshmagan miqdorda;
• temir yo‘lda yoki avtobusda borib-kelish chiptasi narxining 15 foizi, lekin 80 ming so‘mdan oshmagan miqdorda;
• joylashtirish vositasida tunab qolish xarajatining 15 foizi, lekin 80 ming so‘mdan oshmagan miqdorda;
• teatr, muzey, sirk va badiiy galereyalarga har bir tashrif chiptasi narxining 50 foizi, lekin 20 ming so‘mdan oshmagan miqdorda.

Xarajatlar faqat ichki sayohat oxirida mahalliy sayyohlarning bank kartasiga platforma orqali qaytariladi, deyiladi hujjatda.

Platforma Davlat soliq qo‘mitasining (SoliqUz) mobil ilovasi bilan integratsiya qilinadi. Shu orqali xarajatlarning haqiqiyligi tekshiriladi.

Turistlarning keshbekini moliyalashtirish uchun Turizm va madaniy meros vazirligi huzuridagi budjetdan tashqari Turizmni qo‘llab-quvvatlash jamg‘armasiga 2022 yilda respublika budjetidan qo‘shimcha mablag‘lar hisobidan 30 mlrd so‘m ajratiladi.

Turizm sohasidagi boshqa yangiliklar

Hujjatda tungi vaqtda (soat 18:00 dan 06:00 gacha) faoliyat yurituvchi turizmning yangi mexanizmlarini joriy etish va rivojlantirish ko‘zda tutilgan:

• maxsus tashkil etiladigan «turizm ko‘chalari»da joylashgan umumiy ovqatlanish korxonalari, ko‘ngilochar va savdo obyektlari, madaniyat tashkilotlari faoliyatini jamoat xavfsizligi va aholi osoyishtaligini ta’minlagan holda to‘sqinliksiz amalga oshirish;
• turistik obyektlarning uzluksiz ishlashini ta’minlash uchun zarur infratuzilma va muhandislik-kommunikatsiya tizimini takomillashtirish;
• madaniy-ko‘ngilochar, konsert-ko‘ngilochar tadbirlarni tashkil etish va o‘tkazish uchun zarur shart-sharoitlarni yaratish;
• maxsus avtobuslar (shuttle-bus) qatnovini yo‘lga qo‘yish;
• turizm namoyishi obyektlarining faoliyat olib borishiga ruxsat berishning yagona tartibini joriy qilish va turizm namoyishi obyektlarini qo‘llab-quvvatlash tizimini yaratish;
• turistik obyektlarning ishlashiga yagona ruxsat berish tartibini joriy yetish va ularni qo‘llab-quvvatlash tizimini yaratish.

Tungi vaqtda faoliyat yurituvchi turistik obyektlarning uzluksiz ishlashini ta’minlash maqsadida davlat tomonidan quyidagi chora-tadbirlar ko‘riladi:

• faoliyat yuritayotgan turizm namoyishi obyektlari atrofi uzluksiz yoritilishi ta’minlanadi, shu jumladan, mazkur hududlar energiya tejovchi texnologiyalar va qayta tiklanuvchi energiya manbalari bilan jihozlanadi;
• turizm namoyishi obyektlari «Xavfsiz shahar» konsepsiyasiga integratsiya qilinadi;
• «turizm ko‘chalari»da jamoat xavfsizligi normalari va talablari doirasida «xavfsizlik chaqiruv tugmalari» o‘rnatiladi hamda «Wi-Fi» zonalari tashkil etiladi;

Kechasi ishlaydigan turistik obyektlarga quyidagi talablar qo‘yiladi:

• obyektlarning ichki qismi, xizmat ko‘rsatish xonalari, kirish va chiqish, shu jumladan, favqulodda vaziyatlar yuz bergan taqdirda harakatlanish va fuqarolarni evakuatsiya qilish joylarida ma’lumotlarni kamida 30 kun davomida saqlash imkonini beruvchi videokuzatuv tizimini o‘rnatish va «Xavfsiz shahar» konsepsiyasiga integratsiya qilish;
• binolarning yon-atrofi, avtoturargoh va ularga tegishli boshqa hududlarni kamida 10 metr masofada yoritish;
• obyektlarni to‘liq tovush o‘tkazmaydigan tarzda jihozlash. Bunda, tungi vaqtda musiqa va tovush kuchaytirgich asbob-uskunalaridan aholining tinchligini buzmagan holda foydalaniladi;
• obyektlarni yong‘in o‘chirish vositalari, birinchi tibbiy yordam ko‘rsatish uchun zarur dori vositalari va tibbiy buyumlar to‘plamiga ega tibbiy yordam qutichalari bilan ta’minlash;
• binoning barcha uchun ko‘rinarli joylarida yong‘in va boshqa favqulodda vaziyatlar yuz bergan taqdirda harakatlanish va fuqarolarni evakuatsiya qilish chizmasi hamda tezkor va qutqaruv xizmatlarining telefon raqamlari aks ettirilgan ma’lumotlarni aks ettirish talabi belgilanadi.

Hujjat davlat organlarining qonunga rioya qilgan holda tungi vaqtda ishlayotgan tadbirkorlar faoliyatiga asossiz aralashuvlar va byurokratik to‘siqlar o‘rnatishini taqiqlaydi.

O‘zbekiston avtomobil yo‘llari bo‘ylab (Turistik transport yo‘lagi) «karvonsaroy» barpo etiladi, ularning har biri turistik xizmatlar ko‘rsatadi. Xususaye hunarmandchilik va mahalliy qishloq xo‘jaligi mahsulotlarini sotish bo‘yicha xizmatlari, avtomobillarga, shu jumladan, elektr transport vositalariga xizmat ko‘rsatish shoxobchalari, to‘xtash joylari va sanitariya inshootlari faoliyati yo‘lga qo‘yiladi. Har bir «karvonsaroy» atrofiga daraxt va butalar ko‘chatlari ekiladi.

Uch oylik muddatda Aqchako‘l, Ashshi ko‘l, Zikri ko‘li, Aydarko‘l, Tuzkon ko‘li va To‘dako‘l ko‘llari hududida sohilbo‘yi zonalarini tashkil etish uchun 10 yilgacha muddatga ijaraga beriladi. U yerda ekologik va sanitariya talablariga javob beradigan yengil konstruksiyalardan qurilgan bino va inshootlar barpo etiladi.